ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ

ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ - 150 - ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ
ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ - Untitled design - ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ

ດັ່ງກຸ່ມຫັດຖະກຳຈັກສານບ້ານແບ່ງດ່ານ ເມືອງລະຄອນເພັງ ແຂວງສາລະວັນ ໄດ້ຮັບການສ້າງຕັ້ງຂຶ້ນດ້ວຍທຶນຂອງປະຊາຊົນເອງ, ໃນເບື້ອງຕົ້ນແມ່ນເພື່ອຮັບໃຊ້ຊີວິດປະຈຳວັນຂອງປະຊາຊົນບ້ານແບ່ງດ່ານທີ່ຂຶ້ນກັບກຸ່ມບ້ານນາເລົ່າ, ມີ 169 ຫຼັງຄາເຮືອນ ແລະ ມີພົນລະເມືອງທັງຫມົດ  918 ຄົນ, ໃນນັ້ນ ຍິງກວມເອົາຫລາຍກວ່າເຄິ່ງຫນຶ່ງ, ປະຊາຊົນສ່ວນໃຫຍ່ແມ່ນຖືເອົາການເຮັດນາເປັນອາຊີບຫຼັກ ແລະ ລ້ຽງສັດ-ປູກພືດອື່ນໆເປັນອາຊີບສໍາຮອງ, ສ່ວນວຽກງານຫັດຖະກຳແມ່ນເປັນອາຊີບເສີມ ຊຶ່ງຕົ້ນຕໍແມ່ນການຈັກສານຜະລິດຕະພັນຫວາຍທີ່ສາມາດຊ່ວຍສ້າງລາຍຮັບໃຫ້ຄອບຄົວໄດ້ເປັນຢ່າງດີ.

ທ່ານຮອງເຈົ້າເມືອງ ໃຫ້ຮູ້ວ່າ: ກຸ່ມຫັດຖະກຳຈັກສານບ້ານແບ່ງດ່ານ ໄດ້ສ້າງຕັ້ງຂຶ້ນໃນປີ 1979 ດ້ວຍການໄປຖອດຖອນບົດຮຽນມາຈາກທ້ອງຖິ່ນອື່ນແລ້ວມານຳໃຊ້ວັດຖຸດິບທີ່ມີຢ່າງຫລວງຫລາຍໃນເຂດບ້ານຂອງຕົນ ບໍ່ວ່າຈະເປັນຫວາຍ ແລະ ໄມ້ປ່ອງ ເພື່ອມາຜະລິດເຄື່ອງໃຊ້ຕ່າງໆພາຍໃນຄອບຄົວ ແລະ ກ້າວໄປສູ່ການຜະລິດຈຳໜ່າຍອອກສູ່ຕະຫຼາດ, ທັງສາມາດແລກປ່ຽນເອົາເຂົ້າມາກິນ ແລະ ກໍເຫັນວ່ານັບມື້ໄດ້ຮັບຄວາມນິຍົມຈາກຜູ້ຊົມໃຊ້ໄດ້ເປັນຢ່າງດີ ແຕ່ການຜະລິດໃນຄາວນັ້ນຍັງເຮັດແບບກະແຈກກະຈາຍ, ກຸ້ມໃຜກຸ້ມລາວ ຈົນມາຮອດປີ 1996 ຈິ່ງໄດ້ສ້າງຕັ້ງກຸ່ມຫັດຖະກຳນີ້ຂຶ້ນ ມີສະມາຊິກຢູ່ນຳກັນ 12 ຄອບຄົວ ແລະ ຕໍ່ຈາກນັ້ນມາລະຫ່ວາງປີ 2009-2010 ທາງເມືອງລະຄອນເພັງ ຮ່ວມກັບໂຄງການຍີ່ປຸ່ນໄດ້ເຂົ້າມາຊ່ວຍເຫຼືອ ເພື່ອຜະລິດເປັນສິນຄ້າໂອດ໋ອບຂອງເມືອງ ໂດຍປະກອບສະມາຊິກເຂົ້າຕື່ມເປັນ 25 ຄອບຄົວ ເພື່ອຂະຫຍາຍຜະລິດຕະພັນໃຫ້ຫຼາຍຂຶ້ນ ແລະ ຕໍ່ມາກໍໄດ້ເລືອກຕັ້ງປະທານກຸ່ມໃໝ່ ປະກອບມີສະມາຊິກເຂົ້າຕື່ມເປັນ 33 ຄອບຄົວ ໂດຍແມ່ນການລວມຕົວຂອງປະຊາຊົນເຂດບ້ານດັ່ງກ່າວຜູ້ທີ່ມີ ຄວາມຮູ້ພື້ນຖານກ່ຽວກັບການຈັກສານ ໄປຄຽງຄູ່ກັບການເຮັດນາແລ້ວ ບັນດາສະມາຊິກຈະມາຊ່ວຍສ້າງອາຊີບເສີມໄປພ້ອມໆກັບການຈັດຝຶກອົບຮົມສີມືແຮງງານເລື່ອງຈັກສານໃຫ້ປະຊາຊົນ ເພື່ອສາມາດປະກອບເປັນອາຊີບ ແລະ ຊ່ວຍສ້າງລາຍຮັບໃຫ້ເຂົາເຈົ້ານຳມາພັດທະນາຊີວິດການເປັນຢູ່ໃຫ້ດີຂຶ້ນ ແລະ ສາມາດຫຼຸດພົ້ນອອກຈາກຄວາມທຸກຍາກເທື່ອລະກ້າວ.

