62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່

62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່ - 135 - 62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່
62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່ - Untitled design - 62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່

ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂພະຍາດ COVID-19 ແຈ້ງໃຫ້ຮູ້ໃນ

ວັນທີ 13 ມິຖຸນານີ້ວ່າ: ມາຮອດມື້ນີ້ກໍເປັນມື້ທີ 62 ແລ້ວ ທີ່ລາວເຮົາບໍ່ມີກໍລະນີຜູ້ຕິດເຊື້ອພະຍາດໂຄວິດ-19 ລາຍໃຫມ່, ທັງນີ້ກໍເນື່ອງມາຈາກພວກເຮົາໄດ້ເປັນເຈົ້າການຮ່ວມກັນສະກັດກັ້ນ ແລະ ຄວບຄຸມການລະບາດຂອງພະຍາດດັ່ງກ່າວຕາມມາດຕະການຕ່າງໆທີ່ລັດຖະບານ ກໍຄືຄະນະສະເພາະກິດວາງອອກໃນແຕ່ລະໄລຍະ ໂດຍສະເພາະແມ່ນມາດຕະການປ້ອງກັນຕົນເອງ ແລະ ຄວບຄຸມຜູ້ເດີນທາງຈາກປະເທດທີ່ມີການລະບາດຂອງພະຍາດນີ້ເຂົ້າມາປະເທດ ດ້ວຍການປະຕິບັດຫລັກການການແພດຢ່າງເຂັ້ມງວດຄື: ມາຮອດ 5 ໂມງແລງຂອງວັນທີ 12 ມິຖຸນານີ້ ມີຜູ້ເດີນທາງເຂົ້າມາປະເທດຜ່ານດ່ານຊາຍແດນຕ່າງໆຫລາຍເຖິງ 2.459 ຄົນ, ໃນນັ້ນ ຜ່ານດ່ານ ລາວ-ໄທ ມີ 1.802 ຄົນເຊັ່ນ: ຜ່ານດ່ານຂົວມິດຕະພາບ I ມີ 168 ຄົນ ເຊິ່ງເປັນແຮງງານລາວທັງໝົດ, ຜ່ານດ່ານຂົວມິດຕະພາບ II ມີ 41 ຄົນ, ຜ່ານດ່ານຂົວມິດຕະພາບແຫ່ງທີ III ມີ 68 ຄົນ, ຜ່ານດ່ານວັງເຕົ່າ-ຊ່ອງເມັກ ມີ 48 ຄົນ, ເຫຼືອນັ້ນແມ່ນຄົນຂັບລົດສົ່ງສິນຄ້າ, ຜ່ານດ່ານ ລາວ-ຈີນ ມີ 34 ຄົນ, ຜ່ານດ່ານ ລາວ-ຫວຽດນາມ 623 ຄົນ, ຕົ້ນຕໍແມ່ນຄົນຂັບລົດສົ່ງສິນຄ້າ ຊຶ່ງທຸກຄົນແມ່ນໄດ້ແທກອຸນຫະພູມຮ່າງກາຍ, ກວດຫາອາການຜິດປົກກະຕິ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ (ຍົກເວັ້ນແຕ່ຜູ້ຂັບລົດຂົນສົ່ງ ແລະ ຜູ້ຕິດຕາມ) ແລ້ວຈຶ່ງນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14 ວັນ ແລະ ໃນວັນທີ 11 ມິຖຸນານີ້ ໄດ້ເກັບຕົວຢ່າງມາກວດວິເຄາະທັງໝົດ 227 ຄົນ, ໃນນັ້ນ ມີບຸກຄົນທົ່ວໄປບໍ່ມີອາການ 4 ຄົນ, ແຮງງານລາວກັບມາແຕ່ໄທ 221 ຄົນ, ແຮງງານຫວຽດນາມ 2 ຄົນ. ຜົນກວດທັງໝົດບໍ່ພົບເຊື້ອຈິ່ງຢັ້ງຢືນໄດ້ວ່າມາຮອດມື້ນີ້ກໍເປັນມື້ທີ 62 ແລ້ວທີ່ລາວເຮົາບໍ່ມີຜູ້ຕິດເຊື້ອໃໝ່.  ສ່ວນຜູ້ຕິດເຊື້ອ 19 ຄົນນັ້ນ ແມ່ນໄດ້ຮັບການປິ່ນປົວຫາຍດີ ແລະ ອອກໂຮງໝໍໝົດທຸກຄົນແລ້ວ.

