ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ

ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ - 56 1 - ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ
ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ - AGL banner - ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ

ຮ່າຫວຽດຢຸງ ເກີດເມື່ອປີ 1987 ໃນຄອບຄົວຊາວໄຮ່ນາ ໃນເຂດ ຮວາບິງ ສສ ຫວຽດນາມ. ແຕ່ອາຍຸໄວເຍົາ ຢຸງ ຕ້ອງຍ່າງເຂົ້າປ່າຖາງໄຮ່, ຫາຟືນ ຊ່ວຍຄອບຄົວ. ເຖິງແມ່ນວ່າ ຢຸງ ຈະເຕີບໃຫ່ຍຂຶ້ນຢູ່ດິນແດນແຫ່ງເຂື່ອນໄຟຟ້າທີ່ໃຫ່ຍທີ່ສຸດຂອງຫວຽດນາມກໍຕາມ, ຈົນມາເຖິງປີ 2000 ຄອບຄົວຂອງຮ່າຫວຽດຢຸງ ຈິ່ງມີໄຟຟ້າໃຊ້.

ໃນອາຍຸໄວໜຸ່ມ ຮ່າຫວຽດຢຸງ ເຄີຍມີຊີວິດຜ່ານຮ້ອນຜ່ານໜາວກັບຫຼາຍວິຊາຊີບທີ່ລົ້ມລຸກຄຸກຄານແຕກຕ່າງກັນອອກໄປ: ເປັນກຳມະກອນເກັບກວາດຂີ້ເຫຍື້ອ, ລ້າງເສັ້ນທາງໃນຕົວເມືອງຮ່າໂນ້ຍ, ເປັນກຳມະກອນເຮັດເຄື່ອງເຟິນິເຈີ ແລະ ຮັບໃຊ້ງານດອງຕ່າງໆ ຢູ່ນະຄອນໂຮ່ຈິມີນ.

ມີວັນໜຶ່ງໂດຍບັງເອີນ, ຮ່າຫວຽດຢຸງ ໄດ້ພົບກັບນັກເດີນແບບຄົນໜຶ່ງໄດ້ແນະນຳໃຫ້ເຂົາ ເຂົ້າໄປເຄື່ອນໄຫວໃນບໍລິສັດບັນເທີງ. ປີ 2011 ບິ່ງ ໄດ້ສະໝັກເຂົ້າແຂ່ງຂັນໃນລາຍການ “ນັກເດີນແບບຫວຽດນາມ”.

ໂດຍໄດ້ປຽບທາງຄວາມສູງ 1m84, ຮູບຮ່າງໜ້າຕາພ້ອມກັບທ່າທາງການສະແດງ ໄດ້ຊ່ວຍໃຫ້ ບິ່ງເອົາຊະນະຄູ່ແຂ່ງ ແລະ ໄດ້ຄອງຫຼຽນທອງ ໃນລະດູການແຂ່ງຂັນໃນປີນັ້ນ. ເມື່ອເຂົາເດີນອອກຈາກເວທີສະແດງ ເຂົາໄດ້ມີໂອກາດຖ່າຍພາບໂຄສະນາ ແລະ ເຂົ້າຮ່ວມການສະແດງຫຼາຍລາຍການໃນຕໍ່ມາ.

ແຕ່ດ້ວຍລຳແຂ່ງຂອງຕົນເອງ ບໍ່ມີບ່ອນເພິ່ງພາອາໄສໃນນະຄອນໂຮ່ຈິມິນ, ລາຍຮັບເປັນນັກແບບບໍ່ພຽງພໍທີ່ຈະລ້ຽງຊີບຕົນເອງ. ຫຼັງຈາກນັ້ນ ຮ່າຫວຽດຢຸງ ໄດ້ຕັດສິນໃຈເປີດຮ້ານຂາຍນໍ້າອ້ອຍຢູ່ຕາມແຄມທາງຄົນຍ່າງ ເພື່ອໃຫ້ມີລາຍຮັບເພີ່ມ ດ້ວຍຄວາມອົດກັ້ນອົດທົນ ວົນວຽນບົ່ມຊ່ອນໄວ້ໃນໃຈຂອງຄວາມທຸກ. ມື້ໜຶ່ງໂດຍບັງເອີນ ບິ່ງໄດ້ພົບກັບ ຊາຍແບບ ຈາງເຈີນ ເຂົາຈຶ່ງໄດ້ແບ່ງປັນເລື່ອງລາວຄວາມໃນໃຈຂອງ ຮ່າຫວຽດຢຸງ ອອກໃນສື່ໜ້າສັງຄົມ.

