ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ

ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ - Time fo an Adventure 28 - ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ
ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ - Untitled design - ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ

ໃນວັນທີ 18 ມິຖຸນານີ້, ຄະນະກຳມະການຄຸ້ມຄອງອິນເຕີເນັດແຫ່ງຊາດ (ຄຄອຊ) ໄດ້ທົບທວນ ວຽກງານ 6 ເດືອນຜ່ານມາ  ແລະ ວາງແຜນການດໍາເນີນງານໃນຕໍ່ຫນ້າ ໂດຍການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ, ທັງເປັນປະທານຄະນະກຳມະການຄຸ້ມຄອງອິນເຕີເນັດແຫ່ງຊາດ.

ທ່ານຮອງນາຍົກ ກ່າວວ່າ: ໄລຍະ 6 ເດືອນຜ່ານມາ, ຄຄອຊ ໄດ້ເອົາໃຈໃສ່ເຄື່ອນໄຫວງານການຄຸ້ມຄອງອິນເຕີເນັດແຫ່ງຊາດຢ່າງມີປະສິດທິພາບ ເພື່ອເກັບກຳສະພາບການທີ່ພົ້ນເດັ່ນເກີດຂຶ້ນໃນໂລກ ໂດຍສະເພາະແມ່ນຜະເຊີນຫນ້າກັບການລະບາດຂອງພະຍາດໂຄວິດ-19 ອັນໄດ້ສົ່ງຜົນກະທົບເປັນວົງກວ້າງ ເຮັດໃຫ້ມີການພົວພັນຂອງຄົນໃນສັງຄົມ ແລະ ການດຳລົງຊີວິດແບບໃໝ່ເກີດຂຶ້ນ ໂດຍພວກເຮົາຫຍັບເຂົ້າໃກ້ການຫັນເປັນດິຈີຕອນຫລາຍຂຶ້ນ, ແຕ່ເຖິງຢ່າງໃດກໍຕາມ ຍັງມີປະກົດການຮົ່ວໄຫລຂອງຂໍ້ມູນ ແລະ ເອກະສານຕ່າງໆ, ການໂຈມຕີຕໍ່ຕ້ານແນວທາງການນຳພາຂອງພັກ, ລັດ ທີ່ຖືກສົ່ງຕໍ່ຜ່ານສື່ສັງຄົມອອນລາຍ ເຊິ່ງບັນຫາດັ່ງກ່າວເປັນສິ່ງທ້າທ້າຍທີ່ຈະຕ້ອງໄດ້ສືບຕໍ່ແກ້ໄຂ.

ໃນໂອກາດດຽວກັນ, ຫົວໜ້າສູນອິນເຕີເນັດແຫ່ງຊາດ, ຫົວໜ້າກອງເລຂາຄະນະກຳມະການຄຸ້ມຄອງອິນເຕີເນັດແຫ່ງຊາດ ໃຫ້ຮູ້ວ່າ: 6 ເດືອນຜ່ານມາ ຄຄອຊ ໄດ້ເອົາໃຈໃສ່ຈັດຕັ້ງປະຕິບັດວຽກງານຢ່າງຕັ້ງໜ້າ ໂດຍສະເພາະການໂຄສະນາເຜີຍແຜ່ຜົນດີ, ຜົນຮ້າຍຂອງການນຳໃຊ້ສື່ສັງຄົມອອນລາຍຜ່ານຫລາຍຊ່ອງທາງເຊັ່ນ: ສື່ສັງຄົມອອນລາຍ, ໂທລະພາບ, ວິທະຍຸ, ໜັງສືພິມ ແລະ ເວັບໄຊທາງການຂອງບາງຂະແໜງການ, ໄດ້ແກ້ໄຂການພະນັນອອນລາຍ, ກວດກາການນຳໃຊ້ຄື້ນຄວາມຖີ່ ແລະ ອິນເຕີເນັດຄາເຟໃຫ້ບໍລິການຖືກຕ້ອງຕາມກົດໝາຍ, ວຽກງານຂຶ້ນທະບຽນຊິມຄາດ ແລະ ໄດ້ຊຸກຍູ້ການນຳໃຊ້ໄອຊີທີ ເຂົ້າໃນວຽກງານການບໍລິຫານລັດຖະບານ ເຊິ່ງມາຮອດປັດຈຸບັນ ບາງຂະແໜງໄດ້ນຳໃຊ້ຊ່ອງທາງອອນລາຍຫລາຍຂຶ້ນ ແນໃສ່ສ້າງຄວາມສະດວກ, ວ່ອງໄວ ແລະ ທັນສະໄໝ ເພື່ອກ້າວໄປສູ່ການສ້າງລັດຖະບານເອເລັກໂຕຣນິກໃນອານາຄົດ ແລະ ອື່ນໆ.

ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ - Wave100S AD to Website 2020 0 - ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ

ສໍາລັບທິດທາງແຜນການໃນຕໍ່ໜ້າ ຄຄອຊ ຈະສືບຕໍ່ຊີ້ນໍາ, ປັບປຸງ ແລະ ຈັດຕັ້ງປະຕິບັດບັນດານິຕິກຳກ່ຽວກັບວຽກງານຄຸ້ມຄອງໄອຊີທີ, ສືບຕໍ່ສ້າງແຜນແມ່ບົດການຫັນໄປສູ່ການຊຳລະສະສາງແບບດີຈີຕອນ ແລະ ແຜນແມ່ບົດການພັດທະນາເສດຖະກິດດີຈີຕອນຂອງລາວ ເພື່ອສະເໜີລັດຖະບານໃນຂັ້ນຕໍ່ໄປ ແລະ ສົ່ງເສີມການນຳໃຊ້ໃຫ້ແກ່ກະຊວງ, ອົງການລັດຖະບານ ທັງສູນກາງ ແລະ ທ້ອງຖິ່ນໃຫ້ໄດ້ນຳໃຊ້ ແລະ ສາມາດຮັກສາຄວາມປອດໄພ ແນໃສ່ບໍ່ໃຫ້ຂໍ້ມູນສຳຄັນຂອງລັດຖະບານຮົ່ວໄຫລອອກນອກປະເທດ.

ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ - WhatsApp Image 2020 05 27 at 5 - ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ
ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ - WhatsApp Image 2020 05 27 at 5 - ຄະນະກຳມະການຄຸ້ມຄອງອິນເຕີເນັດແຫ່ງຊາດ ທົບທວນວຽກງານ 6 ເດືອນຜ່ານມາ
error: Alert: ເນື້ອຫາຂ່າວມີລິຂະສິດ !!