ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ

ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ - 88 1 - ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ
ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ - Untitled design - ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ

ວັນທີ 16 ມີຖຸນານີ້, ສະພາແຫ່ງຊາດຫວຽດນາມ ໄດ້ລົງຄະແນນສຽງຜ່ານຮ່າງກົດໝາຍສະບັບປັບປຸງວ່າດ້ວຍ: ຊາວໜຸ່ມ ດ້ວຍຄະແນນສຽງສ່ວນຫຼາຍ 441/449 .

ກ່ອນທີ່ຈະຜ່ານຮ່າງກົດໝາຍດັ່ງກ່າວ, ຫົວໜ້າຄະນະກຳມາທິການວັດທະນະທຳການສຶກສາຊາວໜຸ່ມເຍົາວະຊົນ ທ່ານ ຟານແທັງບິ່ງ ໃຫ້ຮູ້ວ່າ: ມີບາງຄຳຄິດເຫັນສະເໜີໃຫ້ມີການຄົ້ນຄວ້າລະອຽດຖີ່ຖ້ວນກ່ອນຖ້າຈະສ້າງຕັ້ງເປັນກະຊວງຊາວໜຸ່ມ ຫຼື ກະຊວງຊາວໜຸ່ມ ແລະ ກີລາ ບົນພື້ນຖານລະບົບການຈັດຕັ້ງຂອງຊາວໜຸ່ມຄອມມຸຍນິດ ໂຮ່ຈິມິນ.

ຄະນະປະຈຳສະພາແຫ່ງຊາດ ຊີ້ແຈງວ່າ: ການຄົ້ນຄວ້າສ້າງຕັ້ງກະຊວງຮັບຜິດຊອບຊາວໜຸ່ມ ແມ່ນບົນພື້ນຖານລະບົບການຈັດຕັ້ງຂອງຄະນະຊາວໜຸ່ມຄອມມຸຍນິດ ໂຮ່ຈິມິນ ເພື່ອແນໃສ່ຍົກສູງປະທິດທິຜົນຂອງວຽກງານຄຸ້ມຄອງລັດ ຕໍ່ກັບຊາວໜຸ່ມນັ້ນ ແມ່ນໃຫ້ສົມເຫດສົມຜົນ.

ທ່ານ ບິ່ງກ່າວວ່າ: “ບັນຫາດັ່ງກ່າວເປັນບັນຫາສຳຄັນ ຊຶ່ງມັນຕິດພັນກັບຮູບການຈັດຕັ້ງຂອງລັດຖະບານ ແລະ ໃນລະບົບການເມືອງ ຈຶ່ງຈຳຕ້ອງຄົ້ນຄວ້າໃຫ້ເລິກເຊິ່ງ, ລະອຽດຖີ່ຖ້ວນ ແລະ ຜ່ານບັນດາອົງການຈັດຕັ້ງທີ່ກ່ຽວຂ້ອງປະກອບຄຳຄິດຄຳເຫັນ, ຕົກລົງໃນເວລາທີ່ເໝາະສົມ”.

ມີບາງຄຳເຫັນສະເໜີວ່າ: ໃຫ້ຍົກໄປຂຶ້ນກັບກະຊວງວັດທະນະທຳ, ກີລາ ແລະ ທ່ອງທ່ຽວ ຊຶ່ງເຮັດໜ້າທີ່ຄຸ້ມຄອງລັດຕໍ່ກັບຊາວໜຸ່ມ, ມີບາງຄຳຄິດເຫັນບໍ່ໄດ້ກຳນົດລະອຽດກ່ຽວກັບກະຊວງຮັບຜິດຊອບບັນຫາຊາວໜຸ່ມ.

ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ - Wave100S AD to Website 2020 0 - ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ

ຄະນະປະຈຳສະພາແຫ່ງຊາດ ໃຫ້ຮູ້ວ່າ: ການຈັດຕັ້ງປະຕິບັດກົດໝາຍໃນຊຸມປີຜ່ານມາໃຫ້ເຫັນວ່າ ໜຶ່ງໃນສາເຫດທີ່ພາໃຫ້ມີຄວາມຫຍຸ້ງຍາກ, ສັບສົນໃນການຈັດຕັ້ງປະຕິບັດຄຸ້ມຄອງລັດຕໍ່ຊາວໜຸ່ມນັ້ນ ແມ່ນຍ້ອນການປະສານງານກັນລະຫວ່າງບັນດາກະຊວງ, ຂະແໜງການ ແລະ ທ້ອງຖິ່ນຍັງມີຄວາມຈຳກັດ ໃນຂະນະດຽວກັນ ຊາວໜຸ່ມແມ່ນເປົ້າໝາຍທີ່ພົວພັນເຖິງຫຼາຍຂົງເຂດໃນສັງຄົມ.

ເພື່ອປັບປຸງຄວາມຫຍຸ້ງຍາກໃນການຄຸ້ມຄອງລັດຕໍ່ຊາວໜຸ່ມໃນໄລຍະຜ່ານມາ, ຄະນະປະຈຳສະພາແຫ່ງຊາດໄດ້ອະນຸຍາດໃຫ້ກະຊວງພາຍໃນສືບຕໍ່ ແລະ ຮັບຜິດຊອບຕໍ່ລັດຖະບານໃນການຄຸ້ມຄອງລັດຕໍ່ຊາວໜຸ່ມຕາມທີ່ກົດໝາຍໄດ້ກຳນົດ. ພ້ອມດຽວກັນນັ້ນໄດ້ຮຽກຮ້ອງໃຫ້ລັດຖະບານ, ກະຊວງພາຍໃນຈົ່ງໄດ້ປັບປຸງກົງຈັກການຈັດຕັ້ງ, ຖັນແຖວພະນັກງານເຮັດວຽກງານຄຸ້ມຄອງລັດຕໍ່ຊາວໜຸ່ມ, ເພີ່ມທະວີການປະສານສົມທົບໃຫ້ແໜ້ນແຟ້ນລະຫວ່າງກະຊວງພາຍໃນ, ບັນດາຂະແໜງການ ແລະ ທ້ອງຖິ່ນ ແລະ ຄະນະຊາວໜຸ່ມ ເພື່ອຕອບສະໜອງຄວາມຮຽກຮ້ອງຕ້ອງການທີ່ມີຜົນສັກສິດ, ປະສິດທິຜົນໃນການຄຸ້ມຄອງລັດຕໍາຊາວໜຸ່ມ.

ຂ່າວ: ລູກເມືອງພວນ(ແຫຼ່ງຂ່າວ vietnamnet)

ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ - WhatsApp Image 2020 05 27 at 5 - ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ
ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ - WhatsApp Image 2020 05 27 at 5 - ການສ້າງຕັ້ງກະຊວງຊາວໜຸ່ມ ຄວນຄົ້ນຄວ້າໃຫ້ລະອຽດຖີ່ຖ້ວນ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!