ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020

ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020 - 166 - ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020
ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020 - Untitled design - ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020

ສະພາການຄ້າ ແລະ ອຸດສາຫະກຳ ແຫ່ງຊາດລາວ ໃນນາມສະພາທີ່ປຶກສາທຸລະກິດອາ ຊຽນລາວ ໄດ້ຮ່ວມກັບໂຄງການ RELATED ຂອງ GIZ ປະຈຳລາວ ຈະຈັດງານຊິງລາງວັນທຸລະກິດອາ ຊຽນດີເດັ່ນ ແຫ່ງ ສປປ ລາວ 2020 ຫລື (ASEAN Business Award Laos 2020 – ABA Laos) ຂຶ້ນ ໂດຍແນໃສ່ຊົມເຊີຍນັກທຸລະກິດລາວ ທີ່ມີຜົນງານດີເດັ່ນ ແລະ ໃຫ້ພວກເຂົາເປັນແບບຢ່າງເພື່ອເຜີຍແຜ່ຄວາມຮູ້ ໃນການເຮັດທຸລະກິດໃຫ້ປະຊາຄົມເສດຖະກິດອາຊຽນ.

ພິທີຖະແຫລງຂ່າວ ໄດ້ຈັດຂຶ້ນທີ່ນະຄອນຫລວງວຽງຈັນ ໃນວັນທີ 16 ມິຖຸນາ 2020 ໂດຍການເຂົ້າຮ່ວມຂອງ ທ່ານ ທະນົງສິນ ກັນລະຍາ ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ, ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ນາງ ຢັນ ເຊິນ ທີ່ປຶກສາແຜນງານເຊື່ອມໂຍງເສດຖະກິດອາຊຽນຂອງ ສປປ ລາວ ເພື່ອການພັດທະນາດ້ານທຸລະກິດ ແລະ ການຄ້າ (RELATED) ແລະ ພາກສ່ວນທີ່ກ່ຽວຂ້ອງ.

ໂອກາດດັ່ງກ່າວ, ທ່ານ ທະນົງສິນ ກັນລະຍາ ກ່່າວວ່າ: ງານຊິງລາງວັນທຸລະກິດອາຊຽນດີເດັ່ນ ແຫ່ງ ສປປ ລາວ 2020 ເປັນງານມອບລາງວັນທີ່ເປີດກ້ວາງ ຕໍ່ສະມາຊິກສະພາການຄ້າ ແລະ ອຸດ ສາຫະກຳແຫ່ງຊາດລາວ ແລະ ທຸກໆຫົວໜ່ວຍທຸລະກິດໃນຂອບເຂດທົ່ວປະເທດຂອງລາວ ທີ່ດຳເນີນທຸ ລະກິດຖືກຕ້ອງຕາມກົດໝາຍ, ບໍ່ວ່ານ້ອຍ ຫລື ໃຫຍ່ ກໍສາມາດສົ່ງເຂົ້າສະໝັກແຂ່ງຂັນເອົາລາງວັນໄດ້.

ທຸລະກິດທີ່ຊະນະເລີດໄດ້ຮັບລາງວັນຈາກ ABA Lao 2020 ຈະຖືກສົ່ງສະໝັກເຂົ້າແຂ່ງຂັນຕໍ່ໃນລະດັບອາຊຽນ ເຊິ່ງຈະໄດ້ພົບກັບບັນດາຫົວໜ່ວຍທຸລະກິດທີ່ມີຊື່ສຽງໃນລະດັບພາກພື້ນ, ເຊິ່ງການປະກາດຜົນຜູ້ທີ່ໄດ້ຮັບລາງວັນລະດັບພາກພື້ນ ແມ່ນຈະໄດ້ຈັດຂຶ້ນໃນໄລຍະການຈັດກອງກອງປະຊຸມສຸດຍອດທຸລະກິດ ແລະ ການລົງທຶນອາຊຽນ ແລະ ກອງປະຊຸມສຸດຍອດອາຊຽນ ຄັ້ງທີ 36 ປີ 2020 ທີ່ ປະເທດຫວຽດນາມ.

