7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ

7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ - 49 6 - 7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ
7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ - Untitled design - 7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ

ຊ່ວງອາຍຸ 20 ເຖິງ 30 ປີ ເປັນຊ່ວງທີ່ເຕັມໄປດ້ວຍຄຳຖາມຊວນໃຫ້ເຈັບຫົວ ເຊັ່ນວ່າ : ຈະແຕ່ງດອງເມື່ອໃດ ? ຊອກບ່ອນຢູ່ແຖວໃດ ? ເຮັດວຽກຫຍັງດີ ? ແຕ່ຫາກທ່ານຍັງຫາຄຳຕອບໃຫ້ຄຳຖາມເຫລົ່ານີ້ຍັງບໍ່ໄດ້ ບາງທີທ່ານອາດຈະລອງຖາມຄຳຖາມອື່ນທີ່ຈິງຈັງກ່ວານີ້ເບິ່ງ ດ້ວຍ 7 ຄຳຖາມໃນການດຳລົງຊີວິດທີ່ຖືກຄັດເລືອກມາແລ້ວຈາກເວັບໄຊ Quoraເຊິ່ງຄົນບ່າວສາວໄວນີ້ຄວນຫາຄຳຕອບໃຫ້ພົບ ເພື່ອໃຫ້ເຫັນພາບຂອງສິ່ງທີ່ທ່ານຕ້ອງການ ແລະ ສິ່ງທີ່ຈຳເປັນໃນຊີວິດ ຫວັງວ່າມັນຄົງຊ່ວຍເຮັດໃຫ້ທ່ານຕັດສິນໃຈທັງໃນເລື່ອງວຽກ ແລະ ຄວາມສຳພັນໄດ້ງ່າຍຍິ່ງຂຶ້ນ.

ແຕ່ຢ່າລືມວ່າ ບໍ່ມີຄຳຕອບໃດທີ່ຈະຖືກຕ້ອງສະເໝີໄປ ແລະ ຄຳຕອບທີ່ທ່ານມີກໍມັກຈະປ່ຽນໄປຕາມການເວລາ,​ ແຕ່ປະເດັນທີ່ແທ້ຈິງຢູ່ບ່ອນຈຸດເລີ່ມຕົ້ນທີ່ທ່ານຄິດກ່ຽວກັບສິ່ງທີ່ທ່ານຕ້ອງການຈະປະສົບຄວາມສຳເລັດໃນຊີວິດຂ້າງໜ້າ ລວມເຖິງວິທີທີ່ຈະເຮັດໃຫ້ມັນສຳເລັດຕ່າງຫາກ.

  1. ຖ້າມື້ອື່ນທ່ານຕ້ອງຕາຍໄປ ທ່ານພໍໃຈກັບສິ່ງທີ່ເປັນຢູ່ແລ້ວຫລືຍັງ ? ຕອນນີ້ທ່ານອາດຈະຄິດວ່າຊີວິດທ່ານຍັງເຫລືອເວລາໃຫ້ໃຊ້ຊີວິດອີກຫລາຍສິບປີ, ແຕ່ເຖິງແນວນັ້ນກໍຕາມ ມັນບໍ່ມີເຫດຜົນເລີຍທີ່ຈະມາເມົາຊັກຊ້າບໍ່ເຮັດຕາມຝັນຈັກເທື່ອ, ຈົ່ງຮີບເຮັດຕັ້ງແຕ່ມື້ນີ້ ແລະ ຕອນນີ້ເລີຍຈະດີກ່ວາບໍ່ ? ຖ້າທ່ານບໍ່ມັກຊີວິດທີ່ເປັນຢູ່ຕອນນີ້ ການໃຊ້ເວລາເພື່ອຄິດທົບທວນເພື່ອຫັນມາຈັດການກັບເວລາຂອງງທ່ານເປັນເລື່ອງສຳຄັນ, ຊີວິດບໍ່ໄດ້ໝັ້ນຄົງສະເໝີໄປ ມື້ອື່ນອາດຈະບໍ່ມາເຖິງບໍ່ເປັນໄດ້ ສະນັ້ນແລ້ວ, ເຖິງວ່າການວາງແຜນຄັ້ງຍິ່ງໃຫຍ່ເປັນເລື່ອງສຳຄັນ ແຕ່ທ່ານເອງກໍຕ້ອງບໍ່ລືມທີ່ຈະຊື່ນຊົມກັບຊີວິດທີ່ກຳລັງດຳເນີນໄປໃນປັດຈຸບັນນຳ.
  2. ອັນໃດແມ່ນຄຸນຄ່າທີ່ເປັນເອກະລັກສະເພາະໂຕຂອງທ່ານ ? ຄວາມຈິງແລ້ວມັນກໍແປຄວາມໝາຍງ່າຍໆວ່າ ອັນໃດແດ່ທີ່ມີແຕ່ໂຕເຮົາເທົ່ານັ້ນທີ່ເຮັດໄດ້ ? ຫລື ມີສິ່ງໃດທີ່ຂ້ອຍເຮັດໄດ້ຢ່າງງ່າຍດາຍ ໃນຂະນະທີ່ຄົນອື່ນຄິດວ່າມັນຍາກ ? ເຊິ່ງຖ້າລອງມາເບິ່ງໃນໂລກທຸລະກິດ ເຮົາກໍມັກຈະເວົ້າເຖິງສິ່ງຄ້າຍກັນ ທີ່ເອີ້ນວ່າ ການສ້າງຄຸນຄ່າ (value proposition) ນັ້ນເອງ ວ່າທ່ານມີຫຍັງທີ່ໂດດເດັ່ນມານຳສະເໜີແດ່ ? ຈຸດຂາຍຂອງທ່ານແມ່ນຫຍັງ ? ແລ້ວມັນມີຄ່າຫລາຍປານໃດ ?

