ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ

ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ - 152 - ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ
ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ - Untitled design - ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ

     ​ເຖິງ​ຈະ​ລອດ​ມາ​ໄດ້​ແບບ​ປະຕິ​ຫານ ​ແຕ່​ການ​ໄດ້​ເຫັນ​ບິນ​ຄ່າ​ໃຊ້​ຈ່າຍ​ເຮັດ​ໃຫ້​ຫົວ​ໃຈ​ຂອງ​ປູ່​ຕົກ​ວູບ​ໄປ​ເລີຍ.

ສຳນັກ​ຂ່າວ Seattle Times ລາຍ​ງານ​ໃນ​ວັນ​ທີ 13 ມິຖຸນາ​ຜ່ານ​ມາ​ວ່າ: ຜູ້​ຊາຍ​ຊາວ​ອາ​ເມ​ລິ​ກາ ອາຍຸ 70 ປີ ທີ່​ລອດ​ຊີວິດ​ຈາກ​ໂຄ​ວິດ-19 ພັດ​ຕ້ອງ​ມາ​ພົບ​ກັບ​ຄ່າ​ໃຊ້​ຈ່າຍ​ໃນ​ໂຮງໝໍ​ສູງ​ເຖິງ 1,1 ລ້ານ​ໂດ​ລາ​ສະຫະລັດ.

​ໄມ​ເຄິລ ຟໍ (Michael Flor) ​ເຂົ້າຮັບ​ການ​ປິ່ນປົວ​ຢູ່​ໂຮງໝໍ​ໃນ​ເມືອງ​ຊີ​ແອດ​ເຕິ​ລ ລັດ​ວໍ​ຊິງ​ຕັນ ທາງ​ຕາ​ເວັນ​ຕົກ​ສຽງ​ເໜືອ​ຂອງ​ອາ​ເມ​ລິ​ກາ ​ໃນ​ວັນ​ທີ 4 ມີນາ ​ແລະ ພັກ​ຢູ່ 62 ວັນ ຈົນ​ເຖິງ​ຈຸດ​ໜຶ່ງ​ລາວ​ເກືອບ​ຈະ​ບໍ່​ລອດ​ແລ້ວ ​ເຮັດ​ໃຫ້​ພະຍາບານ​ຕ້ອງ​ຊ່ວຍ​ຖື​ໂທລະສັບ​ໄວ້​ເພື່ອ​ໃຫ້​ພັນ​ລະ​ຍາ ​ແລະ ລູກໆ​ຂອງ​ລາວ​ບອກ​ລາ.

​ແຕ່​ລາວ​ຟື້ນຕົວ​ຈາກ​ພະຍາດ​ໄດ້​ຢ່າງ​ປະຕິ​ຫານ ​ແລະ ອອກ​ຈາກ​ໂຮງໝໍ​ໄດ້​ໃນ​ວັນ​ທີ 5 ພຶດສະພາ ທ່າມກາງ​ສຽງ​ເຊຍ​ຂອງ​ເຈົ້າໜ້າ​ທີ່​ພະຍາບານ ​ແຕ່​ແລ້ວ​ລາວ​ຕ້ອງ​ມາ​ຮັບ​ໃບ​ບິນ​ຄ່າ​ປິ່ນປົວ​ຍາວ​ເຖິງ 181 ໜ້າ ລວມ​ເປັນ​ເງິນ 1.122.501,04 ​ໂດ​ລາ​ສະຫະລັດ.

