ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ

ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ - 178 - ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ
ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ - Untitled design - ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ

ຮອງເຈົ້າແຂວງແຂວງຫຼວງນໍ້າທາ ທັງເປັນຫົວໜ້າສະເພາະກິດຕ້ານການແຜ່ລະບາດຂອງພະຍາດໂຄວິດ-19 ໃຫ້ສໍາພາດໃນວັນທີ 16 ມິຖຸນານີ້ວ່າ: ຍ້ອນຫຍັງການຕ້ານພະຍາດຮ້າຍດັ່ງກ່າວຈິ່ງມີຜົນສຳເລັດຢູ່ບັນດາແຂວງພາກເຫນືອຂອງລາວ, ໃນຂະນະທີ່ຫລາຍແຂວງດັ່ງກ່າວມີຊາຍແດນຕິດຈອດກັບ ບັນດາປະເທດທີ່ມີການລະບາດຂອງພະຍາດໂຄວິດ-19 ຢ່າງຮ້າຍແຮງ, ທັງນີ້ກໍເນື່ອງຈາກໄດ້ຮັບການຮ່ວມມືຢ່າງສະຫນິດແຫນ້ນຈາກປະຊາຊົນ ແລະ ພາກສ່ວນຕ່າງໆໃນການປະຕິບັດມາດຕະການສະກັດກັ້ນ ແລະ ປ້ອງກັນທີ່ລັດຖະບານ ກໍຄືຄະນະສະເພາະກິດວາງອອກ ໂດຍສະເພາະແມ່ນໄດ້ເພີ່ມທະວີການການກວດກາຢູ່ຈຸດຜ່ານແດນຕ່າງໆທັງພາຍໃນ ແລະ ຕໍ່ຕ່າງປະເທດ ລວມທັງຫມົດ 24 ຈຸດດ້ວຍກັນ ແລະ ລະຫວ່າງບ້ານຕໍ່ບ້ານ ເພື່ອກວດກາກັ່ນຕອງລວມມີ 354 ຈຸດ ໂດຍໄດ້ມອບໃຫ້ບ້ານເປັນຜູ້ຈັດຕັ້ງປະຕິບັດ ແລະ ພາຍຫຼັງໄດ້ວາງແຜນກໍານົດຈຸດຕ່າງໆແລ້ວກໍໄດ້ສົ່ງທີມງານແພດຂັ້ນແຂວງ ແລະ ເມືອງລົງເຮັດວຽກຕົວຈິງຢູ່ໃນເຂດດັ່ງກ່າວ ເພື່ອແນະນໍາວິທີການຈັດຕັ້ງປະຕິບັດໃຫ້ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າໃນຈຸຸດຫຼໍ່ແຫຼມ ແລະ ໄດ້ມອບຄວາມຮັບຜິດຊອບໃຫ້ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຂອງແຂວງ ແລະ ເມືອງເຜີຍແຜ່ຂໍ້ມູນຂ່າວສານໃນການປ້ອງກັນ ແລະ ໃຊ້ສື່ວິທະຍຸ, ໂທລະພາບ ແລະ ໂທລະໂຄ່ງເຮັດການໂຄສະນາຕໍ່ປະຊາຊົນເຜົ່າໃຫ້ກວ້າງຂວາງ ແລະ ທົ່ວເຖິງ ເພື່ອເຂົາເຈົ້າໄດ້ເປັນເຈົ້າການໃນການປ້ອງກັນໂຕເອງ ແລະ ຄອບຄົວ ກໍຄືຊຸມຊົນ. ນອກຈາກນັ້ນ ກໍໄດ້ມອບໝາຍໃຫ້ເຈົ້າໜ້າທີ່ເຝົ້າລະວັງຄົນເຂົ້າ-ອອກເມືອງໃຫ້ເຂັ້ມງວດ ແລະ ມີການກວດກາວັດແທກອຸນຫະພູມຢ່າງເຄັ່ງຄັດ ແລະ ຖ້າມີກໍລະນີສົງ​ໄສກໍໄດ້ຈຳກັດບໍລິເວນເປັນເວລາ 14 ວັນຕາມຫລັກການການແພດຢ່າງເຄັ່ງຂັດເປັນໄລຍະຕົ້ນ. ຈາກນັ້ນກໍໄດ້ເພີ່ມທະວີຄວາມເຂັ້ມງວດຂຶ້ນຕື່ມ ເພື່ອເຮັດໃຫ້ວຽກງານປ້ອງກັນ ແລະ ສະກັດກັ້ນພະຍາດນີ້ມີປະສິດທິຜົນສູງຂຶ້ນ, ພ້ອມກັນນັ້ນ, ກໍໄດ້ເອກະພາບກັນກ່ຽວກັບຈຸດກັ່ນຕອງຄົນເຂົ້າ-ອອກ ມີທັງຫມົດ 19 ຈຸດ ແລະ ໄດ້ປິດດ່ານປະເພນີ ແລະ ປິດການສັນຈອນລະຫວ່າງບ້ານຕໍ່ບ້ານ, ໄດ້ສັ່ງໂຈະການຈັດງານດອງ, ງານລ້ຽງສ້າງສັນຕ່າງໆ, ປິດຮ້ານອາຫານ, ຮ້ານກິນດື່ມ, ຮ້ານບັນເທີງ ແລະ ໄດ້ມີການປ້ອງກັນຢ່າງເຂັ້ມງວດໄດ້ກໍານົດເອົາໂຮງຮຽນຢູ່ແຕ່ລະເມືອງເປັນບ່ອນກັກແຮງງານຈາກບ່ອນສ່ຽງທີ່ເຂົ້າມາລາວຢ່າງເຂັ້ມງວດ, ສືບຕໍ່ປິດດ່ານປະເພນີ, ດ່ານທ້ອງຖິ່ນສໍາລັບບຸກຄົນທົ່ວໄປ ແລະ ອະນຸຍາດໃຫ້ພຽງລົດຂົນສົ່ງສິນຄ້າເຂົ້າມາເທົ່ານັ້ນ ແລະ ໄດ້ເອົາໃຈໃສ່ໃນການຄົ້ນຄວ້າຕິດຕາມກວດກາການສະເໜີຂອງບໍລິສັດ ແລະ ອົງການຈັດຕັ້ງຕ່າງໆ ໂດຍສະເພາະ ສປ ຈີນ ທີ່ມາເຮັດວຽກໃນລາວ ຕາມຂັ້ນຕອນການເຮັດວຽກຂອງຄະນະສະເພາະກິດ ແຕ່ແຂວງກໍໄດ້ອະນຸຍາດໃຫ້ໂຮງໝໍກັກກັນແຮງງານເຫລົ່ານັ້ນເພື່ອເປັນບ່ອນເຮັດວຽກຕ່າງໆ ແລະ ແຂວງຂອງພວກ ເຮົາຍັງມີສູນກັກກັນ 1 ໄວ້ສະເພາະແຮງງານຕ່າງປະເທດກັບຄືນມາເຮັດວຽກຢູ່ ສປປ ລາວເຮົາ ແລະ ເອົາໃຈໃສ່ຕິດຕາມການກິນການພັກເຊົາ ຊ່ວຍເຫຼືອເຂົາເຈົ້າໃຫ້ປອດໄພ ແລະ ມີອົງການຈັດຕັ້ງສາກົນ ແລະ ທຸກພາກສ່ວນຂອງແຂວງຫຼວງນໍ້າທາໃຫ້ການຮ່ວມມມືທາງດ້ານອຸປະກອນ ແລະ ງົບປະມານ ຈຶ່ງເຮັດໃຫ້ວຽກງານດັ່ງກ່າວໄດ້ຮັບໄຊຊະນະຢ່າງຈົບງາມໃນຂັ້ນຕົ້ນແລ້ວ ແລະ ໃນຕໍ່ໜ້າ ເພື່ອບໍ່ໃຫ້ມັນເກີດຂຶ້ນອີກ ໃນນາມເປັນແຂວງໜຶ່ງທີ່ມີຊາຍແດນຕິດຈອດກັບຫຼາຍປະເທດ ຈະສືບຕໍ່ປະຕິບັດມາດຕະການຕ່າງໆທີ່ລັດຖະບານ ກໍຄືຄະນະສະເພາະກິດວາງອອກໃຫ້ຮັດກຸຸມກວ່າເກົ່າ.

