ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ

ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ - 167 - ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ
ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ - AGL banner - ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ

ໃນວັນທີ 16 ມິຖຸນາ 2020, ທ່ານ ຄໍາໄຕ ສີພັນດອນ ອະດີດປະທານປະເທດ ແຫ່ງ ສປປ ລາວ ໄດ້ເຄື່ອນໄຫວຢ້ຽມຢາາມ ແລະ ເຮັດວຽກຢູ່ເມືອງສະໜາມໄຊ ແຂວງອັດຕະປື, ໃຫ້ການຕ້ອນຮັບໂດຍທ່ານ ເລັດ ໄຊຍະພອນ ເຈົ້າແຂວງອັດຕະປື.

ໂອກາດດັ່ງກ່າວ, ທ່ານ ຄໍາໄຕ ສີພັນດອນ ອະດີດປະທານປະເທດ ກໍໄດ້ເຂົ້າຮ່ວມເຮັດວຽກກັບການນໍາຂອງແຂວງ ແລະ ການນໍາຂອງເມືອງສະໜາມໄຊ ໂດຍທ່ານໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານ ລວມທັງສະພາບການຟື້ນຟູໄພພິບັດຢູ່ເມືອງສະໜາມໄຊຈາກເຫດຄູສັນເຂື່ອນໄຟຟ້າເຊປຽນ-ເຊນໍ້ານ້ອຍແຕກ ເມື່ອທ້າຍປີ 2018 ຜ່ານມາ. ປັດຈຸບັນໄດ້ສໍາເລັດການປະກາດ ແລະ ເຕົ້າໂຮມບ້ານນ້ອຍເປັນບ້ານໃຫຍ່ ແລະ ໄດ້ຈັດກຸ່ມການຜະລິດເປັນສິນຄ້າ ແລະ ວຽກງານກໍໄດ້ຮັບການຈັດຕັ້ງປະຕິບັດຢ່າງມີຜົນສໍາເລັດເປັນກ້າວໆ.

ຈາກນັ້ນ, ທ່ານ ຄຳໄຕ ສີພັນດອນ ໄດ້ເນັ້ນໜັກໃຫ້ອໍານາດການປົກຄອງແຂວງ ແລະ ເມືອງສະໜາມໄຊໃຫ້ຖືສຳຄັນ ໂດຍສະເພາະຖືເອົາການສຶກສາອົບຮົມການເມືອງແນວຄິດໃຫ້ຖັນແຖວພະນັກງານຂັ້ນຮາກຖານບ້ານ ຕະຫລອດຮອດປະຊາຊົນບັນດາເຜົ່າໃຫ້ເຂົາເຈົ້າເຊື່ອມຊຶມແນວຄິດການເມືອງຢ່າງເລິກເຊິ່ງ, ມີຄວາມຈົງຮັກພັກດີຕໍ່ປະເທດຊາດບ້ານເມືອງ ແລະ ຕໍ່ປະຊາຊົນ ເຮັດໃຫ້ປະຊາຊົນເຊື່ອໝັ້ນຕໍ່ການນໍາພາຂອງພັກ ແລະ ລັດ, ສ້າງໃຫ້ປະຊາຊົນມີຄວາມຮຸ່ງເຮືອງສີລິໄລມັ່ງຄັ່ງເຂັ້ມແຂງ, ມີຄວາມສະຫງົບປອດໄພ ຕິດພັນກັບການສ້າງປະຖົມປັດໄຈເອື້ອອຳນວຍໃຫ້ແກ່ການຜະລິດແບບສະຫະກອນ ແລະ ກາຍເປັນສິນຄ້າສົ່ງອອກໃຫ້ເປັນບວນການຟົດຟື້ນ.

ໃນໂອກາດເຄື່ອນໄຫວຢ້ຽມຢາມເມືອງສະໜາມໄຊ, ທ່ານອະດີດປະທານປະເທດ ກໍໄດ້ເຄື່ອນໄຫວຢ້ຽມຢາມປະຊາຊົນຢູ່ສູນພັກຊົ່ວຄາວຜູ້ປະສົບໄພພິບັດ ແລະ ໄປເບິ່ງຈຸດການຜະລິດກະສິກໍາຂອງປະຊາຊົນນໍາອີກ.

ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ -    AD conten website - ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ
ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ - lattana banner - ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ
ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ - lattana banner 1 - ອະດີດປະທານປະເທດຢ້ຽມຢາມ ແລະ ເຮັດວຽກຢູ່ເມືອງສະໜາມໄຊ
error: Alert: ເນື້ອຫາຂ່າວມີລິຂະສິດ !!