ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ

ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ - 125 - ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ
ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ - Untitled design - ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ

ໂຄງການ​ພັດທະນາ​ໂຄງ​ລ່າງ​ພື້ນຖານເພື່ອ​ສົ່ງເສີມ​ການທ່ອງ​ທ່ຽວ ໂດຍ​ສະເພາະ​ແມ່ນ​ການ​ກໍ່ສ້າງ​ເສັ້ນທາງ​ປູຢາງເຂົ້າ ຫາ​ຖ້ຳ​ຈອມ​ອອງ  ເມືອງ​ໄຊ ແຂວງ​ອຸດົມ​ໄຊ  ລວມ​ທັງ​ສິ່ງ​ອຳນວຍ​ຄວາມ​ສະດວກ​ຕ່າງໆໃກ້​ຈະ​ສຳເລັດ​ແລ້ວ.

​ໃນ​ວັນ​ທີ 9 ມິຖຸ​ນາຜ່ານ​ມາ ຄະນະ​ຮັບຜິດຊອບໂຄງການ​ພັດທະນາ​ໂຄງ​ລ່າງ​ພື້ນຖານ ເພື່ອ​ສົ່ງເສີມ​ການທ່ອງທ່ຽວ​ຖ້ຳ​ຈອມ​ອອງ ຮ່ວມ​ກັບ​ພະແນກການ​ທີ່​ກ່ຽວຂ້ອງ ແລະ  ບໍລິສັດ​ທີ່​ປຶກສາ ໄດ້​ລົງ​ເຄື່ອນ​ໄຫວ​ຕິດຕາມ, ກວດກາ, ຊຸກຍູ້ ແລະ ແນະນຳການຈັດຕັ້ງ​ປະຕິບັດການ​ກໍ່ສ້າງ​ເສັ້ນທາງ​ປູຢາງ​ເຂົ້າ​ຫາ​ຖ້ຳ​ຈອມ​ອອງ.

ໂຄງການ​ກໍ່ສ້າງ​ເສັ້ນທາງ​ເຂົ້າ​ຫາ​ແຫລ່ງ​ທ່ອງ​ທ່ຽວ​ຖ້ຳ​ຈອມ​ອອງ ຜູ້​ຮັບ​ເໝົາບໍລິສັດ​ ຈິດ​ຈະເລີນ​ກໍ່ສ້າງ ຈຳກັດ ເປັນໂຄງການ​ທີ່​ມີ​ຄວາມ​ສຳຄັນ​ເປັນ​ຢ່າງ​ຍິ່ງໃນ​ການ​ພັດທະນາ​ພື້ນຖານ​ໂຄງ​ລ່າງ  ເພື່ອ​ສົ່ງເສີມການທ່ອງທ່ຽວ ແລະ ປະກອບສ່ວນ​ແກ້​ໄຂ​ຊີວິດ​ການ​ເປັນ​ຢູ່​ຂອງ​ປະຊາຊົນ​ພາຍ​ໃນ​ແຂວງ​ອຸດົມ​ໄຊໃຫ້​ດີ​ຂຶ້ນ​ເທື່ອ​ລະ​ກ້າວ,  ເສັ້ນທາງ​ປູຢາງ​ຈາກ​ບ້ານ​ຫ້ວຍ​ອຸ່ນຫາຖ້ຳ​ຈອມ​ອອງ (ບ້ານ​ຈອມ​ອອງ) ມີ​ຄວາມ​ຍາວ​ທັງ​ໝົດ 40 ກິໂລແມັດ, ກວ້າງ 5 ແມັດ, ປູຢາງ 2 ຊັ້ນ, ມີ​ແລວ​ທາງ​ຜ່ານ 11 ບ້ານ ແລະ ເສັ້ນທາງ​ດັ່ງກ່າວ​ມີ​ຫລາຍ​ບ້ານ​ທີ່​ໄດ້​ຮັບ​ຜົນ​ປະໂຫຍດ​ໃນ​ການ​ຊົມໃຊ້, ສັນຈອນ​ແລກປ່ຽນ​ສິນຄ້າ ແລະ ການ​ເຂົ້າ​ເຖິງ​​ຕົວ​ເມືອງ​ສະດວກ​ຂຶ້ນ.

ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ - Wave100S AD to Website 2020 0 - ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ

ນອກຈາກ​ການ​ປູຢາງ​ເສັ້ນທາງ​ແລ້ວ ​ຍັງ​ມີ​ການ​ກໍ່ສ້າງ​ສິ່ງ​ອຳນວຍ​ຄວາມ​ສະດວກ​ຕ່າງໆ ຊຶ່ງ​ໄດ້​ເລີ່ມ​ລົງມື​ການ​ກໍ່ສ້າງ​ມາ​ແຕ່ເດືອນທັນວາ 2017 ເປັນ​ຕົ້ນມາ, ຮອດ​ປັດຈຸບັນ​ແມ່ນ​ໃກ້​ຈະ​ສໍາ​ເລັດ​ການ​ກໍ່ສ້າງ​ແລ້ວ. ດັ່ງນັ້ນ ​ຄະນະຮັບຜິດຊອບ​ຂັ້ນ​ແຂວງຮ່ວມ​ກັບ​ພາກສ່ວນ​ທີ່​ກ່ຽວຂ້ອງ ແລະ ບໍລິສັດ​ທີ່​ປຶກສາ  ຈຶ່ງ​ໄດ້​ລົງຕິດຕາມ​ກວດກາຊຸກຍູ້ ແລະ ແນະນຳບາງ​ວຽກ​ທີ່​ຈະ​ຕ້ອງ​ໄດ້​ເລັ່ງ​ມື​ຈັດ​ຕັ້ງ​ປະຕິບັດ ແລະ ດັດແກ້.  ພ້ອມ​ດຽວ​ກັນ​ນີ້ ​ກໍ​ເປັນ​ການ​ປະ​ເມີນ​ຜົນສຳເລັດລວມ​ບັນດາ​ໜ້າ​ວຽກ​ການ​ກໍ່ສ້າງ​ຂອງ​ບໍລິສັດ​ຜູ້​ຮັບ​ເໝົາ​ກໍ່ສ້າງ ເພື່ອ​ເປັນ​ບ່ອນ​ອີງ​ສະເໜີ​ລາຍ​ງານ​ເຖິງ​ຄະນະ​ຮັບຜິດຊອບ​ໂຄງການ​ຂັ້ນ​ສູນ​ກາງລົງ​ກວດກາ ແລະ ກະກຽມ​ຈັດ​ພິທີມອບ​-​ຮັບຕື່ມ​ອີກ.

ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ - WhatsApp Image 2020 05 27 at 5 - ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ
ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ - WhatsApp Image 2020 05 27 at 5 - ເສັ້ນທາງເຂົ້າຫາຖໍ້າຈອມອອງໃກ້ຈະສຳເລັດແລ້ວ
error: Alert: ເນື້ອຫາຂ່າວມີລິຂະສິດ !!