ປັດຈຸບັນມີນັກທຸລະກິດຈີນມາຫຼາຍປານໃດ ?

ຜູ້ຈະເຂົ້າມາລາວຕ້ອງເຂັ້ມງວດປະຕິບັດຕາມມາດຕະການຂອງລາວຈຶ່ງຈະເຂົ້າມາໄດ້ ໂດຍເຈົ້າໜ້າສອງຝ່າຍຈະຕ້ອງມາມອບ-ຮັບກັນຢູ່ດ່ານ ຮອດຈຸດກັກກັນເປັນເວລາ 14 ວັນຕາມລະບຽບຂອງລາວ.

ພະຍາດໂຄວິດ-19 ໄດ້ສົ່ງຜົນກະທົບແນວໃດຕໍ່ແຂວງຫຼວງນໍ້າທາ ແລະ ຈະມີການແກ້ໄຂແນວໃດໃນປັດຈຸບັນ ?

ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ - Wave100S AD to Website 2020 0 - ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ

ໃນຊ່ວງໄລຍະວັນທີ 11-12-13 ມີນາຜ່ານມາ ເປັນໄລຍະທີ່ສົ່ງຜົນຜະລິດໄປ ສປ ຈີນ, ແຕ່ເວລານັ້ນໄດ້ປິດການສົ່ງສິນຄ້າຄື: ກ້ວຍ, ອ້ອຍ, ໝາກໂມ ຊຶ່ງເປັນຜົນຜະລິດທີ່ມີອາຍຸສັ້ນ ກໍເຫັນວ່າປະຊາຊົນມີຄວາມເດືອດຮ້ອນຫລາຍ ແຕ່ແຂວງໄດ້ຫັນມານຳໃຊ້ດ່ານທ້ອງຖິ່ນ ແລະ ໄດ້ນໍາໃຊ້ລົດລາວນຳສົ່ງຜົນຜະລິດອອກ ຊຶ່ງໃນທີ່ສຸດກໍໄດ້ຮັບການແກ້ໄຂໝົດແລ້ວ.

ທ່ານຮອງເຈົ້າແຂວງ ເວົ້າວ່າ: ພະຍາດນີ້ເປັນພະຍາດອັນຕະລາຍປຽບເໝືອນບັ້ນຮົບໃຫຍ່ຫນຶ່ງໃນການສະກັດກັ້ນ ແລະ ປ້ອງກັນ. ດັ່ງນັ້ນ ຈິ່ງຮຽກຮ້ອງໃຫ້ທຸກພາກສ່ວນເປັນເຈົ້າການປະຕີບັດວຽກງານດັ່ງກ່າວໃຫ້ມີປະສິດທິຜົນ ເພື່ອບໍ່ໃຫ້ພະຍາດດັ່ງກ່າວກັບມາລະບາດອີກ.

ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ - WhatsApp Image 2020 05 27 at 5 - ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ
ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ - WhatsApp Image 2020 05 27 at 5 - ຜົນສຳເລັດການປ້ອງການໂຄວິດ-19 ຢູ່ພາກເໜືອລາວ
error: Alert: ເນື້ອຫາຂ່າວມີລິຂະສິດ !!