ເມື່ອທ່ານຄົ້ນພົບຄຸນຄ່າ ຫລື ຄວາມສາມາດໃນໂຕເອງ ທ່ານຈະພັດທະນາຕົນເອງໃຫ້ຊຳນານໃນດ້ານນັ້ນໆໄດ້ຄືກັບ A. J. Agrawal ຜູ້ບໍລິຫານບໍລິສັດ Alumnifyແນະນຳວ່າ “ຈົ່ງຫາຊ່ອງທາງຕິດຕາມຂ່າວທີ່ເໝາະສົມກັບທ່ານໄວ້ປະມານ 3 – 4 ແຫ່ລງ ແລະ ຢ່າລືມຕິດຕາມອ່ານຂ່າວພວກນີ້ທຸກມື້, ເລີ່ມຕົ້ນງ່າຍໆຈາກການແບ່ງປັນບົດຄວາມທີ່ທ່ານສົນໃຈໃນໂລກອອນລາຍກໍໄດ້ ແລ້ວລອງພັດທະນາໄປເປັນການຂຽນບລັອກ ຫລື ບົດຄວາມທີ່ສົນໃຈດ້ວຍໂຕເອງເບິ່ງ ຜູ້ຄົນຈະຄ່ອຍໆຮັບຮູ້ວ່າທ່ານຊ່ຽວຊານໃນເລື່ອງນັ້ນແທ້ໆ”.

