ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ

ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ - 130 - ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ
ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ - Untitled design - ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ

    ນັບແຕ່ວັນທີ 3-11 ມິຖຸນາ 2020 ມີແຮງງານລາວທີ່ເຮັດວຽກຢູ່ຕ່າງປະເທດເດີນທາງເຂົ້າມາລາວໂດຍຜ່ານແຂວງສະຫວັນນະເຂດເກືອບ 2.000 ຄົນ, ໃນນີ້ມີທັງແຮງງານທີ່ຢູ່ພາຍໃນແຂວງສະຫວັນນະເຂດ ແລະ ແຮງງານຢູ່ບັນດາແຂວງໃນທົ່ວປະເທດທີ່ເດີນທາງເຂົ້າມາ ທັງຖືກຕ້ອງ ແລະ ບໍ່ຖືກຕ້ອງຕາມລະບຽບກົດໝາຍ.

ຮອງຫົວໜ້າພະແນກສາທາລະນະສຸກແຂວງສະຫວັນນະເຂດ ທັງເປັນຜູ້ປະຈໍາການຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໃຫ້ສໍາພາດໃນວັນທີ 12 ມິຖຸນາ 2020 ວ່າ: ໃນຈໍານວນແຮງງານເກືອບ 2.000 ຄົນທີ່ເດີນທາງມາຈາກຕ່າງປະເທດນີ້ ຄະນະສະເພາະກິດຂອງແຂວງ ໄດ້ນໍາໄປກັກກັນຢູ່ສູນກັກກັນຊົ່ວຄາວຂອງແຂວງ ຈາກນັ້ນໄດ້ເກັບເອົາຕົວຢ່າງໄປກວດຫາເຊື້ອພະຍາດໂຄວິດ-19 ເຊິ່ງຜົນກວດອອກມາເປັນລົບ ຫລື ບໍ່ມີຜູ້ຕິດເຊື້ອພະຍາດໂຄວິດ-19 ຈຶ່ງນໍາສົ່ງເຂົາເຈົ້າກັບຄືນທ້ອງຖິ່ນຢູ່ແຂວງຂອງຕົນ ເຮັດໃຫ້ມາຮອດວັນທີ 11 ມິຖຸນານີ້ ສະເພາະຢູ່ແຂວງສະຫວັນນະເຂດຍັງເຫລືອແຮງງານທີ່ກັກກັນຢູ່ບັນດາສູນພາຍໃນເມືອງຂອງແຂວງທີ່ມີ 11 ສູນ ລວມທັງໝົດ 647 ຄົນ, ຍິງ 295 ຄົນ ເຊິ່ງແຕ່ລະສູນມີແພດໝໍ ແລະ ເຈົ້າໜ້າທີ່ກ່ຽວຂ້ອງຕິດຕາມກວດກາຢ່າງໃກ້ສິດ ເພື່ອກວດກາສຸຂະພາບ, ແນະນໍາວິທີປ້ອງກັນພະຍາດໂຄວິດ-19 ລວມເຖິງການອໍານວຍຄວາມສະດວກ ແລະ ໃຫ້ການຊ່ວຍເຫລືອຕາມມາດຕະການທີ່ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ກໍຄືລັດຖະບານກໍານົດໄວ້.

ຫົວຫນ້າພະແນກສາທາແຂວງສະຫວັນນະເຂດ ໃຫ້ຮູ້ຕື່ມວ່າ: ໃນຕໍ່ຫນ້າຄາດວ່າຈະມີແຮງງານລາວທີ່ເຮັດວຽກຢູ່ຕ່າງປະເທດເດີນທາງກັບລາວໂດຍຜ່ານແຂວງສະຫວັນນະເຂດປະມານ 3.000 ຄົນ ເຊິ່ງຄະນະສະເພາະກິດຂອງແຂວງໄດ້ວາງມາດຕະການຮອງຮັບໄວ້ແລ້ວ ເພື່ອສະກັດກັ້ນ ແລະ ປ້ອງກັນພະຍາດໂຄວິດ-19 ໄດ້ຮັບປະສິດທິຜົນດີຕາມທີ່ລັດຖະບານໄດ້ວາງໄວ້.

ທາງດ້ານແຮງງານລາວຢູ່ຕ່າງປະທດທີ່ເດີນທາງກັບຄືນມາລາວໃນຄັ້ງນີ້ ຈໍານວນຫນຶ່ງໃຫ້ສໍາພາດວ່າ : ມີຄວາມຈໍາເປັນຕ້ອງໄດ້ເດີນທາງກັບຄືນມາບ້ານເກີດເມືອງນອນຂອງຕົນຢູ່ລາວ ເພາະການລະບາດຂອງພະຍາດໂຄວິດ-19 ເຮັດໃຫ້ໂຮງງານ ຫລື ສະຖານທີ່ທີ່ຕົນເຮັດວຽກຢູ່ໄທຫລຸດຜ່ອນຈໍານວນແຮງງານ, ຢຸດຈ້າງງານ ຫລື ປິດກິດຈະການກໍມີ ເຮັດໃຫ້ຕົນເອງບໍ່ມີວຽກເຮັດງານທໍາ ແລະ ຂາດລາຍໄດ້.

ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ - Wave100S AD to Website 2020 0 - ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ
ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ - WhatsApp Image 2020 05 27 at 5 - ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ
ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ - WhatsApp Image 2020 05 27 at 5 - ສະຫວັນນະເຂດເຂັ້ມງວດຄຸ້ມຄອງແຮງງານ ທີ່ເດີນທາງກັບມາຈາກຕ່າງປະເທດ
error: Alert: ເນື້ອຫາຂ່າວມີລິຂະສິດ !!