ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ

ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ - 49 4 - ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ
ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ - Untitled design - ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ

ທຸກຄົນອອກກຳລັງກາຍດ້ວຍເຫດຜົນທີ່ແຕກຕ່າງກັນອອກໄປ ບໍ່ວ່າຈະແມ່ນເພື່ອໃຫ້ສຸຂະພາບແຂງແຮງຂຶ້ນ, ເພື່ອໃຫ້ຮູບຮ່າງງາມສົດສ່ວນຂຶ້ນ, ເພື່ອໃຫ້ມີກ້າມຊີ້ນງາມຂຶ້ນ ຫລື ກໍເພື່ອທັງ 3 ເຫດຜົນທີ່ກ່າວມາ ເຊິ່ງຄວາມຈິງແລ້ວ ນອກເໜືອຈາກນັ້ນກໍຍັງມີອີກເຫດຜົນດີໆອີກຂໍ້ໜຶ່ງທີ່ທ່ານຄວນຈະອອກກຳລັງກາຍ ນັ້ນກໍແມ່ນການທີ່ທ່ານຈະມີອາຍຸຍືນຂຶ້ນຕື່ມກ່ວາເກົ່າ ໂດຍສະເພາະເມື່ອທ່ານເຮັດສິ່ງເລັກໆນ້ອຍໆທີ່ພວກເຮົາກຳລັງຈະກ່າວເຖິງຕໍ່ໄປນີ້ :

ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ - 030406 2020 300x169 - ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ

ຈາກວຽກງານວິໄຈທີ່ຕີພິມໃນວາລະສານ Progress in Cardiovascular Diseaseພົບວ່າ ການແລ່ນຈັອກກິ້ງ ແມ່ນວິທີການອອກກຳລັງກາຍທີ່ດີທີ່ສຸດໃນການຍືດອາຍຸ ລວມເຖິງຫລຸດຄວາມສ່ຽງຈາກການເສຍຊີວິດຍ້ອນພະຍາດຫລາຍກ່ວາ 40%.

ຜູ້ຂຽນລາຍງານດັ່ງກ່າວລະບຸວ່າ : ຜູ້ຄົນທີ່ມັກຈະແລ່ນເປັນປະຈຳມີໂອກາດທີ່ຈະມີອາຍຸຍືນຂຶ້ນກ່ວາຄົນທີ່ບໍ່ແລ່ນເລີຍປະມານ 3 ປີ ເຊິ່ງຊ່ວຍຫລຸດຄວາມສ່ຽງຕໍ່ການເສຍຊີວິດກ່ອນໄວອັນຄວນໄດ້ປະມານ 25 – 40% ໂດຍສະຖິຕິທີ່ວ່ານີ້ໄດ້ຄຳນວນໂດຍຄິດໄລ່ລວມປັດໄຈແວດລ້ອມຕ່າງໆ ເຊັ່ນ : ການສູບຢາ, ການດື່ມອານກໍຮໍ ແລະ ບັນຫາສຸຂະພາບ ເຊັ່ນ : ຄວາມຕຸ້ຍ ຫລື ຄວາມດັນເລືອດສູງເຂົ້າໄປນຳແລ້ວ.

ຂ່າວດີກໍຄື ເຮົາບໍ່ຈຳເປັນຕ້ອງຫັກໂຫມແລ່ນຢ່າງໜັກທຸກມື້ ເພາະຈາກວຽກງານວິໄຈຄົ້ນພົບວ່າ ການຍືດອາຍຸສາມາດເຮັດໄດ້ພຽງແຕ່ເຮົາຫາເວລາແລ່ນຈັອກກິ້ງປະມານ 4 ຊົ່ວໂມງຕໍ່ອາທິດ ຫລື ນັບເປັນມື້ກໍປະມານເຄິ່ງຊົ່ວໂມງເທົ່ານັ້ນ ກໍສາມາດຍືດອາຍຸເຮົາໃຫ້ຍືນຂຶ້ນໄດ້ຕື່ມອີກເຖິງ 3 ປີ ແລະ ແນ່ນອນວ່າບໍ່ພຽງແຕ່ການແລ່ນເທົ່ານັ້ນທີ່ສາມາດຊ່ວຍໄດ້ ເພາະການອອກກຳລັງກາຍໃນຮູບແບບໃດໆກໍຕາມຢ່າງສະໝໍ່າສະເໝີກໍມີໂອກາດທີ່ຈະຊ່ວຍສົ່ງເສີມການມີອາຍຸຍືນໄດ້ຄືກັນ ເນື່ອງຈາກຄົນທີ່ປະຕິບັດຕາມແຜນການອອກກຳລັງກາຍຢ່າງເຄັ່ງຄັດ ກໍມັກມີໂອກາດທີ່ຈະກິນອາຫານທີ່ດີຂຶ້ນຕາມໄປນຳນັ້ນເອງ.

ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ - Wave100S AD to Website 2020 0 - ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ

ການອອກກຳລັງກາຍຊ່ວຍຫລຸດຄວາມເຄັ່ງຄຽດ ແລະ ເຮັດໃຫ້ສະຫລາດຂຶ້ນ, ນັກວິໄຈຈາກມະຫາວິທະຍາໄລ University of Vermontຄົ້ນພົບວ່າ ການອອກກຳລັງກາຍແບບແອໂຣບິກ (Aerobic training)ທີ່ມີຄວາມເຂັ້ມຂຸ້ນໃນລະດັບປານກາງ ໂດຍທີ່ການເຕັ້ນຂອງຫົວໃຈຍັງຢູ່ໃນລະດັບປົກກະຕິ ປະມານ 112 ເທື່ອຕໍ່ນາທີ ກໍສາມາດຊ່ວຍພັດທະນາຄວາມຮູ້ສຶກໃຫ້ດີຂຶ້ນ ແລະ ຄົງທີ່ດົນເຖິງ 12 ຊົ່ວໂມງຫລັງຈາກອອກກຳລັງກາຍ. “ການອອກກຳລັງກາຍແບບແອໂຣບິກໃນລະດັບປານກາງສາມາດຊ່ວຍກະຕຸ້ນໃຫ້ອາລົມດີຂຶ້ນໃນທັນທີ ແລະ ພັດທະນາການທີ່ວ່ານີ້ຈະຄົງຢູ່ໄດ້ດົນເຖິງ 12 ຊົ່ວໂມງ” – ດຣ. ເຈເຣມີ ຊີໂບລ ກ່າວເຊິ່ງໃນທ້າຍທີ່ສຸດກໍພິສູດໃຫ້ເຫັນວ່າການອອກກຳລັງກາຍແບບແອໂຣບິກແບບທຳມະດາກໍສາມາດຊ່ວຍຫລຸດຜ່ອນຄວາມເຄັ່ງຄຽດໃນແຕ່ລະມື້ທີ່ມັກສົ່ງຜົນຕໍ່ອາລົມຂອງທ່ານໄດ້ຄືກັນ.

     ນອກຈາກນີ້, ທ່ານອາດຮູ້ສຶກວ່າຕົນເອງສະຫລາດຂຶ້ນນຳ ເພາະການອອກກຳລັງກາຍຈະຊ່ວຍສ້າງແຊນສະໝອງຂຶ້ນມາໃໝ່ ແລະ ຊ່ວຍໃຫ້ແຊນໃໝ່ເຫລົ່ານັ້ນເຮັດວຽກໄດ້ຢ່າງມີປະສິດທິພາບຫລາຍຂຶ້ນນຳອີກ. ຮູ້ແນວນີ້ແລ້ວ ວ່າງຍາມໃດກໍຢ່າລືມໃຫ້ເວລາກັບຮ່າງກາຍໃນການອອກກຳລັງກາຍແດ່.

ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ - WhatsApp Image 2020 05 27 at 5 - ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ
ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ - WhatsApp Image 2020 05 27 at 5 - ອອກກຳລັງກາຍງ່າຍໆພຽງ 30 ນາທີຕໍ່ມື້ ກໍເຮັດໃຫ້ອາຍຸຍືນຂຶ້ນຕື່ມ 3 ປີ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!