ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19

ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19 - 122 - ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19
ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19 - Untitled design - ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19

ພາຍຫລັງລັດຖະບານ​ໄດ້​ອະນຸຍາດໃຫ້​ເປີດ​ການ​ຮຽນ-ການ​ສອນຄືນ​ໃໝ່​ໃນ​ຂອບ​ເຂດ​ທົ່ວ​ປະ​ເທດ, ​ແຂວງ​ສະ​ຫວັນນະ​ເຂດ ກໍ​ໄດ້​ຈັດ​ຕັ້ງ​​ເປີດ​ການ​ຮຽນ-ການ​ສອນຄືນ​ໃໝ່ ດ້ວຍ​ບັນ​ຍາ​ກາດ​ອັນ​ຄຶກຄື້ນ, ພ້ອມ​ເຂັ້ມ​ງວດຕໍ່​ບັນດາ​ນັກຮຽນ​ໃຫ້​ເອົາ​ໃຈ​ໃສ່​ໃນ​ການ​ປ້ອງ​ກັນ​ຕົວ​ເອງ ​ເພື່ອ​ປ້ອງ​ກັນ​ການ​ຕິດ​ເຊື້ອ​ພະຍາດ​ໂຄ​ວິດ-19 ​ໂດຍ​ໃຫ້​ເຂັ້ມ​ງວດ​ປະ​ຕິ​ບັດ​ຕາມ​ຄຳ​ສັ່ງ, ຄຳ​ແນະນຳຂອງ​ຄະນະ​ສະ​ເພາະ​ກິດ​ວາງ​ອອກຢ່າງ​ເຄັ່ງ​ຄັດ.

ທ່ານ ແກ່ນຕາ ແກ້ວສຸເດືອນ ຮັກສາ​ການຜູ້ອໍານວຍການໂຮງຮຽນມັດທະຍົມ​ສົມບູນສະຫວັນ (ມສ ສະຫວັນ) ລາຍ​ງານ​ໃຫ້​ຮູ້​ໃນວັນທີ 12 ມິຖຸນາ 2020 ນີ້​ວ່າ: ນັບ​ແຕ່​ເປີດ​ການ​ຮຽນ-ການ​ສອນ ຄືນ​ໃໝ່ ​ໂຮງຮຽນ ມສ ສະຫວັນ ​ເຊິ່ງຕັ້ງ​ຢູ່ນະຄອນ​ໄກສອນ ​ພົມວິຫານ ​ແຂວງ​ສະຫວັນ​ນະ​ເຂດ ກໍ​ໄດ້​ວາງມາດຕະການສະກັດກັ້ນ ແລະ ປ້ອງກັນພະຍາດໂຄວິດ-19 ຢ່າງເຂັ້ມງວດ ​ໂດຍ​ໄດ້​ແນະນຳໃຫ້ຄູ-ອາຈານ ແລະ ນັກຮຽນໃສ່ຜ້າອັດປາກ-ດັງ, ປະຕິບັດ​ການຮັກສາໄລຍະຫ່າງ 1 ​ແມັດ​ຂຶ້ນ​ໄປ, ສ້າງບ່ອນລ້າງມືດ້ວຍນ້ຳ​ສະອາດໃສ່ສະບູ ຫລື ເຈວລ້າງມື, ​ໄດ້​ຈັດ​ຕັ້ງ​ເວນຍາມ​ປະຕູ​ເຂົ້າ-ອອກຂອງ​ໂຮງຮຽນ​ເປັນ​ປະຈຳ​ທຸກ​ວັນ ​ແລະ ຕິດຕາມ​ນັກຮຽນ​ທີ່ມາ​​ໂຮງຮຽນຕ້ອງ​ໄດ້​ໃສ່​ຜ້າ​ອັດ​ປາກ, ມີ​ແຈວ​ລ້າງ​ມື, ​ໃຫ້​ນັ່ງ​ຫ່າງ​ກັນ 1 ​ແມັດ​ຂຶ້ນ​ໄປ ​ແລະ ​ໃຫ້​ໝັ່ນ​ລາງ​ມື​ເປັນ​ປະຈຳ​ທຸກ​ວັນ, ພ້ອມ​ນັ້ນ ທາງໂຮງຮຽນຍັງໄດ້​ເຜີຍ​ແຜ່ຂໍ້ມູນກ່ຽວກັບຜົນຮ້າຍ ແລະ ວິທີປ້ອງກັນພະຍາດໂຄວິດ-19 ​ໃຫ້​ແກ່​ນັກຮຽນຜ່ານ​ທາງໂທລະໂຄ່ງຂອງໂຮງຮຽນ​ເປັນ​ປະຈຳທຸກໆວັນ.

ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19 - Wave100S AD to Website 2020 0 - ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19

​     ພ້ອມ​ດຽວ​ກັນ​ນັ້ນ, ຍັງ​ໄດ້​ສັບຊ້ອນຕາຕະລາງ​ການ​ຮຽນ-ການ​ສອນຄືນ​ໃໝ່ ​ເພື່ອ​ປະ​ຕິ​ບັດ​ຕາມ​ແຈ້ງ​ການ​ຂອງ​ກະຊວງ​ສຶກສາ​ທິການ ​ແລະ ກິລາວາງ​ອອກ ​ເປັນ​ຕົ້ນ ຊັ້ນ ມ1, ມ3, ມ5 ​ເຂົ້າ​ຮຽນ​ວັນ​ຈັນ, ພຸ​ດ, ສຸກ; ມ2, ມ6 ຮຽນ​ວັນ​ຄານ, ພະຫັດ, ​ເສົາ, ສ່ວນ​ຊັ້ນ ມ4 ​ແລະ ມ7 ​ແມ່ນ​ຮຽນ​ຕາມ​ປົກກະຕິ. ສ່ວນບັນຫາທີ່ເປັນຂໍ້ຫຍຸ້ງຍາກແມ່ນທາງໂຮງຮຽນບໍ່ມີເຄື່ອງວັດແທກອຸນຫະພູມ, ຍັງ​ຕ້ອງ ການ​ຜ້າ​ອັດ​ປາກ-ດັງ, ການຮັກສາໄລຍະຫ່າງຂອງນັກຮຽນຍັງເຮັດບໍ່ໄດ້ໃນບາງຊັ້ນຮຽນ ຍ້ອນມີຫ້ອງຮຽນຈໍາກັດ, ແຕ່ທາງໂຮງຮຽນກໍ​ໄດ້ແກ້ໄຂດ້ວຍການໃຫ້ຄູ-ອາຈານ ແລະ ນັກຮຽນທຸກຄົນເອົາໃຈໃສ່ຮັກສາຄວາມສະອາດດ້ວຍການລ້າງມື ແລະ ໃສ່ຜ້າອັດປາກ-ດັງເປັນ​ປະຈຳ ​​ແນ​ໃສ່​ສະກັດ​ກັ້ນບໍ່​ໃຫ້​ເຊື້ອ​ພະຍາດ​ໂຄ​ວິດ-19 ກັບ​ມາ​ແຜ່​ລະບາດ​ອີກ​ເປັນ​ຮອບ​ທີສອງ.

ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19 - WhatsApp Image 2020 05 27 at 5 - ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19
ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19 - WhatsApp Image 2020 05 27 at 5 - ຫລາຍໂຮງຮຽນໃນແຂວງສະຫວັນນະເຂດ ເຂັ້ມງວດຕໍ່ນັກຮຽນປ້ອງກັນໂຄວິດ-19
error: Alert: ເນື້ອຫາຂ່າວມີລິຂະສິດ !!