7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ - Wave100S AD to Website 2020 0 - 7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ
  1. ໃຜທີ່ເປັນແຮງບັນດານໃຈໃຫ້ກັບທ່ານຫລາຍທີ່ສຸດ ? ໃຜທີ່ທ່ານເບິ່ງເປັນແບບຢ່າງຫລາຍທີ່ສຸດ ? ແລ້ວແມ່ນຫຍັງທີ່ເຮັດໃຫ້ທ່ານຢາກເປັນຄືກັບພວກເຂົາ ? ລອງຂຽນຄຳຕອບທີ່ເກີດຂຶ້ນມາໃນຄວາມຄິດເອົາໄວ້ ຄົນທີ່ທ່ານຢາກຍຶດຖືເອົາເປັນແບບຢ່າງນັ້ນ ຈະຕອບທ່ານໄດ້ວ່າ ທ່ານຄາດຫວັງຈະເປັນແນວໃດໃນອະນາຄົດ.
  2. ໃນທຸກໆມື້ ທ່ານຕື່ນຂຶ້ນເພື່ອຫຍັງ ? ຄຳຖາມນີ້ເປັນອີກໜຶ່ງວິທີໃນການຖາມວ່າ ເປົ້າໝາຍຂອງທ່ານແມ່ນຫຍັງ ? ເຊິ່ງການຕອບຄຳຖາມນີ້ບໍ່ແມ່ນເລື່ອງງ່າຍ, ແຕ່ຖ້າຕອບໄດ້ ທ່ານຈະຈະແຈ້ງໃນເປົ້າໝາຍຂອງຕົນເອງຂຶ້ນຕື່ມອີກ ແລະ ຍິ່ງທ່ານຫາມັນພົບໄວເທົ່າໃດ ທ່ານກໍເລີ່ມທຸ່ມເທກຳລັງໃຫ້ກັບມັນໄດ້ໄວຫລາຍຂຶ້ນເທົ່ານັ້ນ.
  3. ມື້ນີ້ທ່ານໄດ້ຮຽນຮູ້ຫຍັງໄປຫລາຍປານໃດ ? ເມື່ອທ່ານຢູ່ໃນຊ່ວງອາຍຸຫລັກ 2 ເສັ້ນສະແດງການຮຽນຮູ້ຂອງທ່ານຄວນຈະແລ່ນສູງຂຶ້ນຫລາຍ. ດັ່ງນັ້ນ, ຈົ່ງຮຽນຮູ້ໃຫ້ຫລາຍໆໄວ້ໃນແຕ່ລະມື້ ແລະ ຢ່າລືມຈົດບັນທຶກສິ່ງທີ່ທ່ານໄດ້ຮຽນຮູ້ໃນແຕ່ລະມື້ເອົາໄວ້ນຳ. ການເຮັດສິ່ງເຫລົ່ານີ້ເປັນປະຈຳຖືວ່າເປັນສິ່ງທີ່ດີ ແລະ ຄວນຈະເຮັດ ເຖິງວ່າອາຍຸຈະເຂົ້າຫລັກ 3 ຫລື ຫລາຍກ່ວານັ້ນແລ້ວກໍຕາມ ເພາະເປົ້າໝາຍຂອງທ່ານຄວນຈະເປັນການທີ່ທ່ານໄດ້ຮຽນຮູ້ສິ່ງໃໝ່ໆໃນທຸກມື້ ເພື່ອພັດທະນາວິທີຄິດ ແລະ ທັດສະນະຄະຕິການດຳລົງຢູ່ຕໍ່ໂລກທີ່ຜັນປ່ຽນໄປ.
  4. ໃຜແມ່ນຄົນທີ່ທ່ານຮັກທີ່ສຸດ ແລ້ວທ່ານໄດ້ບອກ ຫລື ສະແດງອອກໄປແລ້ວຫລືຍັງ ?Adam Rifkinຜູ້ຮ່ວມກໍ່ຕັ້ງເວັບໄຊ PandaWhaleກ່າວວ່າ : ຢ່ານຶກເອົາເອງວ່າໝູ່ ແລະ ຄອບຄົວຂອງທ່ານຈະເຂົ້າໃຈຄວາມຮູ້ສຶກຂອງທ່ານໄດ້, ແຕ່ຈົ່ງເຮັດໃຫ້ພວກເຂົາຮູ້ວ່າທ່ານເອົາໃຈໃສ່ພວກເຂົາຫລາຍເທົ່າໃດ ເຊິ່ງຈາກການສຶກສາຂອງຮາເວີດກໍຍັງພົບວ່າ ຄວາມສຳພັນອັນໃກ້ຊິດນີ້ແມ່ນກຸນແຈທີ່ນຳໄປສູ່ຄວາມສຸກ ແລະ ຊີວິດທີ່ຍືນຍາວນຳ.
  5. ຄວາມສຳເລັດສຳລັບທ່ານ ໝາຍເຖິງຫຍັງ ? ຄຳຖາມນີ້ເປັນຄຳຖາມທີ່ພັດທະນາຊີວິດຄົນເຮົາຫລາຍ, ເຮົາທຸກຄົນລ້ວນມີອຸປະທານ ຫລື ສິ່ງທີ່ຕ້ອງການຕໍ່ຄວາມສຳເລັດ ເຊັ່ນ : ອຳນາດ, ຊື່ສຽງ ຫລື ເງິນຄຳ, ແຕ່ຄວາມສຳເລັດແທ້ຈິງແລ້ວບໍ່ໄດ້ຖືກຈຳກັດຢູ່ແຕ່ສິ່ງທີ່ກ່າວມານີ້ເທົ່ານັ້ນ ບາງເທື່ອຄວາມສຳເລັດນັ້ນກໍອາດໝາຍເຖິງການໄດ້ຄົ້ນພົບຄວາມສະຫງົບໃນຈິດໃຈກໍເປັນໄດ້ ຫລື ການໄດ້ຢູ່ໃນສິ່ງແວດລ້ອມທີ່ສົ່ງເສີມຄວາມສາມາດຂອງທ່ານກໍຍ່ອມໄດ້. ດັ່ງນັ້ນ, ທ່ານຕ້ອງຕອບຕົນເອງໃຫ້ໄດ້ວ່າ ຄວາມສຳເລັດສຳລັບທ່ານນັ້ນໝາຍເຖິງຫຍັງ ? ເພື່ອເປັນແນວທາງໃນການຕັດສິນໃຈເລື່ອງຕ່າງໆໃນຊີວິດຕອນນີ້ ແລະ ອະນາຄົດຂ້າງໜ້າ.
7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ - WhatsApp Image 2020 05 27 at 5 - 7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ
7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ - WhatsApp Image 2020 05 27 at 5 - 7 ຄຳຖາມຊີວິດທີ່ທ່ານຕ້ອງຕອບໃຫ້ໄດ້ກ່ອນອາຍຸ 30 ປີ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!