ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’

ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’ - 158 - ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’
ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’ - Untitled design - ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’

     ຈີນ​ປະກາດ​ກົດ​ໄອ​ຍະ​ການ​ເສິກ​ຢູ່​ເມືອງ​ເປົ່າ​ຕິ້ງ ​ໃກ້​ນະຄອນຫລວງ​ປັກ​ກິ່ງ​ທີ່​ມີ​ການລະບາດ ‘ຄລັສ​ເຕີ’ ຮອບ​ໃໝ່​ຢູ່​ຕະຫລາດ​ຂາຍ​ສົ່ງ​ຂະໜາດ​ໃຫຍ່, ຂະນະ​ທີ່ 10 ​ເມືອງ​ຢູ່​ຈີນ​ຂໍ​ໃຫ້​ປະຊາຊົນ​ຫລີກ​ລ່ຽງ​ເດີນທາງ​ໄປ​ເມືອງ​ຫລວງ.

ທາງ​ການມົນທົນ​​ເຫີ​ເປ່​ຍ ທາງ​ຕາ​ເວັນ​ອອກສຽງ​ເໜືອ​ຂອງ​ຈີນ ຖະ​ແຫລ​ງ​ໃນ​ວັນ​ທີ 15 ມິຖຸນາ​ວ່າ: ​ໄດ້​ປະກາດ​ໃຊ້​ກົດ​ໄອ​ຍະ​ການ​ເສິກ ​ເຊິ່ງ​ເຄີຍ​ບັງຄັບ​ໃຊ້​ໃນ​ຍຸກ​ສົງຄາມ ຢູ່​ເມືອງ​ເປົ່າ​ຕິ້ງ ທາງ​ຕາ​ເວັນ​ຕົກ​ສຽງ​ໃຕ້​ຂອງ​ນະຄອນຫລວງ​ປັກ​ກິ່ງ ​ເພື່ອ​ປ້ອງ​ກັນ​ການລະບາດ​ຂອງ​​ໂຄ​ວິດ-19.

“​ເນື່ອງ​ຈາກ​ເປົ່າ​ຕິ້ງຕັ້ງຢູ່​ໃກ້​ກັບ​ນະຄອນຫລວງ​ປັກ​ກິ່ງ ​ແລະ ມີ​ການ​ເຄື່ອນ​ຍ້າຍ​ສິນຄ້າ ​ແລະ ຜູ້​ຄົນ​ລະຫວ່າງ 2 ​ເມືອງ​ນີ້​ຢ່າງ​ໜາ​ແໜ້ນ ຈຶ່ງ​ຕ້ອງ​ມີ​ມາດ​ຕະການ​ເຝົ້າລະວັງ​ຂັ້ນສູງ” ຖະ​ແຫລ​ງການ​ລະບຸ.

ທັງ​ນີ້ ​ເມືອງ​ເປົ່າ​ຕິ້ງ ​ເຊິ່ງມີ​ປະຊາກອນ​ຫລາຍ​ກວ່າ 11 ລ້ານ​ຄົນ ຢູ່​ຫ່າງ​ຈາກ​ນະຄອນຫລວງ​ປັກ​ກິ່ງ​ໄປ​ທາງ​ຕາ​ເວັນ​ຕົກ​ສຽງ​ໃຕ້​ປະມານ 145 ກິ​​ໂລ​ແມັດ.

ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’ - Wave100S AD to Website 2020 0 - ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’

ທາງ​ການ​ຈີນ ລາຍ​ງານ​ຫລ້າ​ສຸດ​ວ່າ: ​ໃນ​ວັນ​ທີ 14 ມິຖຸນາ ພົບ​ຜູ້​ຕິດ​ເຊື້ອ​ໂຄ​ວິດ-19 ​ໃໝ່​ເພີ່ມ 49 ຄົນ ​ໂດຍ​ເກີດ​ຈາກ​ການ​ຕິດ​ເຊື້ອພາຍ​ໃນ​ປະ​ເທດ 39 ຄົນ ​ແລະ ຕິດ​ເຊື້ອຈາກ​ຕ່າງປະ​ເທດ 10 ຄົນ ​ໂດຍ​ຜູ້​ຕິດ​ເຊື້ອ​ໃນ​ປະ​ເທດ 36 ຄົນ​ມາ​ຈາກ​ນະຄອນຫລວງ​ປັກ​ກິ່ງ ​ແລະ ອີກ 3 ຄົນ​ມາ​ຈາກ​ມົນທົນ​​ເຫີ​ເປ່​ຍ ​ເຮັດ​ໃຫ້​ປັດຈຸບັນ​ຍອດສະ​ສົມ​ຜູ້​ຕິດ​ເຊື້ອຢູ່​ຈີນ​ລວມມີ 83.181 ຄົນ.

​ໃນ​ວັນ​ທີ 13 ມິຖຸນາ ​ເທດສະບານ​ນະຄອນ​ປັກ​ກິ່ງ​ສັ່ງ​ປິດ​ຕະຫລາດ “ຊິນ​ຟາ​ຕີ້” ​ເຊິ່ງ​ເປັນ​ຕະຫລາດ​ຂາຍ​ສົ່ງ​ຂະ​ໜາດ​ໃຫຍ່​ທີ່​ສຸດ​ໃນ​ນະຄອນຫລວງ​ປັກ​ກິ່ງ ​ເພື່ອຂ້າ​ເຊື້ອພະຍາດ ຫລັງ​ເຈົ້າໜ້າ​ທີ່​ພົບ​ຜູ້​ຕິດ​ເຊື້ອ​ໂຄ​ວິດ-19 ​ແບບ​ບໍ່​ສະ​ແດງ​ອາການ 46 ຄົນ ​ເຊິ່ງ​ເຊື່ອມ​ໂຍງ​ກັບ​ຕະຫລາດ​ແຫ່ງ​ນີ້.

ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’ - WhatsApp Image 2020 05 27 at 5 - ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’
ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’ - WhatsApp Image 2020 05 27 at 5 - ຈີນປະກາດ ‘ກົດໄອຍະການເສິກ’ ເມືອງຕິດປັກກິ່ງສະກັດ ‘ໂຄວິດຮອບໃໝ່’
error: Alert: ເນື້ອຫາຂ່າວມີລິຂະສິດ !!