ລາຄາໄຟຟ້າປັບປຸງໃນໄລຍະ COVID-19 ມີຄືດັ່ງນີ້

ລາຄາໄຟຟ້າປັບປຸງໃນໄລຍະ  covid-19 ມີຄືດັ່ງນີ້ - Time fo an Adventure 10 1 - ລາຄາໄຟຟ້າປັບປຸງໃນໄລຍະ  COVID-19 ມີຄືດັ່ງນີ້
ລາຄາໄຟຟ້າປັບປຸງໃນໄລຍະ  covid-19 ມີຄືດັ່ງນີ້ - Untitled design - ລາຄາໄຟຟ້າປັບປຸງໃນໄລຍະ  COVID-19 ມີຄືດັ່ງນີ້

ລັດວິສາຫະກິດໄຟຟ້າລາວມີແຫຼ່ງ ຜະລິດໄຟຟ້າເປັນຂອງຕົນເອງບໍ່ຫລາຍປະມານ 6%, ແລະ ຕ້ອງໄດ້ຊື້ຈາກບໍລິສັດ ຜະລິດໄຟຟ້າ ລາວ ມະຫາຊົນ (EDL-GEN) 22%, ຈາກຜູ້ຜະລິດໄຟຟ້າເອກະລາດ (IPP/SPP) 58%, ນໍາເຂົ້າ 14% , ຕົກເປັນລາຄາສະເລ່ຍ 6,17ເຊັນ/kWh ຫຼືປະມານ 555ກີບ/kWh (ອັດຕາ ແລກປ່ຽນ 1$=9໐໐໐ກີບ) ທີ່ຍັງບໍ່ລວມໃສ່ ຄ່າຄຸ້ມຄອງ ບໍລິຫານ ແລະ ບໍາລຸງຮັກສາ, ລະບົບ ສາຍສົ່ງ ແລະ ລະບົບຈໍາຫນ່າຍ, ພ້ອມນັ້ນກໍ່ຕ້ອງຊໍາລະຄືນເປັນເງິນຕາເປັນສ່ວນໃຫຍ່. ສ່ວນລາຄາ ຂາຍສະເລ່ຍປີ 2019 ເທົ່າກັບ 656,11 ກີບ/kWh.
ການຄົ້ນຄ້ວາໂຄງສ້າງລາຄາໄຟຟ້າຄືນໃຫມ່ເຫັນວ່າ ມີຄວາມຫຍຸ້ງຍາກທີ່ຈະຮັກສາລາຍຮັບ ຂອງ ຟຟລ ບໍ່ໃຫ້ຖືກກະທົບຫລາຍ ເພາະລັດຖະບານມີນະໂຍບາຍຫຼຸດຄ່າໄຟລົງເພຶ່ອສົ່ງເສີມການ

