‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ

‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ - 127 - ‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ
‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ - Untitled design - ‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ

     “ປັກ​ກິ່ງ“ ພົບ​ຜູ້​ຕິດ​ເຊື້ອ​ໂຄ​ວິດ-19 ຄົນ​ທຳ​ອິດ ​ເປັນ​ຜູ້​ຊາຍ​ອາຍຸ 52 ປີ ຫລັງ​ຈາກ​ບໍ່​ພົບ​ຜູ້​ຕິດ​ເຊື້ອ​ໃນ​ຮອບ 55 ວັນ.

​ເຊົາ​ໄຊ​ນ່າ ມໍ​ນິ້ງ​ໂພສ ລາຍ​ງານ​ວ່າ: ປັກ​ກິ່ງ​ພົບ​ຜູ້​ຕິດ​ເຊື້ອ​ໂຄ​ວິດ-19 ຄົນ​ທຳ​ອິດ​ໃນ​ຮອບ 55 ວັນ ຫລັງ​ຈາກ​ທີ່​ບໍ່​ກວດ​ພົບ​ຜູ້​ຕິດ​ເຊື້ອນັບ​ແຕ່​ວັນ​ທີ 15 ​ເມສາ ​ໂດຍ​ຜູ້​ຕິດ​ເຊື້ອຄົນ​ນີ້​ເປັນ​ຜູ້​ຊາຍ​ອາຍຸ 52 ປີ ອາ​ໄສ​ຢູ່​ເຂດ​ຊີ​ເສ​ງຂອງ​ນະຄອນຫລວງ​ປັກ​ກິ່ງ ​ເຊິ່ງພົບ​ວ່າ: ​ເປັນ​ໄຂ້, ມີ​ອາການ​ໜາວ​ສັ່ນ, ອ່ອນ​ເພຍ, ​ແຕ່​ບໍ່​ມີ​ອາການ​ໄອ, ​ເຈັບຄໍ ຫລື ​ເຈັບ​ໜ້າ​ເອິກ.

ຮອງ​ເຈົ້າຄອງ​ນະຄອນຫລວງ​ປັກ​ກິ່ງ ກ່າວ​ວ່າ: ຜູ້​ຕິດ​ເຊື້ອ​ໂຄ​ວິດ-19 ຄົນ​ນີ້ ມີ​ສະມາຊິກ​ຄອບຄົວ 2 ຄົນ. ປັດຈຸບັນ​ເຈົ້າໜ້າ​ທີ່​ໄດ້​ແຍກ​ຜູ້​ຕິດ​ເຊື້ອຄົນ​ນີ້​ອອກ​ມາ ​ເພື່ອ​ເຝົ້າສັງ​ເກດ​ອາການ​ພາຍ​ໃຕ້​ການ​ເບິ່ງ​ແຍງ​ຂອງ​ແພດ​ໝໍ, ພ້ອມ​ກັບ​ກວດ​ສອບ​ເສັ້ນທາງ ​ແລະ ຫາ​ແຫ​ລ່ງຕົ້ນຕໍ​ການ​ຕິດ​ເຊື້ອ​ໂຄ​ວິດ-19. ນອກຈາກ​ນີ້ ຍັງ​ໄດ້​ປິດ​ພື້ນທີ່​ບໍລິ​ເວນ​ທີ່​ພັກ​ຂອງ​ຜູ້​ຕິດ​ເຊື້ອຄົນ​ດັ່ງກ່າວ​ໄວ້​ແລ້ວ.

‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ - Wave100S AD to Website 2020 0 - ‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ

​ເຖິງ​ຢ່າງ​ໃດ​ກໍ​ຕາມ, ຄະນະ​ກຳມະການ​ສຸຂະພາບ​ແຫ່ງ​ຊາດ​ຂອງ​ຈີນ ຖະ​ແຫລ​ງ​ໃນ​ວັນ​ທີ 11 ມິຖຸນາ ຢືນຢັນ​ພົບ​ຜູ້​ຕິດ​ເຊື້ອ​ໃໝ່​ໃນ 24 ຊົ່ວ​ໂມງ ຈຳນວນ 11 ຄົນ ​ໂດຍ​ເປັນ​ຜູ້​ຕິດ​ເຊື້ອຢູ່​ຊຽງ​ໄຮ້ 6 ຄົນ, ກວາງຕຸ້ງ 3 ຄົນ ​ແລະ 1 ຄົນ ຢູ່​ທຽນ​ຈິນກັບ​ຝູຈຽນ. ທັງ​ນີ້ ບໍ່​ພົບ​ມີ​ຜູ້​ເສຍ​ຊີວິດ​ຈາກ​ໂຄ​ວິດ-19. ນອກຈາກ​ນີ້ ຍັງ​ມີ​ບັນທຶກ​ວ່າ: ພົບ​ກຸ່ມ​ເຝົ້າລະວັງ​ອາດ​ຕິດ​ເຊື້ອ​ໂຄ​ວິດ-19 ​ເຊິ່ງຍັງ​ບໍ່​ສະ​ແດງ​ອາການ 129 ຄົນ ​ໂດຍ​ທັງ​ໝົດ​ຢູ່​ພາຍ​ໃຕ້​ການ​ເບິ່ງ​ແຍງ​ຂອງ​ແພດ​ໝໍ​ຢ່າງ​ໃກ້ຊິດ.

‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ - WhatsApp Image 2020 05 27 at 5 - ‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ
‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ - WhatsApp Image 2020 05 27 at 5 - ‘ປັກກິ່ງ’ ພົບຜູ້ຕິດເຊື້ອໂຄວິດຄົນທຳອິດ ໃນຮອບ 55 ວັນ
error: Alert: ເນື້ອຫາຂ່າວມີລິຂະສິດ !!