ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ

ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ - 58 5 - ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ
ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ - AGL banner - ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ

ລັດຖະບານຍີ່ປຸ່ນ ແລະ ພັກ ປະຊາທິປະໄຕເສລີກຳອຳນາດ ກຳລັງຂຶ້ນແຜນ ເພື່ອຈະເອົາຄົນຂອງຕົນເຂົ້າດຳລົງຕຳແໜ່ງໃນສະຫະປະຊາຊາດ ແລະ ໃນອົງການຈັດຕັ້ງສາກົນອື່ນໆ ເພື່ອຊ່ວງເສັງກັບຈີນ.

ໂຕກຽວ ຈະກຳນົດບັນດາຕຳແໜ່ງ ຍຸດທະສາດທີ່ສຳຄັນ ໃນຂົງເຂດເສດຖະກິດ ແລະ ຄວາມໝັ້ນຄົງ, ຫຼັງຈາກນັ້ນຈະພະຍາຍາມເອົາຜູ້ທີ່ມີປະສົບການເຂົ້າໄປໃສ່.

ທ່ານ  Amari ກ່າວວ່າ: “ກ່ອນໜ້ານີ້, ຍິ່ປຸ່ນບໍ່ໄດ້ສົນໃຈໃນເລື່ອງເອົາຄົນເຂົ້າດຳລົງຕຳແໜ່ງໃນອົງການຈັດຕັ້ງສາກົນ ແຕ່ຫາກອີງໃສ່ມາດຖານເງື່ອນໄຂພາຍໃນຂອງຕົນ ມາເປັນມາດຖານເງື່ອນໄຂຂອງສາກົນ ຊຶ່ງເປັນຍຸດທະສາດທີ່ໄດ້ຮັບໝາກຜົນທາງດ້ານເສດຖະກິດພໍສົມຄວນ”.

ການຈັດຕັ້ງສາກົນໄດ້ສົ່ງຜົນກະທົບຕໍ່ກັບທຸກໆ ຂົງເຂດ ນັບຕັ້ງແຕ່ຂົງເຂດການຄ້າຈົນເຖິງໂທລະຄົມມະນາຄົມ ຫຼື ຫຼັກການເດີນກຳປັ່ນໃນທະເລ. ຍີ່ປຸ່ນເຊື່ອວ່າ ການທີ່ເອົາຄົນຂອງຕົນເຂົ້າດຳລົງຕຳແໜ່ງໃນການຈັດຕັ້ງສາກົນນັ້ນ ຈະສ້າງບົດບາດສຳຄັນຕໍ່ຄວາມໝັ້ນຄົງ ແລະ ເສດຖະກິດຂອງຕົນໃນອະນາຄົດໄດ້ດີ.

ຍຸດທະສາດໃໝ່ຂອງຍີ່ປຸ່ນນັ້ນ ຈະເປັນທັງການສະເໜີຜູ້ຮັບສະໝັກເລືອກຕັ້ງຂອງຕົນໃນຕຳແໜ່ງລະດັບສູງໃນອົງການຈັດຕັ້ງສາກົນ ທັງເປັນການປະສານສົມທົບກັບສະຫະລັດອາເມລິກາ ແລະ ບັນດາປະເທດໃນເອີໂຣບ ເພື່ອແບ່ງປັນຄຸນຄ່າລວມ ເປັນຕົ້ນແມ່ນ: ສິດທິໃນການສະເໜີຜູ້ຮັບສະໝັກເລືອກຕັ້ງ ເພາະມີຫຼາຍການຈັດຕັ້ງສາກົນ ບໍ່ໃຫ້ຄົນໃນຂົງເຂດດຽວກັນລົງຮັບສະໝັກເລືອກຕັ້ງຫຼາຍສະໄໝຕິດຕໍ່ກັນ.