ແຕ່ຄະນະສະເພາະກິດຕີລາຄາວ່າ: ສະພາບການລະບາດຢູ່ປະເທດເຮົາ ແລະ ປະເທດທີ່ມີຊາຍແດນຕິດຈອດກັບ ສປປ ລາວ ແມ່ນຜ່ອນຄາຍລົງຫຼາຍແລ້ວ. ຜົນສຳເລັດຄັ້ງນີ້ກໍຍ້ອນມີການຊີ້ນຳ-ນຳພາທີ່ດີຂອງການນຳຂັ້ນສູງພັກ-ລັດ ກໍຄືອຳນາດການປົກຄອງທຸກຂັ້ນ, ມີການຮ່ວມແຮງຮ່ວມໃຈຈາກປະຊາຊົນບັນດາເຜົ່າ, ມີການສະໜັບສະໜູນຈາກບັນດາປະເທດເພື່ອນມິດ, ອົງການຈັດຕັ້ງສາກົນ, ຄູ່ຮ່ວມພັດທະນາ, ພາກທຸລະກິດ ແລະ ອົງການຈັດຕັ້ງທາງສັງຄົມອື່ນໆ ເຊິ່ງສິ່ງນີ້ຈະເປັນບົດຮຽນອັນສຳຄັນໃຫ້ແກ່ພວກເຮົາໃນການກຳນົດນະໂຍບາຍ, ແຜນປະຕິບັດງານໃນຕໍ່ໜ້າ ເພື່ອສະກັດກັ້ນ ແລະ ແກ້ໄຂການລະບາດຂອງພະຍາດ COVID-19 ກໍຄືພະຍາດຕິດຕໍ່ອື່ນໆເຊັ່ນ: ພະຍາດໄຂ້ຍຸງລາຍທີ່ພວມລະບາດຢູ່ໃນປັດຈຸບັນຊຶ່ງໄລ່ມາຮອດວັນທີ 12 ມິຖຸນານີ້ ທົ່ວປະເທດມີຜູ້ຕິດເຊື້ອໄຂ້ຍຸງລາຍແລ້ວ 1.767 ກໍລະນີ, ມີຢູ່ທົ່ວ  17 ແຂວງ ຍົກເວັ້ນແຂວງຊຽງຂວາງ, ໃນນັ້ນ ຫຼາຍກວ່າໝູ່ແມ່ນນະຄອນຫຼວງວຽງຈັນ ມີເຖິງ 407 ຄົນ ແລະ ມີຜູ້ເສຍຊີວິດທັງໝົດ 5 ຄົນ (ນະຄອນຫຼວງ 2 ຄົນ, ບໍລິຄຳໄຊ, ຄຳມ່ວນ ແລະ ໄຊຍະບູລີ ແຂວງລະ1 ຄົນ). ຕໍ່ສະພາບດັ່ງກ່າວ ຄະນະສະເພາະກິດຈິ່ງຮຽກຮ້ອງໃຫ້ທົ່ວສັງຄົມເອົາໃຈໃສ່ປະຕິບັດຫລັກການອະນາໄມສິ່ງແວດລ້ອມ ແລະ ການປະຕິບັດຫລັກການ 5.ປ ໃຫ້ເຂັ້ມງວດຄື:

– ປິດຝາພາຊະນະທີ່ເກັບນ້ຳໃນເຮືອນ ແລະ ນອກເຮືອນ ເພື່ອບໍ່ໃຫ້ຍຸງມາໄຂ່ໃສ່.

– ປ່ຽນນ້ຳໃນພາຊະນະເຊັ່ນ: ເຕົ້າດອກໄມ້, ນໍ້າຮອງຕີນຕູ້, ຖ້ານຮອງຈອກນໍ້າ.

– ປ່ອຍປາຫາງນົກຍຸງເພື່ອກິນໜອນນ້ຳ.

62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່ - Wave100S AD to Website 2020 0 - 62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່

– ປັບປຸງການອະນາໄມສິ່ງແວດລ້ອມອ້ອມເຮືອນບໍ່ໃຫ້ມີກະໂປະກະປ໋ອງ, ຢາງຕີນລົດເກົ່າທີ່ມີນໍ້າຂັງ.

– ປະຕິບັດໃຫ້ເປັນນິໄສປະຈຳທຸກໆອາທິດ.

– ຖ້າເປັນໄຂ້ໃຫ້ໄປພົບແພດໝໍດ່ວນ ຖ້າຫາກທຸກຄົນປະຕິບັດໄດ້ຕາມ 5.ປ ຢ່າງເຂັ້ມງວດກໍຈະສາມາດຫຼຸດຜ່ອນ, ປ້ອງກັນການເຈັບຈາກເປັນ ແລະ ສະກັດກັ້ນການແຜ່ລະບາດຂອງເຊື້ອພະຍາດໄຂ້ຍຸງໃຫ້ຫລຸດລົງເທື່ອລະກ້າວ.

ສຳລັບການເຂົ້າ-ອອກ ສປປ ລາວ ໄລຍະຜ່ອນຜັນນີ້ແມ່ນໃຫ້ປະຕິບັດຕາມຄຳແນະນຳ ສະບັບເລກທີ 1444/ຕປທ.ສພກ, ລົງວັນທີ 1 ມິຖຸນາ 2020.

  • ຂໍຮຽກຮ້ອງໃຫ້ປະຊາຊົນບັນດາເຜົ່າທຸກພາກສ່ວນໃນສັງຄົມຈົ່ງສືບຕໍ່ປະຕິບັດແຈ້ງການ ແລະ ຄຳແນະນຳຂອງຂະແໜງການຕ່າງໆ ດ້ວຍຄວາມຮັບຜິດຊອບສູງຈົນກວ່າຈະມີການປ່ຽນແປງໃໝ່.
62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່ - WhatsApp Image 2020 05 27 at 5 - 62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່
62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່ - WhatsApp Image 2020 05 27 at 5 - 62 ມື້ແລ້ວລາວເຮົາບໍ່ພົບຜູ້ຕິດເຊື້ອໂຄວິດ-19 ລາຍໃຫມ່
error: Alert: ເນື້ອຫາຂ່າວມີລິຂະສິດ !!