ຜູ້ນຳມີບົດບາດສຳຄັນຕໍ່ການສ້າງແຮງຈູງໃຈຂອງລູກນ້ອງ

- advert banner 728 90 728x90 - ຜູ້ນຳມີບົດບາດສຳຄັນຕໍ່ການສ້າງແຮງຈູງໃຈຂອງລູກນ້ອງ

ການຈູງໃຈມີຄວາມສຳຄັນຫລາຍ. ຍ້ອນການເຮັດວຽກໃດ ໜຶ່ງຫາກຂາດແຮງຈູງໃຈ ອາດສົ່ງຜົນໃຫ້ມີປະສິດທິຜົນໜ້ອຍດ້ວຍເຫດນັ້ນເພື່ອປຸກລະດົມ ການເຮັດວຽກໃຫ້ມີບັນຍາ ກາດດີແຮງຈູງໃຈເປັນພະລັງແຮງຊຸກຍູ້ຄົນເຮົາໃຫ້ມີພຶດຕິກຳ ແລະ ໄດ້ກຳນົດທິດທາງໄປເຖິງເປົ້າໝາຍ, ຫາກບຸກຄົນໃດມີແຮງຈູງໃຈຫລາຍກໍສາມາດບັນລຸຜົນສູງ ແລະ ກົງກັນຂ້າມ.

ການຈູງໃຈມີສ່ວນສຳຄັນຕໍ່ ພຶດຕິກຳທີ່ສະແດງອອກ ແລະ  ຕອບສະໜອງຄວາມຕ້ອງການເຮັດວຽກຂອງຜູ້ຕາມ, ການຈູງໃຈ ເປັນການປຸກລະດົມໃຫ້ຜູ້ ຕາມທຸກຄົນໃນອົງການ ກຳລັງໃຈ, ມີຄວາມມານະມຸ້ງໝັ້ນຕັ້ງໃຈປະຕິບັດໜ້າທີ່ໄດ້ຢ່າງເຕັມປ່ຽນ ແລະ ກົງກັນຂ້າມເມື່ອເປັນແນວນັ້ນຄວາມຕ້ອງການໃຫ້ລາງວັນ ແລະ ການຈູງໃຈແມ່ນມີຄວາມສະໜິດ ຕິດພັນກັນຢ່າງແໜ້ນແຟ້ນ, ທັງມີຄວາມສຳຄັນຕໍ່ຜູ້ນຳກັບຜູ້ຕາມ ຫລື ຂັ້ນເທິງກັບຂັ້ນລຸ່ມ.

 

+ ຜູ້ນຳ ສ.ເກົາຫລີ ເລັ່ງສະພາອະນຸມັດງົບປະມານເພີ່ມຕື່ມແກ້ໄຂບັນຫາວ່າງວຽກ

+ ຜູ້ນຳຟີລິບປິນເຜີຍບໍ່ໄດ້ຂໍໃຫ້ອາເມລິກາ ຊ່ວຍຢຸດຕິເຫດຍຶດເມືອງທາງໃຕ້

 

- lattana 1 - ຜູ້ນຳມີບົດບາດສຳຄັນຕໍ່ການສ້າງແຮງຈູງໃຈຂອງລູກນ້ອງ
- 1 1 - ຜູ້ນຳມີບົດບາດສຳຄັນຕໍ່ການສ້າງແຮງຈູງໃຈຂອງລູກນ້ອງ

 

ບົດບາດຂອງຜູ້ນຳໃນອົງ ການຕ້ອງສ້າງແຮງຈູງໃຈພະນັກ ງານໃຫ້ເບິ່ງໂລກໃນແງ່ບວກ, ສ້າງທັດສະນະຄະຕິທີ່ດີໃນການ ເຮັດວຽກຕ່າງໆ ນັບທັງບຸກຄົນ ອ້ອມຂ້າງ, ເປີດໃຈໃຫ້ ກວ້າງ, ເອົາໃຈເຂົາມາໃສ່ໃຈເຮົາ, ຟັງ ຄວາມຄິດເຫັນຂອງຄົນອື່ນໃຫ້ ຫລາຍ ແລະ ຢ່າຢຶດຕິດກັບ ຄວາມຄິດຂອງຕົວເອງ; ຊີ້ນຳໃຫ້ ພະນັກງານຮູ້ຈັກຕົນເອງໃຫ້ດີພໍ,  ຮູ້ຈັກຮັບມືກັບ ຄວາມຜິດຫວັງ ແລະ ບໍ່ທໍ້ຖອຍເພື່ອສ້າງແຮງຈູງ ໃຈໃຫ້ເຂົາພັດທະນາຕົນເອງ ສາ ມາດຜ່ານພົ້ນຈາກບັນຫາຕ່າງໆ  ທີ່ກຳລັງປະເຊີນຢູ່; ຂະນະດຽວ ກັນກໍຊີ້ໃຫ້ເຫັນວ່າວຽກທີ່ພະນັກ ງານກຳລັງເຮັດຢູ່ເປັນວຽກທີ່ທ້າ ທາຍ ແລະ ມີຄວາມສຳຄັນຕໍ່ອົງ  ການພຽງໃດເພື່ອກະຕຸ້ນໃຫ້ເຂົາ ເກີດຄວາມກະຕື້ລືລົ້ນ ແລະ ມັກ ໃນສິ່ງທີ່ຕ້ອງເຮັດບໍ່ແມ່ນເຮັດໃນ  ສິ່ງທີ່ຕົນມັກ; ກະຕຸ້ນໃຫ້ພະນັກ ງານເຮັດວຽກແບບມືອາຊີບບໍ່ ປ່ອຍໃຫ້ອາລົມຢູ່ເໜືອເຫດຜົນ,  ເມື່ອພະນັກງານຮູ້ຈັກພິຈາລະນາ ທຸກຢ່າງດ້ວຍເຫດ ແລະ ຜົນກໍຈະ  ມອງເຫັນຄວາມເປັນຈິງທີ່ເຫດ ເປັນຄືແນວນີ້ ຈິ່ງພາໃຫ້ຜົນເກີດ ອອກມາເຊັ່ນນີ້ ແລະ ຈະສາມາດ  ຫາວິທີແກ້ໄຂໄດ້ຖືກຈຸດ;

