ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ

ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - 165 - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ
ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - Untitled design - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ

     ລາວ ​ແລະ ອີກ​ຫລາຍ​ປະ​ເທດ​ທົ່ວ​ໂລກ ​ເລີ່​ມຫລຸດຜ່ອນ​ມາດ​ຕະການ​ລັອກດາວ​ແລ້ວ, ​ແຕ່​ບໍ່​ມີ​ໃຜ​ຕອບ​ໄດ້​ວ່າ: ​ໄວຣັສ​ໂຄ​ໂຣນາສາ​ຍພັນ​ໃໝ່ ຈະ​ກັບ​ມາ​ລະບາດ​ເປັນ​ຮອບ​ທີ​ສອງ ຫລື ບໍ່ ?.

​ໃນ​ວັນ​ທີ 13 ມິຖຸນາ, ນະຄອນຫລວງ​ປັກ​ກິ່ງຂອງ​ຈີນ​ພົບ​ຜູ້​ຕິດ​ເຊື້ອ​ໃໝ່​ທີ່​ແຜ່​ລະບາດ​ກັນ​ເອງ​ໃນ​ປະ​ເທດ​ອີກ 36 ຄົນ ຫລັງ​ຈາກ​ປອດ​ໄວ​ຣັສ​ໂຄ​ໂຣນາສາ​ຍພັນ​ໃໝ່​ມາກ​ວ່າ 50 ວັນ.

ມີ​ລາຍ​ງານ​ວ່າ: ການ​ແຜ່​ລະບາດ​ໃໝ່​ຄັ້ງນີ້​ມີ​ແຫລ່ງທີ່​ມາ​ຈາກ​ຕະຫລາດ​ຊິນ​ຟາ​ຕີ້ ຕະຫລາ​ດຂາຍ​ສົ່ງ​ໃຫຍ່​ທີ່​ສຸດ​ໃນ​ເມືອງ ​ແລະ ພົບ​ຜູ້​ທີ່​ໄດ້​ຮັບ​ການ​ຢືນຢັນ ຫລື ສົງ​ໄສ​ວ່າ​ຕິດ​ເຊື້ອຈາກ​ແຫ​ລ່ງດຽວ​ກັນ​ນີ້​ຢູ່​ມົນທົນ​ຫລຽວ​ໜິງ, ມົນທົນ​ເຫີ​ເປ່​ຍ ​ແລະ ມົນ​ທົນ​ເສ​ສວນ ນຳ​ອີກ.

ສື່​ທ້ອງ​ຖິ່ນ​ລາຍ​ງານ​ວ່າ: ທີ່​ມາ​ຂອງ​ເຊື້ອມາ​ຈາກ​ຂຽງ​ຊອຍ​ປາ​ແຊ​ລມອນ​ນຳ​ເຂົ້າ ​ແລະ ປັດຈຸບັນ ທາງ​ການ​ໄດ້​ສັ່ງ​ປິດ​ຕະຫລາດ​ແຫ່ງ​ນີ້ ລວມທັງ​ເຂດ​ໃກ້​ຄຽງ​ອີກ 11 ​ແຫ່ງ. ນອກຈາກ​ນີ້ ໜັງສືພິມ ​ໂກລບອລທາມ​ຂອງ​ຈີນ​ຍັງ​ລາຍ​ງານ​ອີກ​ວ່າ: ສະຖານ​ຮັບ​ລ້ຽງ​ເດັກ ​ແລະ ​ໂຮງຮຽນ​ໃກ້​ຄຽງ​ຕະຫລາດ​ຕ້ອງ​ເລື່ອນ​ວັນ​ເປີດ​ອອກ​ໄປ.

ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - 112897765 2d65966f d683 43b9 8b71 7722918f382c 300x169 - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ

ສ່ຽງ​ລະບາດ​ຮອບ​ສອງ​ຊໍ່າ​ໃດ ?

​ໄວຣັສ​ແຕ່​ລະ​ສາຍ​ພັນບໍ່​ຄື​ກັນ ​​ເພາະສະນັ້ນບໍ່​ອາດ​ບອກ​ໄດ້​ວ່າ: ​ໄວຣັສ​ໂຄ​ໂຣນາສາ​ຍພັນ​ໃໝ່​ຈະ​ກັບ​ມາ​ລະບາດ​ຢ່າງ​ເຕັມທີ່​ເປັນ​ຮອບ​ທີ​ສອງ ຫລື ບໍ່.

