ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ

ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ - 153 - ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ
ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ - AGL banner - ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ

      ຈີນ​ປິດ​ຕະຫລາດ​ຂາຍ​ສົ່ງ​ຂະໜາດ​ໃຫຍ່ໃນ​ນະຄອນຫລວງ​ປັກ​ກິ່ງ ຫລັງ​ພົບ​ເຊື້ອ​ໂຄ​ວິດ-19 ຢູ່​ຂຽງ​ຄົວ​ປາ​​ແຊ​ລມອນ. ຂະນະ​ທີ່ ສບຄ ​ແນະນຳ​ຄົນ​ໄທ​ງົດ​ບໍລິ​ໂພ​ກປາ​ດິບ​ໄປ​ກ່ອນ ​ເພື່ອ​ຄວາມ​ປອດ​ໄພ.

ວັນ​ທີ 15 ມິຖຸນາ 2020 ທ່ານ ທະວີ​ສິນ ວິດ​ສະນຸ​ໂຍທິນ ​ໂຄສົກ ສບຄ ຂອງໄທ ຊີ້​ແຈງ​ເຖິງ​ການ​ພົບ​ເຊື້ອ​ໂຄ​ວິດ-19 ​ໃນ​ຕະຫລາດ​ອາຫານ​ທະ​ເລ​ຢູ່​ປະ​ເທດ​ຈີນ​ວ່າ: ມີ​ຄວາມ​ຈຳ​ເປັນ​ຈະ​ຕ້ອງ​ຂໍ​ໃຫ້​ປະຊາຊົນ​ເນັ້ນຮັບ​ປະທານ​ອາຫານ​ທີ່​ຜ່ານ​ການ​ປຸງ​ສຸກ​ໃນ​​ໄລຍະ​ນີ້ ​ເພື່ອ​ຄວາມ​ປອດ​ໄພ ລວມທັງ​ການ​ປ້ອງ​ກັນ​ການ​ແຜ່​ລະບາດ​ໂຄ​ວິດ-19.

​ໂຄສົກ ສບຄ ກ່າວ​ວ່າ: ​ໄດ້​ມີ​ໜ່ວຍ​ງານ​ທີ່​ກ່ຽວຂ້ອງ​ຂອງ​ໄທ​ກວດ​ສອບ​ການ​ປະຕິບັດ​ຕາມ​ມາດ​ຕະການ​ປ້ອງ​ກັນ​ການ​ແຜ່​ລະບາດ​ຂອງ​ໂຄ​ວິດ-19 ​ໂດຍ​ສຸ່ມ​ກວດ​ສອບ​ພື້ນທີ່​ຕະຫລາດ​ສົດ​ຢ່າງ​ຕໍ່​ເນື່ອງ ລວມທັງ​ມີ​ການ​ຕິດຕາມ, ກວດ​ສອບ​ສະຖານ​ທີ່​ຜ່ານ​ການ​ປະ​ເມີນ​ຜົນ​ຂອງ​ຜູ້​ເຂົ້າ​ໃຊ້ບໍລິການ​ຜ່ານ​ແອັບ​ພລິ​ເຄຊັນ “​ໄທ​ຊະນະ” ນຳ​ອີກ.

ຂະນະ​ທີ່ ທ່ານ ທະນະຣັກ ຜະລິ​ພັດ ຮອງ​ອະທິບໍດີ​ກົມ​ຄວບ​ຄຸມພະ​ຍາດ ກ່າວ​ວ່າ: ການ​ທີ່​ຫລາຍ​ຄົນ​ເກີດ​ຂໍ້​ສົງ​ໄສ​ວ່າ: ປາ​​ແຊ​ລມອນ​ຈະ​ເປັນ​ພາຫະ​ນຳ​ເຊື້ອພະຍາດ ຫລື ບໍ່ນັ້ນ ​ເຊື່ອ​ວ່າ: ​ໃນ​ໂຕ​ປາ​ແຊ​ລມອນ​ບໍ່​ອາດ​ຈະ​ມີ​ເຊື້ອ​ໂຄ​ວິດ-19 ການ​ຕິດ​ເຊື້ອອາດ​ຈະ​ເກີດ​ຈາກ​ການ​ປົນ​ເປື້ອນຢູ່​ບໍລິ​ເວນໜ້າ​ຂຽງ​ຫລາຍ​ກວ່າ.

ທັງ​ນີ້ ກົມ​ຄວບ​ຄຸມພະ​ຍາດ​ໄດ້​ໃຫ້​ຄຳ​ແນະນຳ​ມາ​ຕະຫລອດ​ວ່າ: ບໍ່​ຄວນ​ຮັບ​ປະທານ​ອາຫານ​ດິບ ​ໂດຍ​ສະ​ເພາະ​ຊີ້ນ​ສັດ ​ເນື່ອງ​ຈາກ​ມີ​ຄວາມ​ສ່ຽງ ​ໂດຍ​ຄວນ​ເນັ້ນການ​ຮັບ​ປະທານ​ອາຫານ​ປຸງ​ແຕ່ງ​ສຸກ​ໃໝ່ໆ ​ແລະ ​ໃຊ້​ບ່ວງ​ກາງ​ໃນ​ການ​ຮັບ​ປະທານ​ອາຫານ​ທຸກ​ຄັ້ງ ​ເພື່ອ​ປ້ອງ​ກັນ​ເຊື້ອພະຍາດ.

​ເຖິງ​ວ່າ​ຊີ້ນ​ສັດ​ທີ່​ນຳ​ມາ​ໃຊ້​ຈະ​ສົດ, ຜ່ານ​ການ​ລ້າງ ຫລື ທຳ​ຄວາມ​ສະອາດ​ຂະໜາດ​ໃດກໍ​ບໍ່​ພຽງພໍ​ທີ່​ຈະ​ຂ້າ​ເຊື້ອພະຍາດ​ທີ່​ມີ​ໂອກາດ​ປົນ​ເປື້ອນ ຍົກ​ເວັ້ນຜັກ​ສົດ ຫລື ໝາກ​ໄມ້ ທີ່​ສາມາດ​ໝັ້ນ​ໃຈ​ໃນ​ຄວາມ​ສະອາດ​​ໄດ້​ຈາກ​ການ​ລ້າງ.

ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ - lattana banner - ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ
ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ - lattana banner 1 - ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ
ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ -    AD conten website - ໄທຢຸດກິນປາແຊລມອນດິບ ຫລັງຈີນພົບເຊື້ອໂຄວິດຢູ່ຂຽງຊອຍປາ
error: Alert: ເນື້ອຫາຂ່າວມີລິຂະສິດ !!