ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ

ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ - 888 1 - ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ
ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ - Untitled design - ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ

ຕາມການລາຍງານສູນຂ່າວສານການແພດສຸຂະສຶກສາ ກະຊວງສາທາລະນະສຸກໃຫ້ຮູ້ວ່າ: ມາຮອດປັດຈຸບັນທົ່ວປະເທດມີຜູ້ຕິດເຊື້ອໄຂ້ຍຸງລາຍຫລາຍກ່ວາ 1.730 ກໍລະນີແລ້ວ ແລະ ມີຜູ້ເສຍຊີວິດ 5 ກໍລະນີ, ຄື: ພຽງ ວັນທີ 11 ມິຖຸນານີ້, ມີຜູ້ຕິດເຊື້ອເພີ່ມ 25 ກໍລະນີ.
ໃນຫລາຍປີຜ່ານມາລາວເຮົາໄດ້ມີຜູ້ຕິດເຊື້ອໄຂ້ຍຸງລາຍ ແລະ ມີຜູ້ເສຍຊີວິດ ຫລາຍສົມຄວນ, ຄືປີ 2019 ຜ່ານມາ ມີຜູ້ຕິດເຊື້ອສູງເຖິງ 39.000 ຄົນ ແລະ ເສຍຊີວິດ 76 ຄົນ. ສຳລັບປີນີ້ກໍເປັນອີກປີໜຶ່ງທີ່ເກີດມີການລະບາດ ຂອງພະຍາດດັ່ງກ່າວ ຫລາຍກວ່າໝູ່ແມ່ນ ນະຄອນຫລວງວຽງຈັນ ຈຳນວນຜູ້ຕິດເຊື້ອ 403 ກໍລະນີ, ເສຍຊີວິດ 2 ຄົນ,

ຮອງລົງມາແມ່ນ ແຂວງ ວຽງຈັນມີ 241 ກໍລະນີ,

ອັດຕະປື 213 ກໍລະນີ,

ບໍລິຄຳໄຊ 178 ກໍລະນີ, ເສຍຊີວິດ 1 ຄົນ,

ຄຳມ່ວນ 154 ກໍລະນີ, ເສຍຊີວິດ 1ຄົນ,

ສະຫວັນນະເຂດ 122 ກໍລະນີ,

ສາລະວັນ 103 ກໍລະນີ,

ໄຊຍະບູລີ 99 ກໍລະນີ, ເສຍຊີວິດ 1 ຄົນ,

ເຊກອງ 49 ກໍລະນີ,

ຫລວງນໍ້າທາ 40 ກໍລະນີ,

ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ - Wave100S AD to Website 2020 0 - ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ

ອຸດົມໄຊ 34 ກໍລະນີ, ໄຊສົມບູນ 32 ກໍລະນີ,

ຫລວງພະບາງ 31 ກໍລະນີ,

ບໍ່ແກ້ວ 18 ກໍລະນີ,

ຈຳປາສັກ 10 ກໍລະນີ,

ຜົ້ງສາລີ 5 ກໍລະນີ ແລະ ຫົວພັນ 1 ກໍລະນີ.

ມີພຽງແຕ່ແຂວງຊຽງຂວາງ ທີ່ຍັງບໍ່ພົບກໍລະນີຜູ້ຕິດເຊື້ອໄຂ້ດັ່ງກ່າວ.

ດັ່ງນັ້ນ ຈຶ່ງໄດ້ຮຽກຮ້ອງໃຫ້ທຸກພາກສ່ວນໃນສັງຄົມ ຕ້ອງພ້ອມໃຈກັນສະກັດກັ້ນ ໂດຍການນຳໃຊ້ມາດຕະການທີ່ສຳຄັນ ໃນການຄວບຄຸມພະຍາດ ກໍຄື ການຫັນເອົາຊຸມຊົນເປັນກຸນແຈສຳຄັນໃນການປ້ອງກັນ ແລະ ຄວບຄຸມພະຍາດດັ່ງກ່າວ ໂດຍການມີສ່ວນຮ່ວມຂອງບຸກຄົນ, ຄອບຄົວ ໃນການປະຕິບັດມາດຕະການ 5ປໃຫ້ເຂັ້ມງວດ.

ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ - WhatsApp Image 2020 05 27 at 5 - ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ
ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ - WhatsApp Image 2020 05 27 at 5 - ທົ່ວປະເທດມີຜູ້ຕິດເຊື້ອໄຂ້ຍຸງລາຍເກືອບ 2.000 ກໍລະນີແລ້ວ
error: Alert: ເນື້ອຫາຂ່າວມີລິຂະສິດ !!