ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ

ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ - 210 - ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ
ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ - Untitled design - ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ

ໂຄງການປັບປຸງແຕ້ມເສັ້ນ, ໄຟອໍານາດ ແລະ ຕິດຕັ້ງປ້າຍຈະລາຈອນ ຈໍານວນ 8 ເສັ້ນທາງຫລັກພາຍໃນນະຄອນຫລວງວຽງຈັນໄດ້ສຳເລັດຮຽບຮ້ອຍແລ້ວ, ພາຍຫລັງເລີ່ມລົງມືປັບປຸງມາແຕ່ທ້າຍເດືອນກຸມພາ 2020 ເປັນຕົ້ນມາ ໂດຍແມ່ນພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ເປັນເຈົ້າຂອງໂຄງການ ແລະ ຮັບເໝົາໂດຍບໍລິສັດ ລາວມາກເກີ່ ຈໍາກັດ ມູນຄ່າຂອງໂຄງການທັງໝົດ 7,4 ຕື້ກີບ ໂດຍນຳໃຊ້ງົບປະມານຂອງກອງທຶນຄວາມປອດໄພທາງຖະໜົນ ປະຈຳປີ 2020.
ຜູ້ອໍານວຍການບໍລິສັດ ລາວມາກເກີ່ ຈໍາກັດ ໃຫ້ສໍາພາດວ່າ: 8 ເສັ້ນທາງຫລັກທີ່ນອນຢູ່ໃນໂຄງການລວມມີ: ຖະໜົນໄກສອນ ພົມວິຫານ ຍາວ 10,7 ກິໂລແມັດ, ຖະໜົນໜອງບອນ 3,47 ກິໂລແມັດ, ຖະໜົນສາມແສນໄທ 3,2 ກິໂລແມັດ, ຖະໜົນເສດຖາທິລາດ 2 ກິໂລແມັດ, ຖະໜົນເຈົ້າຟ້າງຸ່ມ 2,6 ກິໂລແມັດ, ຖະໜົນສຸພານຸວົງ 6 ກິໂລແມັດ, ຖະໜົນລ້ານຊ້າງ 1,2 ກິໂລແມັດ ແລະ ຖະໜົນທ່າເດື່ອ າວ 10,5 ກິໂລແມັດ ໂດຍໄດ້ອະນາໄມເອົາສີແຕ້ມເສັ້ນທາງເກົ່າອອກແລ້ວແຕ້ມສີໃສ່ໃໝ່ແທນ. ພ້ອມນີ້ ໄດ້ປັບປຸງປ້າຍ ແລະ ໄຟອໍານາດຕາມເສັ້ນທາງເປົ້າໝາຍຄືນໃໝ່ທັງໝົດ.

ຜູ້ອໍານວຍການບໍລິສັດ ໃຫ້ຮູ້ຕື່ມວ່າ: ຜ່ານການປະຕິບັດວຽກງານຕົວຈິງເຫັນວ່າສໍາເລັດຊ້າກວ່າແຜນການທີ່ກໍານົດໄວ້ເລັກຫນ້ອຍ ເນື່ອງຈາກໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ເຮັດໃຫ້ພະນັກງານ ແລະ ກໍາມະກອນຂອງບໍລິສັດຕ້ອງຢຸດເຮັດວຽກງານຫລາຍກວ່າ 20 ມື້. ແຕ່ດ້ວຍຄວາມເອົາໃຈໃສ່ຂອງບໍລິສັດ ແລະ ການຊີ້ນໍາຂອງເຈົ້າຂອງໂຄງການຢ່າງໃກ້ສິດ ເຮັດໃຫ້ມາຮອດປັດຈຸບັນທຸກໜ້າວຽກຂອງໂຄງການສໍາເລັດໝົດແລ້ວ ຄາດວ່າຈະມີພິທີມອບ-ຮັບຜົນສໍາເລັດຂອງໂຄງການກັບພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ພາຍໃນເດືອນມິຖຸນາ 2020 ນີ້.

ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ - Wave100S AD to Website 2020 0 - ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ
ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ - WhatsApp Image 2020 05 27 at 5 - ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ
ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ - WhatsApp Image 2020 05 27 at 5 - ໂຄງການປັບປຸງແຕ້ມເສັ້ນທາງຈະລາຈອນ ໃນນະຄອນຫລວງວຽງຈັນສໍາເລັດແລ້ວ
error: Alert: ເນື້ອຫາຂ່າວມີລິຂະສິດ !!