ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ CPTPP

ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ cptpp - 182 - ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ CPTPP
ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ cptpp - Untitled design - ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ CPTPP

     ລັດຖະບານ​ສະຫະຣາຊະ​ອານາຈັກ​ສະ​ແດງ​ເຈດ​ຕະນາ​ທີ່​ຈະ​ເຂົ້າຮ່ວມ​ເປັນ​ສະມາຊິກ​ໃໝ່​ຂອງ​ຂໍ້​ຕົກລົງທີ່​ຄວບ​ຄຸມ ​ແລະ ກ້າວໜ້າ​ສຳລັບ​ຫຸ້ນ​ສ່ວນ​ທາງ​ເສດຖະກິດ​ພາກພື້ນປາຊີ​ຟິກ ຫລື CPTPP ​ໂດຍ​ເຊື່ອ​ວ່າ​ຈະ​ເປັນ​ຜົນ​ດີ​ຕໍ່​ການ​ຄ້າ ​ແລະ ການ​ລົງທຶນ​ຂອງ​ປະ​ເທດ​ທີ່​ເຈັບ​ຊ້ຳຢ່າງ​ໜັກ​ຈາກ​ການລະບາດ​ຂອງ​ໄວ​ຣັສ​ໂຄ​ໂຣນາສາ​ຍພັນ​ໃໝ່.

ປັດຈຸບັນ CPTPP ມີ​ສະມາຊິກ 11 ປະ​ເທດ ​ໄດ້​ແກ່ ຍີ່ປຸ່ນ, ກາ​ນາ​ດາ, ​ເມັກ​ຊິກ, ​ເປຣູ, ຊິ​ເລ, ອົດ​ສະຕຣາລີ, ນິວຊີ​ແລນ, ສິງກະ​ໂປ, ມາ​ເລ​ເຊຍ, ບຣູ​ໄນ ​ແລະ ຫວຽດນາມ ມີ​ພຽງ 7 ປະ​ເທດ​ທີ່​ໃຫ້​ສັດຕະຍາບັນ​ເຂົ້າຮ່ວມ ​ໄດ້​ແກ່ ​ເມັກ​ຊິກ, ຍີ່ປຸ່ນ, ນິວຊີ​ແລນ, ກາ​ນາ​ດາ, ອົດ​ສະຕຣາລີ ​ແລະ ຫວຽດນາມ.

ການ​ປະກາດ​ນະ​ໂຍບາຍ​ເຂົ້າຮ່ວມ​ຂໍ້​ຕົກລົງ CPTPP ຂອງ​ລັດຖະບານ​ສະຫະຣາຊະ​ອານາຈັກ​ມີ​ຂຶ້ນພຽງ​ໜຶ່ງ​ວັນ​ຫລັງ​ຈາກ​ໄທ “ສົ່ງ​ສັນຍານ” ວ່າ​ຈະ​ເຂົ້າຮ່ວມ​ການ​ເຈລະຈາ​ເຊັ່ນ​ກັນ.

ກົມ​ການ​ຄ້າ​ສາກົນ​ຂອງ​ສະຫະຣາຊະ​ອານາຈັກ​ເຜີຍ​ແຜ່ “​ເອກະສານ​ນະ​ໂຍບາຍ” ​ເລື່ອງ​ຄວາມ​ຄືບ​ໜ້າ​ໃນ​ການ​ເຂົ້າຮ່ວມ​ຂໍ້​ຕົກລົງ CPTPP ທາງ​ເວັບ​ໄຊ​ທາງ​ການ​ຂອງ​ລັດຖະບານ www.gov.uk ​ໃນ​ວັນ​ທີ 17 ມິຖຸນາ.

“ສະຫະຣາຊະ​ອານາຈັກ​ມີ​ເຈດ​ຕະນາ​ຈະ​ເຂົ້າຮ່ວມ​ຂໍ້​ຕົກລົງ CPTPP ​ເຊິ່ງຖື​ວ່າ​ເປັນ​ພາລະກິດ​ຫລັກ​ໃນ​ນະ​ໂຍບາຍ​ເຈລະຈາ​ການ​ຄ້າ​ຂອງ​ປະ​ເທດ” ກົມ​ການ​ຄ້າ​ສາກົນ ສະຫະຣາຊະ​ອານາຈັກ ລະບຸ​ໃນ​ເອກະສານ​ນະ​ໂຍບາຍ.

