ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ

ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ - 175 - ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ
ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ - Untitled design - ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ

ປັດຈຸບັນ ການດຳເນີນໂຄງການກໍ່ສ້າງທາງດ່ວນວຽງຈັນ ໝາຍເລກ 1 ໄດ້ມີຄວາມຄືບໜ້າຫລາຍວຽກ ເປັນຕົ້ນວຽກງານໄກ່ເກ່ຍ ແລະ ບຸກເບີກ ປະຕິບັດໄດ້ 9,33%, ວຽກຖົມດິນ 2,81%, ວຽກອອກແບບໄດ້ລົງກວດກາສະໜາມຕົວຈິງ ແລະ ອື່ນໆ.

ທ່ານ ພູຂົງ ບັນນະວົງ ຮອງເຈົ້າຄອງ, ຫົວໜ້າພະແນກແຜນການ ແລະ ການລົງທຶນນະຄອນຫລວງວຽງຈັນ ໄດ້ລົງຕິດຕາມກວດກາການປະຕິບັດໂຄງການດັ່ງກ່າວຢູ່ບໍລິເວນຈຸດວາງທໍ່ຮ່ອງລະບາຍນໍ້າ ບ້ານຮ່ອງສຸພາບ ແລະ ບ້ານໂຊກໃຫຍ່ ເມືອງໄຊເສດຖາ (ເຂດເສັ້ນທາງຕັດໃໝ່ 450 ປີ) ຊຶ່ງເປັນຈຸດເຊື່ອມຕໍ່ ແລະ ຈະມີການສ້າງເປັນຂົວຂ້າມຕັດຜ່ານເສັ້ນທາງ 450 ປີ ອາດມີຄວາມສ່ຽງທີ່ຈະກໍ່ໃຫ້ເກີດມີນໍ້າຖ້ວມຂັງໃນການດຳເນີນໂຄງການກໍ່ສ້າງທາງດ່ວນດັ່ງກ່າວ ເນື່ອງຈາກວ່າໄດ້ຖົມດິນ ແລະ ວາງທໍ່ລະບາຍນໍ້າໃຫ້ລົດຂອງໂຄງການແລ່ນຜ່ານໄປ-ມາຊົ່ວຄາວ ເຊິ່ງອາດມີຄວາມສ່ຽງທີ່ຈະບໍ່ສາມາດ ຮອງຮັບນໍ້າໃນເວລາມີຕົກໜັກຕິດຕໍ່ກັນຫລາຍວັນ ແລະ ອາດເຮັດໃຫ້ນໍ້າໄຫລອອກບໍ່ທັນ ກາຍເປັນນໍ້າຖ້ວມຂັງ ແລະ ອາດຈະສ້າງຄວາມເສຍຫາຍໃຫ້ແກ່ການດຳລົງຊີວິດຂອງປະຊາຊົນໃນເຂດດັ່ງກ່າວ. ດັ່ງນັ້ນ ໃນເບື້ອງຕົ້ນ ຮອງງເຈົ້າຄອງ ໄດ້ສະເໜີໃຫ້ພະແນກໂຍທາທິການ ແລະ ຂົນສົ່ງນະຄອນຫລວງ ປະສານກັບອຳນາດການປົກຄອງເມືອງໄຊທານີ ໃຫ້ນຳເອົາຂົວເກົ່າທີ່ຮື້ຖອນອອກຈາກຂົວຫ້ວຍນໍ້າເຄັມ ເມືອງໄຊທານີ ມາປ່ຽນແທນໃສ່ ເພື່ອຮັບປະກັນໃຫ້ນໍ້າສາມາດໄຫລສະດວກໃນໄລຍະລະດູຝົນນີ້. ພ້ອມນີ້, ທ່ານ ພູຂົງ ບັນນະວົງ ຍັງໄດ້ຊີ້ນໍາໃຫ້ອໍານາດການປົກຄອງເມືອງໄຊເສດຖາ ປະສານກັບພາກສ່ວນກ່ຽວຂ້ອງເລັ່ງແກ້ໄຂການບຸກລຸກທີ່ຖົມດິນກວມເອົາຂອບເຂດສະຫງວນທາງຢູ່ບໍລິເວນດັ່ງກ່າວ ທີ່ໄດ້ມີການຈົກ ແລະ ຖົມດິນອອກມາຕິດກັບເຂດສະຫງວນທາງ ເຮັດໃຫ້ການດຳເນີນໂຄງການມີຄວາມຫຍຸ້ງຍາກ. ບັນຫານີ້ໃຫ້ເລັ່ງແກ້ໄຂດ່ວນ ເພື່ອເຮັດໃຫ້ການດຳເນີນໂຄງການສໍາເລັດຕາມແຜນການທີ່ວາງໄວ້.

ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ - Wave100S AD to Website 2020 0 - ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ
ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ - WhatsApp Image 2020 05 27 at 5 - ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ
ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ - WhatsApp Image 2020 05 27 at 5 - ນະຄອນຫລວງ ເລັ່ງແກ້ໄຂບັນຫາ ຮ່ອງລະບາຍນໍ້າໂຄງການທາງດ່ວນ
error: Alert: ເນື້ອຫາຂ່າວມີລິຂະສິດ !!