ອຸຕຸເຕືອນລະວັງພາຍຸໝູນເຂດຮ້ອນ ນູຣິ (NURI)
ກົມອຸຕຸນິຍົມ ແລະອຸທົກກະສາດແຈ້ງໃຫ້ຮູ້ໃນວັນທີ 15 ມີຖຸນານີ້ວ່າ: ລົມມໍລະສຸມຕາເວັນຕົກສ່ຽງໃຕ້ມີກຳລັງປານກາງຫາແຮງພັດປົກຄຸມຢູ່ທົ່ວທຸກ ພາກ ຂອງປະເທດເຮົາ, ສົມທົບກັບພາຍຸໝູນເຂດຮ້ອນ ນູຣິ (NURI) ຫົວທີ 2 ໃນເວລາ 7 ໂມງເຊົ້້າ ຂອງມື້ນີ້ມີຈຸດສູນກາງຢູ່ເສັ້້ນຂະໜານທີ 18.4 ອົງສາເໜືອ ແລະ ເສັ້ນແວງທີ 115.4 ອົງສາຕາເວັນອອກ, ພວມເຄື່ອນໄປທາງທິດ ຕາເວັນຕົກສ່ຽງເໜືອດ້ວຍຄວາມໄວ 25 ກິໂລແມັດ ຕໍ່ຊົ່ວໂມງ.ລັກສະນະເຊັ່ນ ນີ້ຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງເປັນບໍລິເວນກວ້າງ ແລະຝົນຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ຫາ ພາກກາງ, ດັ່ງນັ້ນ ຈຶ່ງແຈ້ງເຕືອນເຖິງປະຊາຊົນແລະ ອົງການປົກຄອງ ທຸກພາກ ສ່ວນ ໃຫ້ມີສະຕິຕໍ່ສະພາບອາກາດດັ່ງກ່າວ, ຊຶ່ງອາດຈະເຮັດໃຫ້ເກີດມີດິນເຈື່ອນ ແລະ ນໍ້າຖ້ວມຊຸໄດ້.
. ເຕືອນພາຍຸໃຕ້ຝຸ່ນນູຣິ(NURI) ພວມເຄື່ອນຕົວໄປສູ່ທະເລຈີນໃຕ້ ເຊິ່ງຄາດວ່າຈະກະທົບຕໍ່ປະເທດເຮົານັບແຕ່ພາກເໜືອລົງມາຫາພາກກາງ ອາດເຮັດໃຫ້ມີຝົນຕົກໜັກລົມພັດແຮງ ແຕ່ຄືນນີ້ໄປຫາຕອນທ່ຽງມື້ອື່ນວັນທີ 16 ມີຖຸນີ້.