“ສະຫະຣາຊະ​ອານາຈັກ​ເຫັນ​ວ່າການ​ເຂົ້າຮ່ວມ CPTPP ຈະ​ເປັນ​ປະ​ໂຫຍ​ດຕໍ່​ປະ​ເທດ​ຢ່າງ​ສຳຄັນ ​ແລະ ​ເຊື່ອ​ວ່າການ​ເຂົ້າ​ເປັນ​ສະມາຊິກ​ຂອງ​ພວກ​ເຮົາ​ຈະ​ເຮັດ​ໃຫ້​ຂໍ້​ຕົກລົງ​ນີ້​ມີ​ຄວາມ​ແຂງ​ແກ່ນ​ຂຶ້ນ. ​ເຖິງ​ຢ່າງ​ໃດ​ກໍ​ຕາມ ພວກ​ເຮົາ​ຈະ​ເຂົ້າ​ເປັນ​ສະມາຊິກ​ກໍ​ຕໍ່​ເມື່ອ​ແນ່​ໃຈ​ວ່າ​ພວກ​ເຮົາ​ສາມາດ​ຮັກສາ​ຜົນ​ປະ​ໂຫຍ​ດຂອງ​ປະ​ເທດ​ໄດ້ ລວມທັງ​ຕອບ​ໂຈດ​ທີ່​ມີ​ການ​ຍົກ​ຂຶ້ນມາ​ໃນ​ຂະ​ບວນການ​ປຶກສາ​ຫາລື​ສາທາລະນະ​ກ່ອນ​ການ​ເຂົ້າຮ່ວມ CPTPP”.

ກ່ອນ​ຈະ​ຍື່ນ​ເຈດ​ຕະນາ​ຂໍ​ເຂົ້າຮ່ວມ​ຂໍ້​ຕົກລົງ CPTPP ຢ່າງ​ເປັນ​ທາງ​ການ, ລັດຖະບານ​ຈະ​ເຜີຍ​ແຜ່​ວັດຖຸ​ປະສົງ​ຂອງ​ການ​ເຈລະຈາ, ລາຍ​ງານ​ການ​ສຶກສາຜົນ​ກະທົບ ​ແລະ ຜົນ​ປະ​ໂຫຍ​ດທີ່​ໄດ້ຮັບ​ຈາກ​ການ​ເຂົ້າຮ່ວມ​ຕໍ່​ສາທາລະນະ, ພ້ອມ​ເປີດ​ຊ່ອງ​ທາງ​ໃຫ້​ທຸກ​ພາກສ່ວນ​ສະ​ແດງ​ຄວາມ​ຄິດ​ເຫັນ ​ແລະ ຂໍ້​ສະ​ເໜີ​ຕໍ່​ການ​ຕັດສິນ​ໃຈ​ເຂົ້າຮ່ວມ​ຂໍ້​ຕົກລົງ​ນີ້. ​ເອກະສານ​ນະ​ໂຍບາຍ​ລະບຸ.

ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ cptpp - Wave100S AD to Website 2020 0 - ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ CPTPP

 

ເຫດຜົນ 3 ຂໍ້:

ກົມ​ການ​ຄ້າ​ສາກົນ​ຂອງ​ສະຫະຣາຊະ​ອານາຈັກ​ໃຫ້​ຂໍ້​ມູນ​ວ່າ: ​ໄດ້​ເຈລະຈາ​ປະສານ​ງານ​ກັບປະ​ເທດ​ສະມາຊິກ CPTPP ທັງ 11 ປະ​ເທດ​ຢ່າງ​ເປັນ​ທາງ​ການ ​ແລະ ບໍ່​ເປັນ​ທາງ​ການ​ມາ​ແຕ່​ເດືອນ​ກຸມພາ 2018.

“ທຸກ​ປະ​ເທດຕ່າງ​ກໍ​ຍິນ​ດີ​ໃຫ້​ສະຫະຣາຊະ​ອານາຈັກ​ເຂົ້າຮ່ວມ” ກົມ​ການ​ຄ້າ​ສາກົນ​ລະບຸ, ພ້ອມ​ຊີ້​ແຈງ​ເຫດຜົນ 3 ຂໍ້​ທີ່​ສະໜັບສະໜູນ​ການ​ຕັດສິນ​ໃຈ​ເຂົ້າຮ່ວມ​ຂໍ້​ຕົກລົງ​ນີ້.