ປະເພດລາງວັນສຳລັບປີ 2020 ປະກອບມີ 3 ປະເພດ ເຊັ່ນ: ຂະແໜງບູລິມະສິດດີເດັ່ນປະກອບມີ 12 ຂະແໜງການ ເຊັ່ນ: ຂະແໜງກະສິກຳ, ຂະແໜງພະລັງງານ, ຂະແໜງປະມົງ, ຂະແໜງປຸງແຕ່ງອາຫານ ແລະ ເຄື່ອງດື່ມ, ຂະແໜງຫັດຖະກຳ, ຂະແໜງ ICT, ຂະແໜງພື້ນຖານໂຄງລ່າງ, ຂະ  ແໜງຕັດຫຍິບ, ຂະແໜງທ່ອງທ່ຽວ, ຂະແໜງຂົນສົ່ງ ແລະ ໂລຈິດຕິກ, ຂະແໜງຂາຍຍົກ/ຂາຍຍ່ອຍ ແລະ ຂະແໜງຜະລິດຕະພັນໄມ້.

ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020 - Wave100S AD to Website 2020 0 - ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020

ສຳລັບລາງວັນຂະແໜງທຸລະກິດ SME ດີເດັ່ນ ປະກອບມີ 5 ຂະແໜງການ ເຊັ່ນ: ລາງວັນການຂະຫຍາຍໂຕທຸລະກິດດີເດັ່ນ, ການຈ້າງງານດີເດັ່ນ, ນະວັດຕະກຳດີເດັ່ນ, ການປະກອບສ່ວນຕໍ່ສັງຄົມ ແລະ ລາງວັນການນຳໃຊ້ດີຈີຕອນດີເດັ່ນ (ລາງວັນເພີ່ມໃໝ່) ແລະ ສຸດທ້າຍແມ່ນລາງວັນພິເສດ ປະກອບມີ 7 ປະເພດລາງວັນ ເຊັ່ນ: ລາງວັນເພື່ອນມິດ ສປປ ລາວ ດີເດັ່ນ, ລາງວັນທຸລະກິດຄອບຄົວດີເດັ່ນ, ລາງວັນທຸລະກິດເພື່ອສັງຄົມແບບຍືນຍົງ, ລາງວັນທຸລະກິດສີຂຽວ, ລາງວັນທຸລະກິດລິເລີ່ມ, ລາງວັນນັກ ທຸລະກິດໜຸ່ມດີເດັ່ນ ແລະ ລາງວັນຜູ້ປະກອບການແມ່ຍິງດີເດັ່ນ.

ສຳລັບພິທີມອບລາງວັນທຸລະກິດອາຊຽນດີເດັ່ນ ແຫ່ງ ສປປ ລາວ 2020 ຈະໄດ້ຈັດຂຶ້ນທີ່ນະ ຄອນຫລວງວຽງຈັນ ໃນວັນທີ 18 ກັນຍາ 2020 ເຊິ່ງການມອບລາງວັນສໍາລັບປີ 2020 ນີ້ ເປັນການສ້າງແຮງບັນດານໃຈ ໃຫ້ແກ່ຫົວໜ່ວຍທຸລະກິດລາວ ທີ່ທຸ້ມເທເຫື່ອແຮງສະຕິປັນຍາ ແລະ ອື່ນໆ ຕະ ຫລອດ ປີ 2020 ແລະ ຫລາຍປີຜ່ານມາ. ນອກນັ້ນ, ຍັງເປັນການເຕົ້າໂຮມຫົວໜ່ວຍທຸລະກິດໃນ ສປປ ລາວ ເພື່ອປະກອບສ່ວນເຂົ້າໃນຂະບວນສ້າງສາພັດທະນາ ການເຊື່ອມໂຍງເສດຖະກິດກັບອາຊຽນ ແລະ ເປັນບາດກ້າວສໍາຄັນ ໃນການເຂົ້າສູ່ຕະຫລາດເພື່ອນບ້ານ, ຕະຫລາດອາຊຽນ ແລະ ຕະຫລາດໂລກອີກດ້ວຍ.

ຜູ້ທີ່ສົນໃຈສາມາດຕິດຕໍ່ພົວພັນທີ່ (+85620 5256 2729 ແລະ +85620 5528 9996), ຫລື www.lncci.la/aba2020 ແລະ ຍື່ນແບບຟອມສະໝັກຜ່ານທາງອີເມວ [email protected] ຈົນຮອດວັນທີ 14 ສິງຫາ 2020.

ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020 - WhatsApp Image 2020 05 27 at 5 - ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020
ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020 - WhatsApp Image 2020 05 27 at 5 - ເປີດແລ້ວງານຊິງລາງວັນທຸລະກິດ ອາຊຽນດີເດັ່ນ ແຫ່ງ ສປປ ລາວ 2020
error: Alert: ເນື້ອຫາຂ່າວມີລິຂະສິດ !!