ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ

ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ - 187 - ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ
ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ - Untitled design - ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ

     ຈີນ​ໂຊ​ຍ້າຍ​ອາຄານ​ປະຫວັດສາດ 127 ປີ ​ແບບ​ບໍ່​ຮື້ ບໍ່​ທຸບ ​ແຕ່​ສາມາດ​ເຄື່ອນ​ຍ້າຍ​ອາຄານ​ຫລັງ​ໃຫຍ່ 3 ຊັ້ນ ນ້ຳໜັກ 2.600 ​ໂຕນ ​ໄປ​ໄກ 70 ​​ແມັດ​ໄດ້​ໃນ​ຊົ່ວ​ໂມງ​ເຄິ່ງ.

ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ - 159246842936 300x168 - ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ

ຫລັງຈາກ​ໂລກ​ໄດ້​ຕະລຶງ​ກັບ​ການ​ເນລະມິດ​ໂຮງໝໍ​ສະໜາມ​ຂະໜາດ 1.000 ຕຽງ ​ໃຫ້​ສຳ​ເລັດ​ໃນ 10 ວັນ ຄົງ​ບໍ່​ມີ​ຫຍັງ​ໃຫ້​ເຮົາ​ຈະ​ຕ້ອງ​ຊັອກອີກ​ຕໍ່​ໄປ ​ເມື່ອ​ອີ່​ຫຍັງ​ທີ່ “ຈີນ​ເຮັດ” ຄວາມ​ບໍ່​ທຳ​ມະ​ດາ ​ເລີຍ​ກາຍ​ເປັນ​ເລື່ອງ​ທຳ​ມະ​ດາ​ໄປ​ໄດ້​ງ່າຍໆ.

​     ​ເຊັ່ນ​ຫລ້າ​ສຸດ​ທີ່​ເນັ້ນຄວາມ​ຕະລຶງ​ອີກ​ເທື່ອ​ໜຶ່ງ ​ໂດຍ ສຳນັກ​ຂ່າວ​ຊິນ​ຮົວ ລາຍ​ງານ​ເຫດການ​ປະຫວັດສາດ​ກ່ຽວ​ກັບ “​ແຜນ​ອະນຸລັກ​ອາຄານ​ບູຮານ 127 ປີ” ມໍລະດົກ​ວັດທະນະທຳ​ຈາກ​ສະ​ໄໝ​ສະຕະວັດ​ທີ 19 ​ເຊິ່ງຕັ້ງຢູ່​ເມືອງ​ຈີ່​ໜານ ມົນທົນ​ຊານ​ຄົງ ທາງ​ຕາ​ເວັນ​ອອກ​ຂອງ​ຈີນ ​ໂດຍ​ມີ​ການ “ຍ້າຍ​ອາຄານ” ​ໃນ​ແນວ​ພຽງ​ດ້ວຍ​ວິທີ​ທາງ​ວິສະວະກຳ​ເປັນ​ໄລຍະ​ທາງ​ໄກ​ກວ່າ 70 ​ແມັດ.

ອາຄານ​ຫລັງ​ໃຫຍ່ 3 ຊັ້ນ ທີ່​ມີນ້ຳໜັກ​ເຖິງ 2.600 ​ໂຕນ ​ໄດ້​ຖືກ​ຍົກ​ຂຶ້ນຈາກ​ພື້ນດິນ​ດ້ວຍ​ເຄື່ອງ​ຈັກ​ທີ່​ມີ​ລໍ້ 10 ອັນ ​ເພື່ອ​ຂົນ​ຍ້າຍ​ໄປ​ທີ່​ຕັ້ງ​​ແຫ່ງ​ໃໝ່ ​ເຊິ່ງ​ໄກ​ອອກ​ມາ 70 ​ແມັດ ​ໄດ້​ສຳ​ເລັດ​ພາຍ​ໃນ​ເວລາ​ປະມານ 1 ຊົ່ວ​ໂມງ​ເຄິ່ງ.

ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ - 159246845126 300x168 - ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ

ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ - Wave100S AD to Website 2020 0 - ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ

ກຸ່ມ​ຜູ້​ທີ່​ສະ​ເໜີ​ໃຫ້​ມີ​ການ​ຍ້າຍ​ທີ່​ຕັ້ງອາ​ຄານ​ລະບຸ​ວ່າ: ​ແຕ່​ກ່ອນ​ອາຄານ​ຕັ້ງຢູ່​ໃນ​ພື້ນທີ່​ຕໍ່າ ອາດ​ສົ່ງ​ຜົນ​ໃຫ້​ເກີດ​ນ້ຳຖ້ວມ​ໃນ​ລະດູຝົນ. ນອກຈາກ​ນີ້ ທີ່​ຕັ້ງ​ແຫ່ງ​ໃໝ່​ຍັງ​ຢູ່​ໃກ້​ຖະໜົນ​ສາຍ​ສຳຄັນ​ຫລາຍ​ກວ່າ​ເກົ່າ ​ເຊິ່ງຈະ​ເຮັດ​ໃຫ້​ອາຄານ​ຫລັງ​ນີ້ “​ເດັ່ນ​ເປັນ​ສະຫງ່າ” ຍິ່ງ​ຂຶ້ນ.

ພາລະກິດ​ຍ້າຍ​ອາຄານ 2 ພັນ​ໂຕນ​ຈຶ່ງ​ເລີ່​ມຕົ້ນຂຶ້ນ ​ໂດຍ​ການ​ໃຊ້​ຖານ​ຕິດ​ລໍ້​ຈຳນວນ​ຫລາຍ ຄ່ອຍໆ​ເຄື່ອນ​ອາຄານ​ໝົດ​ຫລັງ​ໄປ​ໃນ​ແນວ​ຮາບ​ພຽງ ​ໄປ​ພື້ນທີ່​ແຫ່ງ​ໃໝ່ ​ເຊິ່ງທັງ​ໝົດ​ຂອງ​ການ​ເຄື່ອນ​ຍ້າຍ​ອາຄານ ​ໃຊ້​ເວລາ​ທັງ​ໝົດ​ໜຶ່ງ​ຊົ່​ວ​ໂມງ​ເຄິ່ງ.

ສຳລັບ​ຄວາມ​ສຳຄັນ​ຂອງ​ອາຄານ​ປະຫວັດສາດ ອາຍຸ 127 ປີ​ແຫ່ງ​ນີ້ ຖື​ເປັນ​ແຫ​ລ່ງມໍລະດົກ​ວັດທະນະທຳ​ໃນ​ເມືອງ​ຈີ່​ໜານ ​ເຊິ່ງຖືກ​ສ້າງ​ຂຶ້ນ​ເມື່ອ​ປະມານ​ປີ 1893 ​ໂດຍ​ມີ​​ເນື້ອທີ່ 1.700 ຕາ​ແມັດ ​ແລະ ​ເປັນ​ສະຖາປັດຕະຍະກຳ​ຮູບ​ແບບ​ຈີນ​ປະສົມ​ປະສານ​ຕາ​ເວັນ​ຕົກ.

ຕະຫລອດ​ກວ່າ 100 ປີຜ່ານມາ ກຸ່ມ​ນັກວິ​ໄຈ​ປະຫວັດສາດ​ທ້ອງ​ຖິ່ນ​ລະບຸ​ວ່າ: ອາຄານ​ຫລັງ​ນີ້​ປ່ຽນ​ແປງ​ບົດບາດຫລາຍ​ເທື່ອ ​ໂດຍ​ເທື່ອ​ໜຶ່ງ​ເຄີຍ​ເປັນ​ໂຮງຮຽນ​ຜູ້ຍິງ​ພາຍ​ໃຕ້​ການ​ເບິ່ງ​ແຍງ​ຂອງ​ໂບດ​ຄາ​ທໍ​ລິກ, ຈາກ​ນັ້ນຖືກ​ໃຊ້​ງານ​ຕາມ​ຈຸດປະສົງ​ອື່ນໆ ກ່ອນ​ສຳນັກງານ​ສຶກສາ​ທ້ອງ​ຖິ່ນ​ຈະ​ເຂົ້າ​ມາ​ເບິ່ງ​ແຍງ​ໃນ​ໄລຍະ​ 10 ກວ່າ​ປີຜ່ານມາ.

ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ - WhatsApp Image 2020 05 27 at 5 - ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ
ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ - WhatsApp Image 2020 05 27 at 5 - ຈີນເຄື່ອນຍ້າຍອາຄານຮ້ອຍປີ ແບບບໍ່ຕ້ອງທຸບ
error: Alert: ເນື້ອຫາຂ່າວມີລິຂະສິດ !!