ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19

ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19 - 196 - ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19
ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19 - Untitled design - ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19

ໃນວັນທີ 19 ມີຖຸນານີ້ ລາວໄດ້ຈັດກອງປະຊຸມປຶກສາຫາລືການຈັດຫາວຽກເຮັດງານທຳໃຫ້ແຮງງານທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ໂດຍພາຍໃຕ້ການເປັນປະເທດຂອງທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີຮອງປະທານສູນສະຫະພັນກໍາມະບານລາວ, ຮອງຫົວໜ້າໂຄສະນາອົບຮົມສູນກາງພັກ, ປະທານສະພາການຄ້າ ແລະ ອຸດສາຫະກຳແຫ່ງຊາດ ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມ.

ກອງປະຊຸມໄດ້ຍົກໃຫ້ເຫັນຜົນກະທົບຕ່າງໆຈາກການລະບາດຂອງພະຍາດ COVID-19 ຕໍ່ການພັດທະນາເສດຖະກິດ-ສັງຄົມ ແລະ ຊີວິດການເປັນຢູ່ຂອງປະຊາກອນຢູ່ໃນໂລກ ເນື່ອງຈາກຫົວໜ່ວຍທຸລະກິດໄດ້ໂຈະ ແລະ ປິດກິດຈະການ ຊຶ່ງເຮັດໃຫ້ຕ້ອງໄດ້ໂຈະ ແລະ ຢຸດການຈ້າງງານເປັນຈຳນວນ ຫລວງຫລາຍ ອີງຕາມການຄາດຄະເນຂອງອົງການແຮງງານສາກົນໃນທົ່ວໂລກຈະມີຜູ້ວ່າງງານສູງເຖິງ 25 ລ້ານຄົນ ຊຶ່ງຈະສູນເສຍລາຍຮັບປະມານ 34.000 ຕື້ໂດລາສະຫະລັດ.

ສຳລັບລາວເຮົາກໍໄດ້ຮັບຜົນກະທົບເປັນຈຳນວນບໍ່ຫນ້ອຍ, ບັນດາຫົວໜ່ວຍແຮງງານ ແລະ ໂຮງຈັກໂຮງງານຫລາຍແຫ່ງກໍໄດ້ໂຈະ ແລະ ປິດກິດຈະການເຊັ່ນກັນ ຊຶ່ງສົ່ງຜົນກະທົບຕໍ່ຜູ້ອອກແຮງງານ ຫລາຍສົມຄວນ ຊຶ່ງຄາດວ່າອັດຕາການວ່າງງານຈະເພີ່ມຂຶ້ນປະມານ 25% ແລະ ເພື່ອແກ້ໄຂສະພາບການດັ່ງກ່າວນັ້ນ ລັດຖະບານເຮົາກໍ່ໄດ້ຕັ້ງໜ່ວຍງານສະເພາະກິດຂັ້ນສູນກາງ, ຂັ້ນກະຊວງ, ຂັ້ນແຂວງ ແລະ ຂັ້ນເມືອງ ໂດຍປະກອບມີຂະແໜງການຕາງໆທີ່ກ່ຽວຂ້ອງ ເພື່ອໃຫ້ການຊ່ວຍເຫລືອຜູ້ອອກແຮງງານຢູ່ພາຍໃນ ແລະ ກັບຈາກຕ່າງປະເທດໃນສະເພາະໜ້າ ແລະ ຍາວນານ ແລະ ຜ່ານມາກໍເຫັນວ່າກົມກອງທີ່ກ່ຽວຂ້ອງກໍໄດ້ເອົາໃຈໃສ່ເປັນຢ່າງດີໃນການປະສານງານ ແລະ ພົວພັນກັບປະເທດຕ່າງໆ ໂດຍສະເພາະແມ່ນປະເທດໄທ ເພື່ອຕິດຕາມສະພາບ ແລະ ບັນຫານະໂຍບາຍຕໍ່ຜູ້ອອກແຮງງານ ແລະ ຮ່ວມກັບສູນບໍລິການ, ບໍລິສັດຈັດຫາງານ ລວມທັງພະແນກແຮງງານ ແລະ ສະຫວັດດີການ-ສັງຄົມແຂວງ ແລະ ນະຄອນຫລວງວຽງຈັນ ເພື່ອຕິດຕາມ ແລະ ໃຫ້ການຊ່ວຍເຫລືອຜູ້ອອກແຮງງານທີ່ເດີນທາງກັບຈາກປະເທດໄທໃນດ້ານຕ່າງໆທີ່ຈຳເປັນ. ພ້ອມນີ້ກໍໄດ້ຈັດກອງປະຊຸມໃນລະດັບວິຊາການກັບບັນດາຂະແໜງການທີ່ກ່ຽວຂ້ອງເພື່ອປຶກສາຫາລື ແລະ ກຳນົດວິທີທາງໃນການຮ່ວມມື ເພື່ອໃຫ້ການຊ່ວຍເຫລືອຜູ້ອອກແຮງງານທີ່ກັບຈາກປະເທດໄທ ແລະ ຜູ້ວ່າງງານຢູ່ພາຍໃນປະເທດເຂົ້າເຖິງການຈ້າງງານ. ສະນັ້ນເພື່ອເປັນການຊ່ວຍໃຫ້ຜູ້ອອກແຮງງານທີ່ກັບຈາກຕ່າງປະເທດໄດ້ຮັບຜົນກະທົບຈາກການລະບາດຂອງໂຄວິດ-19 ແລະ ຜູ້ອອກແຮງງານລາວທີ່ວ່າງງານໄດ້ເຂົ້າເຖິງການມີວຽກເຮັດງານທໍາຕາມເງື່ອນໄຂ ແລະ ຄວາມຕ້ອງການຂອງຫົວໜ່ວຍແຮງງານພາຍໃນປະເທດ ລວມທັງການໄດ້ຮັບຂໍ້ມູນຂ່າວສານທີ່ຖືກຕ້ອງ ແລະ ເຫັນວ່າການມີສ່ວນຮ່ວມຂອງບັນດາກະຊວງ ແລະ ຂະແໜງການຕ່າງໆ ແມ່ນມີຄວາມສຳຄັນ ແລະ ຈຳເປັນທີ່ສຸດ.

ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19 - Wave100S AD to Website 2020 0 - ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19

ດັ່ງນັ້ນ, ກອງປະຊຸມໃນຄັ້ງນີ້ຈະໄດ້ປຶກສາຫາລືເພື່ອສ້າງເງື່ອນໄຂ ແລະ ສ້າງສິ່ງເອື້ອອຳນວຍຄວາມສະດວກໃຫ້ແກ່ກະຊວງແຮງງານ ແລະ ສະຫວັດດີການສັງຄົມໃນການປະສານສົມທົບ ແລະ ຮ່ວມກັບບັນດາຫົວໜ່ວຍແຮງງານຢູ່ຕາມຂະແໜງການຕ່າງໆ ທີ່ຢູ່ພາຍໃຕ້ການຄຸ້ມຄອງຂອງບັນດາກະຊວງຕ່າງໆທີ່ກ່ຽວຂ້ອງ ລວມທັງສະພາການຄ້າ ແລະ ອຸດສາຫາກຳແຫ່ງຊາດ ເພື່ອບັນຈຸຜູ້ຊອກຫາວຽກເຮັດງານທຳເຂົ້າໃສ່ຕຳແໜ່ງງານວ່າງທີ່ມີຢູ່ ແລະ ການໂຄສະນາປະຊາສໍາພັນໃຫ້ແຮງງານລາວສາມາດເຂົ້າເຖິງແຫລ່ງຂໍ້ມູນຂ່າວສານ ແລະ ເຫັນໄດ້ຄວາມສໍາຄັນຂອງການມີວຽກເຮັດງານທຳ.

ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19 - WhatsApp Image 2020 05 27 at 5 - ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19
ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19 - WhatsApp Image 2020 05 27 at 5 - ລາວເລັ່ງປຶກສາຫາລືການຈັດຫາງານໃຫ້ຜູ້ ອອກແຮງງານທີ່ໄດ້ຮັບກະທົບຈາກໂຄວິດ- 19
error: Alert: ເນື້ອຫາຂ່າວມີລິຂະສິດ !!