‘WHO’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ

‘who’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ - 195 - ‘WHO’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ
‘who’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ - AGL banner - ‘WHO’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ

     ຜູ້ອຳນວຍການ​ພາກພື້ນ​ເອີຣົບຂອງ​ອົງການ​ອະນາ​ໄມ​ໂລກ (WHO) ​ເຕືອນ ຫລາຍ​ປະ​ເທດ​ຢູ່​ເອີຣົບຍັງ​ມີ​ຄວາມ​ສ່ຽງ​ສູງ​ຈະ​ຜະ​ເຊີນ​ການລະບາດ​ຂອງ​ໂຄ​ວິດ-19 ຮອບ​ໃໝ່ ​ເຖິງ​ວ່າ​ຈຳນວນ​ຜູ້​ຕິດ​ເຊື້ອຢູ່​ບາງ​ປະ​ເທດ​ເລີ່​ມຫລຸດ​ລົງ.

ສຳນັກງານ​ປະຈຳ​ພາກພື້ນ​ເອີຣົບຂອງ​ອົງການ​ອະນາ​ໄມ​ໂລກ (WHO) ​ແຈ້ງ “​ເຕືອນ​ໄພ” ​ໃນ​ວັນ​ທີ 18 ມິຖຸນາ ​ເນື່ອງ​ຈາກ​ເຫດການ ​ແລະ ຈຳນວນ​ການ​ແຜ່​ລະບາດ​ຂອງ​ໂຄ​ວິດ-19 ​ໃນ​ປະ​ເທດ​ເຂດ​ເອີຣົບຕາ​ເວັນ​ອອກ​ເພີ່ມ​ສູງ​ຂຶ້ນຢ່າງ​ກັງວົນ ​ເຖິງ​ວ່າ​ຈຳນວນ​ຜູ້​ຕິດ​ເຊື້ອຢູ່​ປະ​ເທດ​ເອີຣົບອື່ນໆ​ຈະ​ຫລຸດ​ຕໍ່າລົງ​ໃນ​ໄລຍະ​ຫລາຍ​ອາທິດ​ຜ່ານ​ມາ.

“​ໄລຍະ​ເດືອນ​ຜ່ານ​ມາ ປະ​ເທດ​ໃນ​ເອີຣົບທີ່​ຈຳນວນ​ຜູ້​ຕິດ​ເຊື້ອ​ໃໝ່​ເພີ່ມ​ສູງ ຫລື ມີ​ຄວາມ​ສ່ຽງ​ຕໍ່​ການ​ເກີດ​ພະຍາດ​ໃໝ່​ສູງ ​ເພີ່ມ​ຈຳນວນ​ຂຶ້ນຫລາຍ​ກວ່າ 3 ​ເທົ່າ ຈາກ 6 ປະ​ເທດ​ເປັນ 21 ປະ​ເທດ” ທ່ານ ຮັນ ຄລູ​ເກີ ຜູ້ອຳນວຍການ​ພາກພື້ນ​ເອີຣົບຂອງ WHO ລະບຸ​ລະຫວ່າງ​ກອງ​ປະຊຸມ​ສາມັນ​ເໝືອນ​ຈິງ ຢູ່​ນະຄອນຫລວງ​ໂກ​ເປັນ​ຮາກ ຂອງ​ດານ​ມາກ.

ລາຍ​ງານ​ຂອງ​ທ່ານ ຄລູ​ເກີ ລົ້ມລ້າງ​ຄວາມ​ຄິດ​ເຫັນ​ດ້ານ​ການ​ຮັກສາ​ຄວາມ​ປອດ​ໄພ​ທີ່​ຜິດພາດ​ທີ່​ອ້າງ​ອີງ​ສະຖິຕິ​ຂອງ WHO ທີ່​ເຄີຍ​ລະບຸ​ວ່າ: ຈຳນວນ​ຜູ້​ຕິດ​ເຊື້ອ​ຢູ່​ພາກພື້ນ​ເອີຣົບ “ຮັກສາ​ລະດັບ​ສະ​ເລ່ຍປະມານ 17.000-20.000 ຄົນ​ຕໍ່​ວັນ ​ເນື່ອງ​ຈາກ​ຈຳນວນ​ຜູ້​ຕິດ​ເຊື້ອ​ໃນ​ປະ​ເທດ​ຕ່າງໆ​ຫລຸດ​ຕໍ່າລົງ​​ໃນ​ຫລາຍ​ອາທິດ”.

“​ໂຄ​ວິດ-19 ຍັງ​ແຜ່​ລະບາດ​ຢ່າງ​ໜັກ​ໃນ​ຫລາຍ​ປະ​ເທດ ສິ່ງ​ສຳຄັນ​ທີ່​ສຸດ​ຄື​ເຮົາ​ຕ້ອງ​ເດີນ​ໜ້າ​ຟື້ນຟູ ​ແລະ ສ້າງ​ປະ​ເທດ​ຂຶ້ນມາ​ໃໝ່​ຫລັງ​ການ​ປິດ​ເມືອງ​ຕໍ່​ໄປ” ທ່ານ ຄລູ​ເກີ ກ່າວ ​ແລະ ​ເນັ້ນ​ເຖິງ​ຄວາມ​ສຳຄັນ​ຂອງ​ການ​ດຳ​​ເນີນ​ງານ​ຢ່າງ​ແຂງ​ແຮງ​ຕໍ່​ເນື່ອງ ​ແລະ ຍົກ​ເລີກ​ຂໍ້​ຈຳກັດ​ຢ່າງ​ລະມັດລະວັງ ​ໂດຍ​ຍົກ​ຕົວຢ່າງ​ສະຖານະ​ການ​ຂອງ​ບາງ​ປະ​ເທດ​ທີ່​ເກີດ​ການ​ແຜ່​ລະບາດ​ລະດັບ​ທ້ອງ​ຖິ່ນ​ຫລັງ​​ເປີດ​ໂຮງຮຽນ.

ນອກຈາກ​ນີ້, ທ່ານ ຄລູ​ເກີ ຍັງ​ຮຽກຮ້ອງ​ຕໍ່​ປະ​ເທດ​ໃນ​ພາກພື້ນ​ເອີຣົບ ​ໃຫ້​ສົ່ງ​ເສີມ​ຄວາມ​ພ້ອມ​ດ້ານ​ບໍລິການ​ສຸກ​ເສີນ ​ແລະ ລະບົບ​ສາທາລະນະ​ສຸກ ​ເພາະ​ທ່ານ​ຫວັງ​ວ່າ​ຈະ​ເກີດ​ຜົນ​ລັບ​ດີ​ທີ່​ສຸດ ​ແຕ່​ໃຫ້​ກຽມພ້ອມ​ຮັບ​ມື​ສະຖານະ​ການ​ຮຸນ​ແຮງ​ທີ່​ສຸດ ຖ້າ​ໂຄ​ວິດ-19 ກັບ​ມາ​ແຜ່​ລະບາດ​ອີກ.

‘who’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ - lattana banner - ‘WHO’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ
‘who’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ - lattana banner 1 - ‘WHO’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ
‘who’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ -    AD conten website - ‘WHO’ ເຕືອນເອີຣົບ ‘ສ່ຽງສູງ’ ໂຄວິດລະບາດຮອບສອງ
error: Alert: ເນື້ອຫາຂ່າວມີລິຂະສິດ !!