ຢ້ອນ​ກັບ​ໄປ​ເມື່ອ​ສະຕະວັດ​ຜ່ານ​ມາ ​ເຊື່ອ​ກັນ​ວ່າການ​ລະບາດ​ຂອງ​ໄຂ້ຫວັດ​ໃຫຍ່​ສະ​ເປ​ນຮອບ​ທີ​ສອງ​ເຮັດ​ໃຫ້​ຄົນ​ເສຍ​ຊີວິດ​ຫລາຍ​ກວ່າ​ຮອບ​ທຳ​ອິດ​ຫລາຍ, ​ແນ່ນອນ​ວ່າ​ສ່ວນ​ໜຶ່ງ​ເປັນ​ຍ້ອນ​ເຕັກ​ໂນ​ໂລ​ຊີ​ການ​ແພດ ​ແລະ ການ​ສື່ສານ​ສູ້​ປັດຈຸບັນ​ບໍ່​ໄດ້.

​ໂດຍ​ລວມ​ແລ້ວ ​ເຮົາ​ສາມາດ​ປ້ອງ​ກັນ​ບໍ່​ໃຫ້​ເກີດ​ການລະບາດ​ຂອງ​ພະຍາດ​ຊາຣ໌ສ (SARS) ​ແລະ ພະຍາດ​ເມີຣ໌ສ (MERS) ຮອບ​ທີ​ສອງ​ໄດ້, ​ແຕ່​ສ່ວນ​ໜຶ່ງ​ເປັນ​ຍ້ອນ​ພະຍາດ​ເຫລົ່ານັ້ນບໍ່​ໄດ້​ແຜ່​ລະບາດ​ໄດ້​ງ່າຍ​ເທົ່າ​ກັບ​ໂຄ​ວິດ-19, ສ່ວນ​ພະຍາດ​ໄຂ້ຫວັດ​ໝູ (swine flu) ​ໃນ​ປີ 2009 ມີ​ການລະບາດ​ຮອບ​ທີ​ສອງ.

ນີ້​ເປັນ​ເລື່ອງ​ທີ່​ຄາດ​ເດົາ​ໄດ້​ຍາກ ​ເນື່ອງ​ຈາກ​ເຮົາ​ຍັງ​ບໍ່​ຮູ້​ວ່າ​ຄົນ​ທີ່​ເປັນ​ພະຍາດ​ໂຄ​ວິດ-19 ​ແລະ ປິ່ນປົວ​ຫາຍ​ດີ​ແລ້ວ ຈະ​ມີ​ພູມ​ຄຸ້ມ​ກັນ​ຈາກ​ພະຍາດ​ດົນ​ເທົ່າ​ໃດ ​ແລະ ​ໄວຣັສຈະ​ປ່ຽນ​ແປງ​ວິທີ​ການ​ແຜ່​ລະບາດ ຫລືບໍ່ ​ເມື່ອ​ປ່ຽນ​ລະດູ. ຜູ້​ຊ່ຽວຊາ​ນບາງ​ຄົນ​ອອກ​ມາ​ເຕືອນ​ວ່າອາດ​ເກີດ​ການລະບາດ​ຮອບ​ທີ​ສອງ​ເມື່ອ​ອາ​ເມ​ລິ​ກາ ​ແລະ ປະ​ເທດ​ໃນ​ເອີຣົບ​ເຂົ້າສູ່​ລະດູ​ໜາວ.

ນອກຈາກ​ນີ້ ຜູ້​ຊ່ຽວຊານ​ຍັງ​ຕ້ອງ​ເຝົ້າສັງ​ເກດ​ຢ່າງ​ໃກ້ຊິດ​ອີກ​ວ່າ: ​ໄວຣັສາມາດ​ກາຍພັນ​ໄດ້ ຫລື ບໍ່.

ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - Wave100S AD to Website 2020 0 - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ

ຢູ່​ຝຣັ່ງ ​ເຊິ່ງຫລຸດຜ່ອນ​ມາດ​ຕະການ​ລັອກດາວ​ເກືອບ​ທົ່ວ​ປະ​ເທດ​ແລ້ວ, ປະທານາທິບໍດີ ​ເອັມມາ​ນູ​ເອລ ມາຄຣົງ ບອກ​ວ່າ: ປະ​ເທດ “​ໄດ້​ຮັບ​ໄຊຊະນະ​ຄັ້ງທຳ​ອິດ” ​ເໜືອ​ພະຍາດ​ໂຄ​ວິດ-19 ​ແຕ່​ເຕືອນ​ວ່າ: “ນີ້​ບໍ່​ໄດ້​ໝາຍ​ຄວາມ​ວ່າ​ໄວຣັສ​ໄດ້​ຫາຍ​ໄປ​ແລ້ວ ​ແລະ ​ເຮົາ​ເລີກ​ລະມັດລະວັງ​ໄດ້”.

ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - 112895869 445986be fecc 49af 864e b86a9cae0028 300x169 - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ

ບົດຮຽນ​ຈາກ​ປະ​ເທດ​ອື່ນ

ຢູ່​ຍີ່ປຸ່ນ ມີ​ລາຍ​ງາ​ນຂ່າວ​ວ່າ​ພົບ​ການ​ຕິດ​ເຊື້ອ​ໄວຣັສ​ໂຄ​ວິດ-19 ຮອບ​ໃໝ່​ຢູ່​ນະຄອນຫລວງ​ໂຕ​ກຽວ 47 ຄົນ ​ເປັນ​ກຸ່ມ​ຜູ້ກ່ຽວ​ຂ້ອງ​ກັບ​ແຫ​ລ່ງສະຖານ​ບັນ​ເທີ​ງ​ໃນ​ເຂດ​ຊິນ​ຈູ​ກຸ, ​ແຕ່​ນະຄອນຫລວງ​ໂຕ​ກຽວ​ຈະ​ບໍ່​ສັ່ງ​ປິດ​ແຫ​ລ່ງທ່ອງ​ທ່ຽວ​ກາງຄືນ ​​ແຕ່​ຈະ​ຍັງ​ກວດ​ຫາ​ເຊື້ອ ​ແລະ ​ເຝົ້າລະວັງ​ສະຖານະ​ການ​ຕໍ່​ໄປ.

ຢູ່​ອົດ​ສະຕຣາລີ ພົບ​ຜູ້ຕິດ​ເຊື້ອ​ໃໝ່​ໃນ​ທ້ອງ​ຖິ່ນ​ຄົນ​ທຳ​ອິດ​ວັນ​ທີ 13 ມິຖຸນາ ຫລັງ​ຜູ້​ຕິດ​ເຊື້ອ​ໃໝ່​ຫລຸດ​ລົງ​ເປັນ​ສູນ​ນັບ​ແຕ່​ທ້າຍ​ເດືອນ​ພຶດສະພາ ​ໂດຍ​ໜ່ວຍ​ງານ​ສາທາລະນະ​ສຸກ​ໃນ​ພື້ນທີ່​ຢືນຢັນ​ວ່າ: ຜູ້​ຊາຍ​ຄົນ​ດັ່ງກ່າວ​ບໍ່​ເຄີຍ​ໄປ​ຮ່ວມ​ການ​ຊຸມນຸມ​ປະ​ທ້ວງ​ຢູ່​ນະຄອນ​ຊິດ​ນີ ​ແລະ ​ໄວຣັສອາດ​ຈະ​ຍັງ​ແຝງ​ຢູ່​ໃນ​ຊຸມ​ຊົນ ​ໂດຍ​ມີ​ຜູ້​ທີ່​ມີ​ອາການ​ເລັກ​ໜ້ອຍ ຫລື ບໍ່​ມີ​ອາການ​ເປັນ​ພາຫະ​ແຜ່​ເຊື້ອ​ໄປ​ສູ່​ບຸກຄົນ​ອື່ນ​ໄດ້.

​ເຈນ​ນິ​ເຟີ ຣອນ ນັກ​ຊີວະ​ພາບ​ຈຸ​ລັງ​ຈາກ​ຢູນິ​ເວີ​ຊິ​ຕີ້ ຄອລ​ເລດ ລອນ​ດອນ (ຢູຊີ​ແອ​ລ) ບອກ​ວ່າ: ການລະບາດ​ຮອບ​ສອງ​ບໍ່​ແມ່ນ​ຄຳ​ຖາມ​ວ່າ​ຈະ​ເກີດ​ຂຶ້ນ “ຫລື​ບໍ່” ​ແຕ່​ຈະ​ເກີດ​ຂຶ້ນ “ຕອນ​ໃດ” ​ແລະ “ຮ້າຍ​ແຮງ​ຊໍ່າ​ໃດ” ຕ່າງຫາກ.