ໄລຍະນັ້ນ ໄດ້ຮັບຄວາມສົນໃຈຈາກສັງຄົມ ແລະ ສື່ມວນຊົນຢ່າງມາກມາຍກ່າຍກອງ ຈົນໄດ້ຮັບສັນຍານາມວ່າ: ຊາຍແບບຂາຍນໍ້າອ້ອຍ, ຊາຍດັງຂາຍນໍ້າອ້ອຍ ແລະ ອື່ນໆ

ປີ 2012 ເປັນປີຫັນປ່ຽນຊີວິດຂອງ ຮ່າຫວຽດຢຸງ ໃນເມື່ອມີນັກສະແດງ ໂງກວາງຮາຍ  ໄດ້ເຊື່ອເຊີນໃຫ້ເຂົາຮັບເປັນຕົວລະຄອນເອກໃນຮູບເງົາເລື່ອງ “ລະດູແລ້ງໜາວ”.

ໃນເມື່ອໄດຮັບເປັນຕົວລະຄອນໃຫ່ຍເປັນຄັ້ງທຳອິດ ເຂົາໄດ້ຮັບຄວາມນິຍົມສູງຈາກສັງຄົມໃນການສະແດງຂອງເຂົາ. ເມື່ອມີອາຊີບທີ່ໂດ່ງດັງແລ້ວ ເຂົາກໍປະອາຊີບຂາຍນໍ້າອ້ອຍໄປ ເພື່ອພັດທະນາເປັນນັກສະແດງ.

ຕໍ່ຈາກນັ້ນເຂົາໄດ້ຮັບໜ້າທີ່ເປັນຕົວລະຄອນສະແດງໃນຮູບເງົາຫຼາຍໂຄງເລື່ອງເຊັ່ນ: ນັກຄຸ້ມກັນຍິງ, ຄົນຮັກ, ເງິນຜິສິງ, ຮວງກາ…ເມື່ອມີເງື່ອນໄຂດີຂຶ້ນ ເຂົາກໍຊື້ລົດເກັງຄັນໜຶ່ງ ເພື່ອຮັບໃຊ້ໃນການໄປມາໃຫ້ສະດວກ.

ປີ 2018 ເຂົາໄດ້ເຂົ້າສູ່ງານວິວາກັບສາວຄົນງາມອາຍຸຫຼຸດເຂົາ 6 ປີຄົນໜຶ່ງ ຢູ່ແຂວງດຽວກັນ.

ງານວິວາຂອງເຂົາດຳເນີນໄປແບບລຽບງ່າຍ ແລະ ມິດງຽບ ເຊີນແຕ່ນັກສະແດງທີ່ຮັກແພງໃກ້ສິດຈຳນວນໜຶ່ງເທົ່ານັ້ນ. ແຕ່ງງານບໍ່ທັນໄດ້ດົນ ກໍຖືກສື່ສັງຄົມອອນລາຍ ສ້າງກະແສຮືຮາຢ່າງຄຶກໂຄມ.

ເຖິງຢ່າງໃດກໍຕາມເຂົາກໍຍັງດຳເນີນການສະແດງ ແລະ ຮັກສາຄວາມສຸກຂອງຄອບຄົວໄວ້ໃຫ້ໄດ້. ເດືອນກັນຍາ ປີ 2019 ຮ່າຫວຽດຢຸງ ໄດ້ລູກສາວທີ່ໜ້າຮັກ ສຸດຫົວໃຈ. ປັດຈຸບັນ ເຂົາພ້ອມລູກເມຍກຳລັງມີຊີວິດຄວາມສຸກກັບລູກນ້ອຍຢູ່ທີ່ບ້ານເກີດ ຮວາບິ່ງ.

ຂ່າວ: ລູກເມືອງພວນ ( ແຫຼ່ງຂ່າວ tintuconline)

 

 

 

 

ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ - lattana banner 1 - ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ
ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ - lattana banner - ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ
ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ -    AD conten website - ຕົ້ນທຶນຊາຍແບບ ຈາກການເກັບກວາດຂີ້ເຫຍື້ອ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!