ຜະລິດເປັນສິນຄ້າຂອງປະຊາຊົນໃຫ້ເຕີບໂຕ, ນອກນັ້ນໂລກລະບາດພະຍາດ COVID-19 ກໍສົ່ງ ຜົນກະທົບໃຫ້ການຊົມໃຊ້ໄຟຟ້າພາກອຸດສາຫະກໍາແລະ ພາກບໍລິການຫຼຸດລົງຫລາຍສົມຄວນ.ແຕ່ ກໍຍັງຫວັງວ່າອຸດສາຫະກໍາປຸງແຕ່ງແຮ່ທາດຈະມີການຂະຫຍາຍໂຕຫລາຍຂື້ນໃນຊຸມປີຕໍ່ຫນ້າອັນໃກ້
ນີ້
ສະນັ້ນ, ເຫັນວ່າ ໂຄງສ້າງລາຄາໄຟຟ້າ ໃນປະຈຸບັນ ຍັງມີລາຄາຕ່ໍາກວ່າ ບັນດາປະເທດໃຫ້ ຄຽງ.
ຕໍ່ໄປ ຂ້າພະເຈົ້າ ຈະນໍາສະເຫນີ ນະໂຍບາຍຫຼຸດລາຄາໄຟຟ້າ ໃນໄລຍະ COVID-19 ຕາມ ການຕົກລົງ ຊີ້ນໍາ ຂອງ ກອງປະຊຸມລັດຖະບານ ປະຈໍາເດືອນ ມິຖຸນາ ນີ້ ເປັນເວລາ 3 ເດືອນ ສໍາ ລັບພາກທີ່ຢູ່ອາໃສ ແຕ່ ເດືອນ 4, 5, 6. ແຕ່ ສໍາລັບລູກຄ້າທ່ານໃດ ໄດ້ຈ່າຍໄປແລ້ວ ໃນເດືອນ 5 ທີ່ຜ່ານມາ ທາງ ລັດວິສາຫະກິດໄຟຟ້າ ຈະໄດ້ໄລ່ລຽງຄືນໃຫ້ ບັນດາລູກຄ້າທຸກທ່ານ. ສ່ວນການ ປັບປຸງໄລຍະຍາວ ແມ່ນ ທາງກະຊວງພະລັງງນແລະບໍ່ແຮ່ ຈະໄດ້ສືບຕໍ່ຄົ້ນຄວ້າ ຮ່ວມກັບ ນັກວິທະຍາສາດ, ນັກເສດຖະສາດ, ນັກຮຽນຮູ້ປັນຍາຊົນ, ປະຊາຊົນ ແລະ ຜູ້ປະກອບການ ເພື່ອນໍາສະເຫນີທາງເລືອກທີ່ເຫມາະສົມທີ່ສຸດ ໃຫ້ແກ່ ລັດຖະບານ ພິຈາລະນາຕົກລົງ ໃນຂັ້ນຕໍ່ໄປ.
ລາຄາໄຟຟ້າປັບປຸງໃນໄລຍະ COVID-19 ມີຄືດັ່ງນີ້: ນໍາໃຊ້ ນະໂຍບາຍລາຄາໄຟຟ້າສໍາລັບພາກທີ່ຢູ່ອາໃສ ທີ່ໄດ້ປະກາດໄປແລ້ວ ມາແກ້ໄຂຄິດໄລ່ ດັ່ງນີ້:
• ສໍາລັບກຸ່ມຜູ້ຊົມໃຊ້ແຕ່ 0-150 kWh/ເດືອນ ແມ່ນຍັງຮັກສາອັດຕາຄູນລາຄາເກົ່າ ຄື
355 ກີບ/kWh. ສ່ວນທີ່ຫຼາຍກວ່າ 151-461 kWh/ເດືອນ ແມ່ນໃຫ້ຕັດ 150 kWh ອອກແລ້ວ ຍັງ ເຫຼືອພະລັງງານເທົ່າໃດຈຶ່ງມາຄູນໃຫ້ລາຄາ 710 ກີບ/kWh. ສ່ວນກຸ່ມຜູ້ຊົມໃຊ້ແຕ່ 462 kWh/ເດືອນ ຂື້ນໄປ ແ ມ່ນຄູນອັດຕາດຽວ 710
ກີບ/kWh. ສັງລວມແລ້ວ, ການປັບປຸງລາຄາແບບໃຫມ່ ໃນໄລຍະ COVID-19 ຈະເຮັດໃຫ້ຜູ້ຊົມໃຊ້ ແຕ່ລະກຸ່ມ ໄດ້ຮັບສ່ວນຫຼຸດ ດັ່ງນີ້:
• ກຸ່ມທີ່ໃຊ້ໄຟ ແຕ່ 28-150 kWh/ເດືອນ ແມ່ນໄດ້ສ່ວນຫຼຸດ ຕາມອັດຕາລາຄາໃຫມ່
ແຕ່ 0,02% ເຖິງ 11,9%. ກຸ່ມທີ່ໃຊ້ໄຟ ແຕ່ 151-461 kWh/ເດືອນ ແມ່ນໄດ້ສ່ວນຫຼຸດ ຕາມອັດຕາລາຄາໃຫມ່ ແຕ່ 11,9% ເຖິງ 16,2%. ສ່ວນກຸ່ມທີ່ໃຊ້ໄຟ ແຕ່ 462 kWh/ເດືອນ ແມ່ນໄດ້ສ່ວນຫຼຸດໄປແລ້ວຕາມອັດຕາ ລາຄາໃຫມ່ ແຕ່ 0,03% ເຖິງ 23,8% ຫລືຫລາຍກວ່ານັ້ນ.

ລາຄາໄຟຟ້າປັບປຸງໃນໄລຍະ  covid-19 ມີຄືດັ່ງນີ້ - Wave100S AD to Website 2020 0 - ລາຄາໄຟຟ້າປັບປຸງໃນໄລຍະ  COVID-19 ມີຄືດັ່ງນີ້
ລາຄາໄຟຟ້າປັບປຸງໃນໄລຍະ  covid-19 ມີຄືດັ່ງນີ້ - WhatsApp Image 2020 05 27 at 5 - ລາຄາໄຟຟ້າປັບປຸງໃນໄລຍະ  COVID-19 ມີຄືດັ່ງນີ້
ລາຄາໄຟຟ້າປັບປຸງໃນໄລຍະ  covid-19 ມີຄືດັ່ງນີ້ - WhatsApp Image 2020 05 27 at 5 - ລາຄາໄຟຟ້າປັບປຸງໃນໄລຍະ  COVID-19 ມີຄືດັ່ງນີ້
error: Alert: ເນື້ອຫາຂ່າວມີລິຂະສິດ !!