  1. ເພີ່ມ​ໂອກາດ​ດ້ານ​ການ​ຄ້າ ​ແລະ ການ​ລົງທຶນ : ​ເສດຖະກິດ​ຂອງ​ສະຫະຣາຊະ​ອານາ​ຈັກ​ໄດ້​ຮັບ​ຄວາມ​ເຈັບ​ຊ້ຳຫລາຍ​ຈາກການລະບາດ​ຂອງ​ໂຄ​ວິດ-19, ການ​ເຂົ້າຮ່ວມ CPTPP ຈະ​ເປີດ​ຕະຫລາດ​ສົ່ງ​ອອກ​ໃຫ້​ຂະ​ແໜງ​ອຸດສາຫະກຳ​ສຳຄັນ ​ເຊິ່ງຈະ​ຊ່ວຍ​ຟື້ນຟູ​ເສດຖະກິດ​ຂອງ​ປະ​ເທດ​ໄດ້.
  2. ເພີ່ມ​ຄວາມ​ໝັ້ນຄົງ​ທາງ​ເສດຖະກິດ : ການ​ມີ​ຄູ່​ຄ້າ ​ແລະ ​ແຫ​ລ່ງຕ່ອງ​ໂສ​ອຸປະ​ທານ​ສິນຄ້າ​ທີ່​ຫລາກົ່ງ​ອອກ​ໃຫ້​ຂະ​ແໜງ​ອຸດສາຫະກຳ​ສຳຄັນ ​ເຊິ່ງຈະ​ຊ່ວຍ​ຟື້ນຟູ​ເສດຖະກິດ​ຂອງຫລາຍ​ຈະ​ຊ່ວຍ​ສ້າງ​ຄວາມ​ໝັ້ນຄົງ​ທາງ​ເສດຖະກິດ​ໃຫ້​ສະຫະຣາຊະ​ອານາຈັກ​ໃນ​ໂລກ​ທີ່​ເຕັມ​ໄປ​ດ້ວຍ​ຄວາມ​ບໍ່​ແນ່ນອນ ​ແລະ ການ​ປ່ຽນ​ແປງ​ກະທັນຫັນ​ຄື​ທຸກ​ວັນ​ນີ້.
  3. ມຸ່ງ​ສູ່​ການ​ເປັນ​ສູນ​ກາງ​ການ​ຄ້າ ​ແລະ ການ​ລົງທຶນ : ລັດຖະບານ​ມີ​ນະ​ໂຍບາຍ​ຈະ​ເຮັດ​ໃຫ້​ສະຫະຣາຊະ​ອານາຈັກ​ເປັນ​ສູນ​ກາງ​ດ້ານ​ການ​ຄ້າ ​ແລະ ການ​ລົງທຶນ ​ເພື່ອ​ການ​ຄ້າ​ກັບປະ​ເທດ​ຕ່າງໆ​ໃນ​ທຸກ​ພາກພື້ນ. ການ​ເຂົ້າຮ່ວມ CPTPP ຈະ​ເຮັດ​ໃຫ້​ສະຫະຣາຊະ​ອານາຈັກ​ມີ​ຕຳ​ແໜ່​ງ​ແຫ່ງ​ທີ່​ໂລກ​ການ​ຄ້າ​ເສລີ​ຍຸກ​ໃໝ່​ທີ່​ເປັນ​ແຫ​ລ່ງລວມຂອງ​ປະ​ເທດທີ່​ມີ​ພະລັງ​ທາງ​ເສດຖະກິດ​ສູງ.

    “ການ​ເຂົ້າຮ່ວມ CPTPP ຈະ​ຊ່ວຍ​ເພີ່ມ​ບົດບາດ​ຂອງ​ສະຫະຣາຊະ​ອານາຈັກ​ໃນ​ກຸ່ມ​ປະ​ເທດ​ທີ່​ເຊື່ອ​ໝັ້ນ​ໃນ​ລະບົບ​ການ​ຄ້າ​ເສລີ ​ແລະ ສົ່ງ​ສັນຍານ​ໃຫ້​ທົ່ວ​ໂລກ​ໄດ້​ຮັບ​ຮູ້​ວ່າ ສະຫະຣາຊະ​ອານາຈັກ​ສະໜັບສະໜູນ​ການ​ຄ້​າ​ເສລີ, ຕໍ່ຕ້ານ​ລັດທິ​ປົກ​ປ້ອງ​ທາງ​ການ​ຄ້າ ​ແລະ ຈະ​ຕໍ່ສູ້​ເພື່ອ​ຍົກ​ເລີກ​ການ​ກີດ​ກັນ​ທາງ​ການ​ຄ້າ​ໃນ​ທຸກ​ໂອກາດ​ທີ່​ມີ” ກົມ​ການ​ຄ້າ​ສາກົນ​ຂອງ​ສະຫະຣາຊະ​ອານາຈັກ​ເຜີຍ​ແຜ່ “​ເອກະສານ​ນະ​ໂຍບາຍ” ​ເລື່ອງ​ຄວາມ​ຄືບ​ໜ້າ​ໃນ​ການ​ເຂົ້າຮ່ວມ​ຂໍ້ຕົກລົງ CPTPP ທາງ​ເວັບ​ໄຊ​ທາງ​ການ​ຂອງ​ລັດຖະບານ​ໃນ​ວັນ​ທີ 17 ມິຖຸນານີ້.

ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ cptpp - WhatsApp Image 2020 05 27 at 5 - ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ CPTPP
ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ cptpp - WhatsApp Image 2020 05 27 at 5 - ລັດຖະບານສະຫະຣາຊະອານາຈັກເຜີຍ 3 ເຫດຜົນ ທີ່ເຮັດໃຫ້ຕັດສິນໃຈເຂົ້າຮ່ວມຂໍ້ຕົກລົງ CPTPP
error: Alert: ເນື້ອຫາຂ່າວມີລິຂະສິດ !!