ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ

ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ - 14 3 - ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ
ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ - AGL banner - ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ

ການຕາຍຂອງຂອງພົນລະເມືອງຊາວສີຜິວ George Floyd ໄດ້ເຮັດໃຫ້ຫຼາຍພັນຄົນຮຽກຮ້ອງໃຫ້ມີການປ່ຽນແປງລະບົບໂຄງສ້າງເຈົ້າໜ້າທີ່ຕຳຫຼວດຂອງສະຫະລັດອາເມລິກາຄືນໃໝ່. ຜູ້ໂຮມຊຸມນຸມປະທ້ວງໄດ້ຮຽກຮ້ອງໃຫ້ຜູ້ນຳຂອງຕົນບັງຄັບໃຫ້ເຈົ້າໜ້າທີ່ຕຳຫຼວດຕ້ອງມີຄວາມຮັບຜິດຊອບຕໍ່ເຫດການດັ່ງກ່າວ ພ້ອມດຽວກັນກໍຮຽກຮ້ອງໃຫ້ຕັດງົບປະມານຂອງອົງການຕຳຫຼວດລົງ ເພື່ອໃຫ້ງົບປະມານໄດ້ກະຈາຍໄປເຖິງຂະແໜງການອື່ນໆ ແລະ ໂຄງການອື່ນໆ.

ຢູ່ຫຼາຍທ້ອງຖິ່ນ ໄດ້ມີການປັບປ່ຽນວິທີການໃໝ່ເຊັ່ນ: ອອກຄຳສັ່ງປ່ຽນແປງວິທີການເຄື່ອນໄຫວຂອງອົງການຕຳຫຼວດ, ໃຫ້ຄຳໝັ້ນສັນຍາໃນການປັບປຸງຄືນໃໝ່ໃຫ້ດີກວ່າເກົ່າ ແລະ ໃຫ້ມີການເຄື່ອນໄຫວວ່ອງໄວກວ່າເກົ່າຕໍ່ກັບເຫດການທີ່ເຈົ້າໜ້າທີ່ຕຳຫຼວດເຮັດໃຫ້ຄົນຕາຍໃນໄລຍະທີ່ຜ່ານມາ.

ເຖິງຢ່າງໃດກໍຕາມ, ໃນເມື່ອເຖິງ “ຈຸດເດືອດສູງສຸດ” ແລ້ວ ອົງການຕຳຫຼວດສະຫະລັດ ກໍປະເຊີນໜ້າກັບວິກິດການຂອງຕົນເອງ ອັນເນື່ອງມາຈາກການປະລະໜ້າທີ່ຂອງເຈົ້າໜ້າທີ່ຕຳຫຼວດຢ່າງເປັນກະແສຟອງໃນຂະນະນີ້.

ຢູ່ໃນລັດ Minneapolisນັບແຕ່ມື້ມີການປະທ້ວງຈາກການຕາຍຂອງ George Floydໃນທ້າຍເດືອນພຶດສະພາຜ່ານມາ ຢ່າງໜ້ອຍມີເຈົ້າໜ້າທີ່ຕຳຫຼວດ 7 ນາຍໄດ້ລາອອກຈາກໜ້າທີ່ຕຳແໜ່ງ. ນອກຈາກນັ້ນແລ້ວຍັງມີຫຼາຍນາຍໃນຂະນະນີ້ກຳລັງປະກອບເອກກະສານລາອອກຢູ່.

Atlanta ໄດ້ກາຍເປັນສູນກາງຂອງການປະທ້ວງໃຫ່ຍພາຍຫຼັງຊາຍຜິວສີຄົນໜຶ່ງຖືກເຈົ້າໜ້າທີ່ຕຳຫຼວດຍິງຕາຍໃນຄໍ່າຄືນຂອງວັນທີ 12 ມີຖຸນາ. ພາຍຫຼັງການຕາຍຂອງ Rayshard Brooks ຫົວໜ້າເຈົ້າໜ້າທີ່ຕຳຫຼວດໃນລັດ Atlanta ໄດ້ຂໍລາອອກ ແລະ ຜູ້ໃຕ້ບັງຄັບບັນຊາທີ່ມີສ່ວນກ່ຽວຂ້ອງພົວພັນກັບເຫດການດັ່ງກ່າວກໍຖືກປັດເຂ່ຍອອກຕາມຕາມກັນ.ນັບແຕ່ຕົ້ນເດືອນມີຖຸນາ ເຖິງປັດຈຸບັນ ໃນລັດ Atlanta ໄດ້ມີເຈົ້າໜ້າທີ່ຕຳຫຼວດລາອອກຈາກວຽກເຖິງ 8 ນາຍ. ເຈົ້າໜ້າທີ່ຕຳຫຼວດລັດ Atlanta ໃຫ້ຮູ້ວ່າ ແຕ່ລະເດືອນພວກເຮົາມີຕຳຫຼວດ 2-6 ນາຍຂໍລາອອກຈາກວຽກໃນປີ 2020 ນີ້.

ລັດ Florida ມີເຈົ້າໜ້າທີ່ 10 ນາຍຂໍອອກຈາກວຽກທີ່ສັງກັດຢູ່ໃນກອງ SWAT ເພາະຢ້ານບໍ່ມີຄວາມປອດໄພ. ພວກເຂົາໄດ້ຍື່ນຄຳຮ້ອງເຖິງຫົວໜ້າຕຳຫຼວດ Sonia Quinones ແລະ ເວົ້າວ່າ: “ພວກເຂົາໄດ້ຮັບການປະກອບອຸປະກອນທີ່ຫຼ້າສະໄໝ ແລະ ບໍ່ໄດ້ຮັບການຝຶກແອບການປ້ອງກັນຕົວ ຊຶ່ງບໍ່ມີຄວາມປອດໄພຕໍ່ຊີວິດຕົນເອງ”.

ຢູ່ເມືອງ Buffalo ໃນ ນິວຢອກ ມີຕຳຫຼວດ 60 ນາຍຂໍລາອອກຈາກໜ້າທີ່ ພາຍຫຼັງເຈົ້າໜ້າທີ່ຕຳຫຼວກ 2 ນາຍຊຸກຜູ້ປະທ້ວງຊາຍອາຍຸສູງຄົນໜຶ່ງລົ້ມລົງພື້ນ.

ປະທານສະມາຄົມຍຸຕິທຳຂອງຕຳຫຼວດ Buffalo John Evans ກ່າວວ່າ: “ມີຕຳຫຼວດ 57 ນາຍຂໍລາອອກຈາກໜ້າທີ່ ເພາະບໍ່ພໍໃຈຕໍ່ການກະທຳຂອງເຈົ້າໜ້າທີ່ 2 ນາຍດັ່ງກ່າວ ເຖິງແມ່ນຈະເປັນການປະຕິບັດໜ້າທີ່ກໍຕາມ”

(ຂ່າວ: ລູກເມືອງພວນ)

 

ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ - lattana banner - ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ
ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ - lattana banner 1 - ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ
ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ -    AD conten website - ການປະລະໜ້າທີ່ຂອງເຈົ້າໜ້າທີ່ຕຳຫຼວດສະຫະລັດນັບມື້ຫຼາຍຂຶ້ນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!