ປັດຈຸບັນກຸ່ມການຜະລິດດັ່ງກ່າວສາມາດຜະລິດຕະພັນອອກສູ່ສັງຄົມໄດ້ເປັນຈຳນວນຫລາຍຄື: ຜະລິດຕະພັນໂອ-ຂັນ, ພາເຂົ້າ, ຕິບເຂົ້າ ແລະ ເຄື່ອງໃຊ້ສອຍຕ່າງໆພາຍໃນຄົວເຮືອນ ຊຶ່ງແຕ່ລະປີສາມາດສ້າງລາຍຮັບສະເລ່ຍຕ່ຳສຸດ 300.000 ກີບຕໍ່ຄົນຕໍ່ເດືອນ ແລະ ສູງສຸດແມ່ນປະມານ 1.500.000 ກີບຕໍ່ຄົນຕໍ່ເດືອນ. ສະເລ່ຍລາຍຮັບຂອງກຸ່ມບັນລຸໄດ້ປະມານ 133 ລ້ານກວ່າກີບຕໍ່ປີ ໂດຍຕະຫຼາດຈຳໜ່າຍສ່ວນໃຫຍ່ແມ່ນພາຍໃນແຂວງສາລະວັນເອງ ແລະ ນະຄອນປາກເຊ ແຂວງຈຳປາສັກເປັນຕົ້ນ.

ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ - Wave100S AD to Website 2020 0 - ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ

ປັດຈຸບັນພາຍໃນກຸ່ມໄດ້ສ້າງຕັ້ງກອງທຶນໄວ້ເພື່ອໃຫ້ບັນດາສະມາຊິກຂອງກຸ່ມໄດ້ກູ້ຢືມ ເພື່ອການໃຊ້ຈ່າຍທີ່ຈຳເປັນຂອງຄອບຄົວ ແລະ ສາມາດກູ້ຢືມໄດ້ແຕ່ 1 ແສນ ຫາ 2 ແສນກີບຕໍ່ຄົນຕໍ່ເດືອນ ໂດຍດອກເບ້ຍພຽງ 0,5% ຕໍ່ຄັ້ງ. ແຕ່ຢ່າງໃດກໍດີ, ໃນຜ່ານມາຍັງສັງເກດເຫັນວ່າ: ທາງກຸ່ມຜະລິດຍັງຂາດປະສົບການ ແລະ ຄວາມຮູ້, ຄວາມສາມາດໃນການອອກແບບຜະລິດຕະພັນ, ຍັງຂາດເຂີນທຶນຮອນເພື່ອຂະຫຍາຍການຜະລິດ ແລະ ຕະຫຼາດຈຳຫນ່າຍຍັງຈຳກັດບໍ່ທັນສາມາດສົ່ງອອກຜະລິດຕະພັນສູ່ ຕ່າງປະເທດໄດ້.

ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ - WhatsApp Image 2020 05 27 at 5 - ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ
ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ - WhatsApp Image 2020 05 27 at 5 - ກຸ່ມຫັດຖະກຳຈັກສານບ້ານແບ່ງດ່ານຊ່ວຍສ້າງ ວຽກເຮັດງານທຳໃຫ້ປະຊາຊົນເປັນຈຳນວນບໍ່ຫນ້ອຍ
error: Alert: ເນື້ອຫາຂ່າວມີລິຂະສິດ !!