ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່

ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່ - 49 8 - ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່
ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່ - Untitled design - ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່

ຫລາຍເມືອງໃນນະຄອນຫຼວງ ປັກກິ່ງ ໄດ້ປະກາດປິດເມືອງ ພາຍຫຼັງພົບເຫັນ 6 ກໍລະນີຕິດເຊື້ອໃໝ່, ປະຊາຊົນມີຄວາມເປັນຫ່ວງ ຢ້ານວ່າຈະກັບມາລະບາດເປັນຄັ້ງທີສອງ.

ປະຊາຊົນໃນ 11 ເຂດຂອງຄຸ້ມ ຟ໊ອງດາຍ ( Feng Tai) ທາງທິດໃຕ້ຂອງນະຄອນຫຼວງ ປັກກິ່ງ ຖືກຫ້າມອອກຈາກເຮືອນ ພາຍຫຼັງພົບເຫັນຜູ້ຕິດເຊື້ອລາຍໃໝ່ ຊຶ່ງສ່ວນຫລາຍແມ່ນພົວພັນກັບຕະຫຼາດຂາຍຊີ້ນແຫ່ງໜຶ່ງໃນເມືອງ.

6 ລາຍທີ່ຕິດເຊື້ອໃໝ່ ໃນປັກກິ່ງ ນັ້ນ, 3 ຄົນ ເປັນພະນັກງານຢູ່ໃນຕະຫຼາດສະໜອງຊີ້ນ Xinfadi, 1 ຄົນແມ່ນຜູ້ທີ່ໄປຕະຫຼາດ ແລະ ອີກ 2 ຄົນ ເປັນພະນັກງານຂອງສູນຄົ້ນຄວ້າຊີ້ນຂອງຈີນ ຊຶ່ງຢູ່ຫ່າງຈາກຕະຫຼາດ 7 ກິໂລແມດ. ປັດຈຸບັນເຈົ້າໜ້າທີ່ໄດ້ປິດຕະຫຼາດສະໜອງຊີ້ນ Xinfadi ພ້ອມກັບຕະຫຼາດຂາຍເຄື່ອງທະເລ Jingshen ໄປແລ້ວ.

ໂຮງຮຽນ 9 ແຫ່ງ, ເຮືອນລ້ຽງເດັກ ແລະ ໂຮງຮຽນປະຖົມ ທີ່ຢູ່ໃກ້ເຂດດັ່ງກ່າວກໍຖືກປິດປະຕູ ແລະ ຫ້າມທຸກການເຄື່ອນໄຫວກິດຈະກຳດ້ານກີລາ ຫຼື ຢູ່-ກິນລວມໝູ່, ທົວທ່ອງທ່ຽວໄປຕ່າງແຂວງກໍຖືກຢຸດຕິລົງ.

ເຈົ້າໜ້າທີ່ຕຳຫຼວດຫລາຍຮ້ອຍນາຍ ຖືກຈັດສົ່ງໄປທີ່ຕະຫຼາດດັ່ງກ່າວ ເພື່ອກວດກາເບິ່ງຊີ້ນປາອາຫານທີ່ທີ່ຂາຍຢູ່ໃນຕະຫຼາດຂາຍເຄື່ອງທະເລ Jingshen.

ເຈົ້າຂອງຕະຫຼາດ Xinfadi ກ່າວວ່າ ເຊື້ອໄວຣັດ ຖືກພົບເຫັນແມ່ນຢູ່ໃນຂຽງ ຄົວປາທູ ນຳເຂົ້າ. ເຈົ້າໜ້າທີ່ກວດກາຕະຫຼາດຂອງ ປັກກິ່ງ ໄດ້ອອກຄຳສັ່ງໃຫ້ ກວດກາຄວາມປອດໄພທາງດ້ານສະບຽງອາຫານທົ່ວທັງນະຄອນຫຼວງ ຊຶ່ງເລັ່ງໃສ່ກວດກາຊີ້ນ, ສັດປີກ, ປາເປັນ ແລະ ປາແຊ່ແຂງຕາມຫ້າງຊັບພະສິນຄ້າ, ສາງ ແລະ ຮ້ານອາຫານຕ່າງໆ ທົ່ວນະຄອນຫຼວງປັກກິງ.

ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່ - Wave100S AD to Website 2020 0 - ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່

ເຄືອຂ່າຍຕະຫຼາດໃຫ່ຍເຊັ່ນ: Wumartແລະ Carrefour ໄດ້ທຳລາຍປາທູແຊ່ແຂງແຮມຄືນທັງໝົດທົ່ວນະຄອນຫຼວງຖິ້ມ. ຮ້ານບໍລິການກິນດຶ່ມໃນປັກກິ່ງ ບໍ່ອະນຸຍາດໃຫ້ຂາຍຊີ້ນປາທູ.

ອຳນາດການປົກຄອງ ປັກກິ່ງ ໄດ້ປະກາດຂະບວນການກວດຫາເຊື້ອທຸກຄົນທີ່ມີສ່ວນກ່ຽວຂ້ອງພົວພັນກັບຕະຫຼາດ Xinfadi ນັບແຕ່ວັນທີ 30 ພຶດສະພາເປັນຕົ້ນມາ. ນັກທຸລະກິດຊີ້ນເກືອບ 2.000 ຄົນ ໃນນະຄອນປັກກິງ ລ້ວນແຕ່ໄດ້ຮັບການກວດຫາເຊື້ອທັງໝມົດ. ຜ່ານການກວດຫາເຊື້ອພົບເຫັນ 46 ຄົນຕື່ມອີກທີ່ຕິດເຊື້ອໃນຕະຫຼາດດັ່ງກ່າວ ແຕ່ປັດຈຸບັນບໍ່ທັນສະແດງອາການອອກມາ ແລະ ຖືກຕິດຕາມອາການຢ່າງໃກ້ສິດຈາກເຈົ້າໜ້າທີ່ແພດໝໍ.

ການລະບາດຂອງພະຍາດໃນຈີນ ຖືວ່າຄວບຄຸມໄດ້ແລ້ວ ຍ້ອນມີການປິດປະຕູເມືອງ ແລະ ປະເທດຢ່າງເຄັ່ງຄັດ ແລະ ຖືກຜ່ອນຜັນໃນໄລຍະມໍ່ໆມານີ້ ໃນເມື່ອການຕິດເຊື້ອຫຼຸດລົງ ແລະ ຜູ້ຕິດເຊື້ອລາຍໃໝ່ສ່ວນຫລາຍແມ່ນມາຈາກຕ່າງປະເທດ.

(ຂ່າວ: ລູກເມືອງພວນ)

ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່ - WhatsApp Image 2020 05 27 at 5 - ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່
ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່ - WhatsApp Image 2020 05 27 at 5 - ປັກກິ່ງ ປິດຫລາຍເມືອງ ເພາະໂຄວິດລະບາດຄັ້ງໃໝ່
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!