ການເລືອກຜູ້ສະໝັກລົງເລືອກຕັ້ງຜູ້ອຳນວຍການໃຫ່ຍອົງການການຄ້າໂລກທີ່ຈະມາເຖິງ ຈະເປັນການທົດສອບຂອງຍີ່ປຸ່ນ, ຊຶ່ງໃນຕຳແໜ່ງນີ້ ປັດຈຸບັນຍັງແມ່ນ ທ່ານ Roberto Azevedo ຊາວ ບຣາຊີລ ດຳລົງຕຳແໜ່ງຢູ່. ທ່ານ Azevedo ໃນຫວ່າງມໍ່ໆ ມານີ້ ໄດ້ປະກາດວ່າຈະລາອອກໃນທ້າຍປີນີ້, ຊຶ່ງຜູ້ທີ່ຈະປ່ຽນແທນເຂົານັ້ນກຳລັງຊອກຫາຄົນຢູ່.

WTO ໄດ້ເລີ່ມຮັບຮອງເອົາຜູ້ທີ່ຈະສະເໜີຮັບສະໝັກລົງເລືອກຕັ້ງແຕ່ວັນທີ 8 ມີຖຸນານີ້ ເປັນຕົ້ນໄປ. ເຈົ້າໜ້າທີ່ສອດສ່ອງຕິດຕາມເຊື່ອວ່າ ສະຫະລັດຈະສະໜັບສະໜູນທ່ານ Tim Groser ອະດີດລັດຖະມົນຕິກະຊວງການຄ້າ ນິວຊີແລນ ລົງສະໝັກ, ສ່ວນຈີນຄາດວ່າຈະສະໜັບສະໜູນ ທ່ານ Amina Mohamed ຊາວເຄນຢາ ລົງສະໝັກ ແລະ ຍິ່ປຸ່ນຈະສົມທົບກັບ ສະຫະລັດອາເມລິກາກ່ອນ.

ສະໄໝ ຂອງແຕ່ລະຕຳແໜ່ງໃນອົງການຈັດຕັ້ງສາກົນເຊັ່ນ: UNESCO, WHO ແລະ ອົງການຈັດຕັ້ງແຮງງານສາກົນ(ILO) ຈະສິ້ນສຸດລົງໃນທ້າຍປີໜ້ານີ້ ຫຼື ປີ 2022.

ຄົນຈີນກຳລັງດຳລົງຕຳແໜ່ງ ອັນດັບຕົ້ນໆຂອງອົງການຈັດຕັ້ງສາກົນເຊັ່ນ: ອົງການການບີນພົນລະເຮືອນສາກົນ, ອົງການພັດທະນາອຸດສາຫະກຳຂອງອົງການສະຫະປະຊາຊາດ ແລະ ເຄືອຂ່າຍໂທລະຄົມມະນາຄົມສາກົນ. ຈີນໄດ້ມີຄວາມພະຍາຍາມສູງໃນການສົ່ງຄົນຂອງຕົນເຂົ້າກຳຕຳແໜ່ງໃນອົງການສະຫະປະຊາຊາດ ຊຶ່ງປັດຈຸບັນກຳລັງດຳລົງຕຳແໜ່ງນຳພາຂອງ 4 ອົງການຈັດຕັ້ງສາກົນໃນຈຳນວນ 15 ອົງການຈັດຕັ້ງຂອງສະຫະປະຊາຊາດ.

ສະມາຊິກສະພາຈາກພັກ LDP ຂອງຍີ່ປຸ່ນຄົນໜຶ່ງກ່າວວ່າ: “ພວກເຮົາເຫັນພວກເຂົາມີແຜນນຳເອົານະໂຍບາຍຂອງຊາດເຂົາເຂົ້າມາເປັນມາດຕະຖານຂອງສາກົນ ເພື່ອຜົນປະໂຫຍດຂອງປະເທດຊາດ”.

ຂ່າວ: ລູກເມືອງພວນ(ແຫຼ່ງຂ່າວ tienphong)

 

ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ - lattana banner - ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ
ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ -    AD conten website - ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ
ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ - lattana banner 1 - ຄົນຈີນ ດຳລົງຫຼາຍຕຳແໜ່ງໃນສະຫະປະຊາຊາດ, ຍີ່ປຸ່ນຍາກຊ່ວງເສັງ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!