ຄ່າ​ໃຊ້​ຈ່າຍ​ນີ້​ລວມ​ທັງ​ຄ່າ​ໃຊ້​ຈ່າຍ​ສຳລັບ​ຫ້ອງ​ຜູ້​ປ່ວຍ​ໜັກ 9.736 ​ໂດ​ລາ​ຕໍ່​ວັນ, ຄ່າ​ໃຊ້​ຈ່າຍ​ເກືອບ 409.000 ​ໂດ​ລາ​ສະຫະລັດ​ ສຳລັບ​ການ​ຟື້ນຕົວ​ໃນ​ຫ້ອງ​ປອດ​ເຊື້ອ​ເປັນ​ເວລາ 42 ວັນ, ຄ່າ​ໃຊ້​ຈ່າຍ 82.000 ​ໂດ​ລາ​ສະຫະລັດ ສຳລັບ​ການ​ໃຊ້​ເຄື່ອງ​ຊ່ວຍ​ຫາຍ​ໃຈ 29 ວັນ ​ແລະ ຄ່າ​ໃຊ້​ຈ່າຍ​ເກືອບ 100.000 ​ໂດ​ລາ​ສະຫະລັດ ສຳລັບ​ການ​ປິ່ນປົວ 2 ວັນ​ເມື່ອ​ອາການ​ໜັກ​ຈົນ​ເກືອບ​ຈະ​ເສຍ​ຊີວິດ.

ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ - Wave100S AD to Website 2020 0 - ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ

ຟໍ ​ໄດ້​ຮັບ​ການ​ຄຸ້ມ​ຄອງ​ໂດຍ​ປະກັນ​​​ໄພ​ສຸຂະພາບ Medicare ​ເຊິ່ງ​ເປັນ​ໂຄງການ​ປະກັນ​ໄພ​ຂອງ​ລັດຖະບານ​ສຳລັບ​ຜູ້​ອາຍຸ​ສູງ ​ແລະ ​ເປັນ​ໄປ​ໄດ້​ທີ່​ລາວ​ຈະ​ບໍ່​ຕ້ອງ​ຈົກ​ເງິນ​ຈ່າຍ​ຄ່າ​ປິ່ນປົວ​ດ້ວຍ​ຕົນ​ເອງ.

​ເຖິງ​ຢ່າງ​ໃດ​ກໍ​ຕາມ, ລະບົບ Medicare ອິງ​ກັບ​ເງິນ​ພາສີ​ປະຊາຊົນ ​ເຮັດ​ໃຫ້ ຟໍ ບອກ​ວ່າ​ລາວ​ຮູ້ສຶກ​ຜິດ ​ເມື່ອ​ຮູ້​ວ່າ​ປະຊາຊົນ​ຜູ້​ເສຍ​ພາສີ​ຈະ​ແບກ​ຮັບ​ຄ່າ​ໃຊ້​ຈ່າຍ​ການ​ປິ່ນປົວ​ຂອງ​ລາວ​ເປັນ​ເງິນ​ມະຫາສານ.

ທັງ​ນີ້ ອາ​ເມ​ລິ​ກາ​ເປັນ​ປະ​ເທດ​ທີ່​ຄ່າ​ໃຊ້​ຈ່າຍ​ດ້ານ​ການ​ເບິ່ງ​ແຍງ​ສຸຂະພາບ​ທີ່​ມີ​ລາຄາ​ແພງ​ທີ່​ສຸດ​ໃນ​ໂລກ ​ແລະ ໜຶ່ງ​ໃນ​ແຜນການ​ຮັກສາ​ເສດຖະກິດ​ໃນ​ໄລຍະ​ການລະບາດ​ຂອງ​ໂຄ​ວິດ-19 ຂອງ​ລັດຖະບານ​ອາ​ເມ​ລິ​ກາ​ຄື: ການຈັດ​ສັນ​ງົບປະມານ 100 ລ້ານ​ໂດ​ລາ​ສະຫະລັດ ​ເພື່ອ​ຊົດ​ເຊີຍ​ໃຫ້​ໂຮງ​ໝໍ ​ແລະ ບໍລິສັດ​ປະກັນ​ໄພ​ເອກະ​ຊົນ​ທີ່​ໃຫ້ການ​ປິ່ນປົວ​ຜູ້​ຕິດ​ເຊື້ອ​ໂຄ​ວິດ-19.

ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ - WhatsApp Image 2020 05 27 at 5 - ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ
ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ - WhatsApp Image 2020 05 27 at 5 - ປູ່ອາເມລິກາລອດຊີວິດຈາກໂຄວິດ ເຫັນບິນຄ່າປິ່ນປົວ 1,1 ລ້ານໂດລາ
error: Alert: ເນື້ອຫາຂ່າວມີລິຂະສິດ !!