​ເຖິງ​ວ່າ ສ.​ເກົາຫລີ ​ເຊິ່ງມີ​ຍຸດ​ທະ​ສາດ​ຮັບ​ມື​ຢ່າງ​ມີ​ປະສິດທິພາບ, ມີ​ລະບົບການກວດ​ເຊື້ອ ​ແລະ ຕາມ​ຮອຍ​ຜູ້​ຕິດ​ເຊື້ອທີ່​ດີ ຍັງ​ພົບ​ການລະບາດ​ຄັ້ງ​ໃໝ່ ​ໃນ​ວັນ​ທີ 12 ພຶດສະພາ ພົບ​ຜູ້​ຕິດ​ເຊື້ອ​ໃໝ່​ຢູ່​ນະຄອນຫລວງ​ເຊ​ອຸນ ​​ຂອງ ສ.​ເກົາຫລີ ຫລັງ​ຈາກ​ບໍ່​ພົບ​ຜູ້​ຕິດ​ເຊື້ອ​ໃໝ່​ໃນ​ປະ​ເທດ​ມາ​ຫລາຍ​ອາທິດ ​ໂດຍ​ລວມ​ແລ້ວ​ມີ​ຜູ້​ຕິດ​ເຊື້ອ​ເກືອບ 300 ຄົນ​ ​ເຊິ່ງລ້ວນ​ແຕ່​ແຜ່​ລະບາດ​ມາ​ຈາກອິ​ແທວ​ອນ ​ເຂດ​ທ່ອງ​ທ່ຽວ​ກາງຄືນ​ຍອດ​ນິຍົມ​ໃນ​ນະຄອນຫລວງ​ເຊ​ອຸນ.

ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - 111815543 gettyimages 1207642909 300x169 - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ

​ເກາະ​ຮອກ​ໄກ​ໂດ​ຂອງ​ຍີ່ປຸ່ນ​ເປັນ​ບ່ອນ​ທຳ​ອິດ​ທີ່​ທາງ​ການ​ຍີ່ປຸ່ນ​ປະກາດ​ໃຊ້​ມາດ​ຕະການລັອກດາວ​ໃນ​ທ້າຍ​ເດືອນ​ກຸມພາ ກ່ອນ​ຈຳນວນ​ຜູ້​ຕິດ​ເຊື້ອຈະ​ຫລຸດ​ລົງ​ເຫລືອ​ພຽງ​ໜຶ່ງ​ຫາ​ສອງ​ຄົນ​ຕໍ່​ວັນ​ໃນ​ກາງ​ເດືອນ​ມີນາ. ມາດ​ຕະການ​ຂອງ​ລັດ​ໄດ້ຜົນ​ຈົນ​ມີ​ການ​ຍົກ​ເລີກ​ປະກາດ​ສະຖານະ​ການ​ສຸກ​ເສີນ ​ແລະ ຮອດ​ເດືອນ​ເມສາ ກໍ​ມີ​ການ​ໃຫ້​ໂຮງຮຽນ​ກັບ​ມາ​ເປີດ​​ໄດ້.

​ເຖິງ​ຢ່າງ​ໃດ​ກໍ​ດີ, ບໍ່​ຮອດ​ເດືອນ​ຕໍ່​ມາ ທາງ​ການ​ຕ້ອງ​ປະກາດ​ສະຖານະ​ການ​ສຸກ​ເສີນ​ອີກ​ເທື່ອ​ໜຶ່ງ ຫລັງ​ມີ​ການ​ກັບ​ມາ​ລະບາດຮອບ​ທີ​ສອງ ​ໂດຍ​ມີ​ຜູ້​ຕິດ​ເຊື້ອ​ໃໝ່​ຢ່າງ​ໜ້ອຍ 135 ຄົນ ​ແລະ ບໍ່​ມີຫລັກ​ຖານ​ວ່າ​ເປັນ​ການ​ນຳ​ເຊື້ອມາ​ແຜ່​ລະບາດ​ໂດຍ​ຄົນ​ທີ່​ເດີນທາງ​ມາ​ຈາກ​ນອກ​ຍີ່ປຸ່ນ​ຄື​ກັບ​ການລະບາດ​ຮອບ​ທຳ​ອິດ.

ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - WhatsApp Image 2020 05 27 at 5 - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ
ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ - WhatsApp Image 2020 05 27 at 5 - ແຕ່ລະປະເທດຮັບມືແນວໃດ ເມື່ອໄວຣັສ ໂຄໂຣນາສາຍພັນໃໝ່ກັບມາລະບາດອີກ
error: Alert: ເນື້ອຫາຂ່າວມີລິຂະສິດ !!