ພ້ອມນັ້ນກໍເປັນແບບຢ່າງໃຫ້ພະນັກງານຮູ້ຈັກ “ໃຫ້” ຫລາຍກວ່າ “ຮັບ” ໃນແງ່ຂອງການ “ໃຫ້ເພື່ອສ່ວນຮ່ວມ” ກ້າ ທີ່ຈະກະທຳເພື່ອສ່ວນຮ່ວມ,   ກ້າຍອມຮັບໃນຄວາມຜິດພາດ ຂອງຕົນ ແລະ ຄຳນຶງເຖິງຜົນປະໂຫຍດສ່ວນຮ່ວມຫລາຍກວ່າ ຂອງສ່ວນຕົນ; ຕ້ອງຮູ້ກຳນົດເປົ້າໝາຍ, ກົດໄກເຕັກນິກ ແລະ ວິທີການເຮັດວຽກທີ່ເປັນລະບົບ,   ມີແນວທາງທີ່ຊັດເຈນ, ມີມາດຕະຖານວັດຄວາມສຳເລັດໃນການປະຕິບັດງານ, ມີການປະເມີນຜົນທີ່ຍຸຕິທຳເພື່ອວັດຜົນງານ ແລະ ນຳໄປປັບປຸງການເຮັດວຽກລວມເຖິງການພິຈາລະນາໃຫ້ຜົນຕອບແທນ ຢ່າງເປັນທຳ ແລະ ເໝາະສົມກັບຜົນງານ; ສົ່ງເສີມການເຮັດວຽກເປັນທິມໃນ ທຸກລະດັບຕັ້ງແຕ່ລະດັບສູງສຸດ ໄປຈົນເຖິງລະດັບຕ່ຳສຸດ, ໃຫ້ມີການຊ່ວຍເຫລືອ ເຊິ່ງກັນ ແລະ ກັນພາຍ ໃນທິມປະສົບຄວາມສຳເລັດ; ສົ່ງເສີມໃຫ້ເກີດຄວາມສາ ມັກຄີພາຍໃນ, ໃຫ້ການຍອມຮັບໃຫ້ແກ່ພະນັກງານທຸກຄົນໂດຍການ ສ້າງຄວາມສຳພັນຖານເພື່ອນມິດ, ຢູ່ນຳກັນແບບ ພີ່ນ້ອງ,  ມີຄວາມສຸກກັບວຽກທີ່ເຮັດ ແລະ ມີຜົນຕອບແທນດ້ວຍຄວາມ ກ້າວໜ້່າ ແລະ ສ້າງສະຫວັດດີການທີ່ດີ, ສ້າງສະພາບແວດລ້ອມທີ່ໜ້າຢູ່ ແລະ ສ້າງບັນຍາກາດທີ່ດີ, ມີການພົບປະສັງຄົມ ແລະ ຕິດຕໍ່ສຳພັນຢ່າງສະໝ່ຳສະເໝີ.

ຊະນະໃຈຂອງຜູ້ຕາມໃຫ້ ບັນລຸຜົນສຳເລັດໃນວິໄສທັດ ແລະ ຈຸດມຸ້ງໝາຍຂອງອົງການ,   ຜູ້ນຳຕ້ອງວາງເປົ້າ     ໝາຍໃນການປະຕິບັດໜ້າທີ່ ໃຫ້ຊັດເຈນເພື່ອສ້າງແຮງຈູງໃຈ ໃຫ້ວຽກ ງານປະສົບຜົນສຳເລັດຕາມລະດັບຄາດໝາຍ ແລະ ການສຶກສາໃນ ເລື່ອງການຈູງໃຈຈະຊ່ວຍໃຫ້ຜູ້ ນຳໄດ້ເຂົ້າໃຈວ່າຈະຕ້ອງປະຕິ ບັດຕົນແບບໃດ, ຜູ້ນຳອາດຈະໃຊ້ວິທີການ ຈູງໃຈເພື່ອ ຊ່ວຍໃຫ້  ຄວາມຕ້ອງການຂອງຜູ້ຕາມໄດ້ ຮັບການຕອບສະໜອງດ້ວຍ ຄວາມພໍໃຈ ແລະ ຍັງເປັນການ ຊຸກຍູ້ໃຫ້ມີການປະຕິບັດງານສູງ ຂຶ້ນ; ສະນັ້ນການຈູງໃຈມີຄວາມ  ສຳຄັນມີອິດ ທິພົນຕໍ່ຜົນຜະລິດທັງ ດ້ານປະລິມານ ແລະ ຄຸນນະ ພາບ, ຜົນຂອງວຽກຈະມີຄຸນນະ  ພາບດີ ຫລື ມີປະລິມານໝ້ອຍ ຫລາຍພຽງໃດມັນກໍຂຶ້ນກັບຜູ້ນຳ – ຜູ້ບັງຄັບບັນຊາ ຫລື ຫົວໜ້າ ວຽກມີຄວາມຈຳເປັນຕ້ອງເຂົ້າ  ໃຈວ່າອັນໃດຄືແຮງຈູງໃຈທີ່ສົ່ງ ຜົນໃຫ້ພະນັກງານເຮັດວຽກໄດ້  ຢ່າງເຕັມເມັດເຕັມໜ່ວຍ.

error: Content is protected !!