ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ

ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ - 123 - ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ
ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ - AGL banner - ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ

ໃນວັນ 12 ມິຖຸນານີ້, ກະຊວງການຕ່າງປະເທດ ແລະ ກະຊວງແຜນການ ແລະ ການລົງທຶນ ໃນນາມກອງເລຂາຄະນະຊີ້ນໍາລະດັບຊາດ ເພື່ອການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ໄດ້ຈັດກອງປະຊຸມປະຈໍາໄຕມາດຂອງຄະນະຈຸດປະສານງານ ເພື່ອຈັດຕັ້ງປະຕິບັດເປົ້າໝາຍການພັດທະນາແບບຍືນຍົງຢູ່ ສປປ ລາວ ຂຶ້ນທີ່ສູນການຮ່ວມມືສາກົນ ແລະ ຝຶກອົບຮົມ ໃນນະຄອນຫລວງວຽງຈັນ ໂດຍການກ່າວເປີດກອງປະຊຸມດັ່ງກ່າວຂອງທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ.

ກອງປະຊຸມດັ່ງກ່າວຈັດຂຶ້ນເປັນປະຈໍາຂອງທຸກໆໄຕມາດ, ສຳລັບຄະນະຈຸດປະສານງານ ເພື່ອປຶກສາຫາລືການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ກຽມການຈັດຕັ້ງປະຕິບັດວຽກງານໃນຕໍ່ໜ້າ ໂດຍສະເພາະກະກຽມໃຫ້ແກ່ກອງປະຊຸມຂັ້ນສູງຂອງຄະນະຊີ້ນໍາລະດັບຊາດຄົບຮອບວຽນ 3 ປີ ທີ່ມີແຜນຈະຈັດຂື້ນໃນປີນີ້ ແລະ ແຜນງານໃນຊຸມປີຕໍ່ໜ້າເຊັ່ນ: ແຜນການເຊື່ອມສານເປົ້າຫມາຍພັດທະນາແບບຍືນຍົງເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ແລະ ການຮ່າງບົດລາຍງານແບບສະໝັກໃຈສະບັບທີ 2 ຂອງ ສປປ ລາວ.

ທ່ານຮອງລັດຖະມົນຕີກະຊວງການຕ່າງປະເທດ ໄດ້ເນັ້ນເຖິງຜົນງານອັນພົ້ນເດັ່ນຂອງ ການຈັດຕັ້ງປະຕິບັດວຽກງານດັ່ງກ່າວຢູ່ປະເທດເຮົາໃນຜ່ານມາ ໂດຍສະເພາະແມ່ນການສຸມໃສ່ແກ້ໄຂສິ່ງທ້າທາຍຕ່າງໆ ນັບທັງຜົນກະທົບຂອງພະຍາດໂຄວິດ-19 ສາມາດຫັນວິກິດໃຫ້ກາຍເປັນໂອກາດ, ສ້າງເງື່ອນໄຂທີ່ສາມາດຮັບປະກັນ ແລະ ເອື້ອອໍານວຍໃຫ້ແກ່ການຈັດຕັ້ງປະຕິບັດເປົ້າໝາຍການພັດທະນາແບບຄວາມຍືນຍົງໃຫ້ມີຄວາມຕໍ່ເນື່ອງ ແລະ ການສ້າງຄວາມເຂັ້ມແຂງ ແລະ ຂີດຄວາມສາມາດຂອງຂະແໜງການໃຫ້ສາມາດແກ້ໄຂ ແລະ ປັບຕົວເຂົ້າກັບສະພາບການປ່ຽນແປງດັ່ງກ່າວ ໂດຍໝູນໃຊ້ເຕັກໂນໂລຊີ ແລະ ຫັນສູ່ຍຸກດິຈິຕອນ (Digitalization) ໃຫ້ຫລາຍຂຶ້ນ. ນອກນັ້ນ, ກອງປະຊຸມຍັງໄດ້ມີການສົນທະນາ ກ່ຽວກັບຂະບວນການຮ່າງບົດລາຍງານແຫ່ງຊາດແບບສະໝັກໃຈ ສະບັບທີ 2 ຂອງ ສປປ ລາວ ຊຶ່ງຄາດວ່າຈະນໍາສະເໜີຢູ່ໃນກອງປະຊຸມຂັ້ນສູງ ເພື່ອການພັດທະນາແບບຍືນຍົງໃນປີ 2021 ທີ່ນິວຢອກ. ພ້ອມກັນນັ້ນ, ກໍໄດ້ຮັບຟັງການນໍາສະເໜີກ່ຽວແອບພລິເຄຊັນເທິງໂທລະສັບມືຖື (SDG Mobile Application) ຊຶ່ງກອງເລຂາເປົ້າຫມາຍການພັດທະນາແບບຍືນຍົງແຫ່ງຊາດ ໄດ້ພັດທະນາຂຶ້ນເພື່ອເພິ່ມຊ່ອງທາງໂຄສະນາ ແລະ ການເຂົ້າເຖິງຂໍ້ມູນຂ່າວສານຂອງທຸກພາກສ່ວນໃນສັງຄົມ ກ່ຽວກັບການຈັດຕັ້ງປະຕິບັດເປົ້າຫມາຍດັ່ງກ່າວຢູ່ປະເທດເຮົາ.

ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ - Wave100S AD to Website 2020 0 - ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ

ກອງປະຊຸມໃນຄັ້ງນີ້, ແມ່ນສ່ວນໜຶ່ງຂອງກົນໄກການຈັດຕັ້ງປະຕິບັດເປົ້າຫມາຍພັດທະນາແບບຍືນຍົງ ພາຍຫລັງທີ່ ສປປ ລາວ ໄດ້ຮັບຮອງເອົງວາລະ 2030 ເພື່ອການພັດທະນາແບບຍືນຍົງຂອງ ອົງການ ສປຊ ໃນປີ 2015, ລັດຖະບານກໍໄດ້ສືບຕໍ່ຈັດຕັ້ງປະຕິບັດ ແລະ ຜັນຂະຫຍາຍວາລະດັ່ງກ່າວ, ໂດຍຄຽງຄູ່ກັບ 17 ເປົ້າໝາຍຂອງອົງການ ສປຊ ທີ່ລັດຖະບານໄດ້ຕົກລົງຮັບຮອງເອົາ.

ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ - lattana banner - ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ
ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ - lattana banner 1 - ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ
ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ -    AD conten website - ຫລາຍພາກສ່ວນຮ່ວມຫາລືການຈັດຕັ້ງປະຕິບັດ ເປົ້າຫມາຍພັດທະນາແບບຍືນຍົງຢູ່ ສປປ ລາວ
error: Alert: ເນື້ອຫາຂ່າວມີລິຂະສິດ !!