ງານວາງສະແດງເຄື່ອງເຮືອນລາວຄັ້ງທີ 2 ຈະຈັດຂຶ້ນຕົ້ນເດືອນ ກໍລະກົດນີ້ທີ່ນະຄອນຫລວງວຽງຈັນ

- advert banner 728 90 728x90 - ງານວາງສະແດງເຄື່ອງເຮືອນລາວຄັ້ງທີ 2 ຈະຈັດຂຶ້ນຕົ້ນເດືອນ ກໍລະກົດນີ້ທີ່ນະຄອນຫລວງວຽງຈັນ

ທ້າຍອາທິດຜ່ານມານີ້, ຄະນະສະມາຄົມເຟີນີເຈີລາວ ໄດ້ຖະແຫລງຕໍ່ສື່ມວນຊົນວ່າ: ງານວາງສະແດງເຄື່ອງເຮືອນລາວຄັ້ງທີ 2 ປະຈຳປີ 2017 ຈະຈັດຂຶ້ນໃນລະຫວ່າງວັນທີ 8-16 ກໍລະກົດນີ້, ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ, ເພື່ອໃຫ້ຫົວໜ່ວຍທຸລະກິດເຟີນີເຈີໄມ້ໃນທົ່ວປະເທດ ໄດ້ນຳເອົາຜະລິດຕະພັນຂອງຕົນມາວາງສະແດງຫລາຍກວ່າ 100 ຫົວໜ່ວຍ ເພື່ອເປັນການສົ່ງເສີມການຊື້-ຂາຍສິນຄ້າ, ທັງເປັນໂອກາດເປີດກວ້າງການແລກປ່ຽນບົດຮຽນ ແລະ ປະສົບການຕ່າງໆລະຫວ່າງບັນດາຫົວໜ່ວຍທຸລະກິດດ້ວຍກັນ ແລະ ເປີດໂອກາດໃຫ້ຜູ້ຊື້ເຂົ້າເຖິງຜູ້ຜະລິດໄດ້ໂດຍກົງ, ນອກນີ້ ພາຍໃນງານຍັງຈະມີກິດຈະກຳຕ່າງໆເຊັ່ນ: ສາທິດການຜະລິດສິນຄ້າ, ຈັບສະຫລາກແຈກໂຊກ ແລະ ກິດຈະກຳ ອື່ນໆຢ່າງຫລວງຫລາຍ ພ້ອມຈະເປັນໂອກາດສຳຄັນໃຫ້ແກ່ຫົວໜ່ວຍທຸລະກິດເຟີນີເຈີ, ໂດຍສະເພາະ ການນຳເອົາຜົນງານໃໝ່ໆທີ່ມີຄຸນຄ່າ ແລະ ມີຄຸນນະພາບດີມາວາງສະແດງ ແລະ ຈຳໜ່າຍ ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມໃນໄລຍະການກ້າວເຂົ້າສູ່ຕະຫລາດພາກພື້ນ ແລະ ສາກົນໃນອະນາຄົດອັນໄກ້ນີ້.

- new3 - ງານວາງສະແດງເຄື່ອງເຮືອນລາວຄັ້ງທີ 2 ຈະຈັດຂຶ້ນຕົ້ນເດືອນ ກໍລະກົດນີ້ທີ່ນະຄອນຫລວງວຽງຈັນ

ງານວາງສະແດງສິນຄ້າເຟີນີເຈີ ແມ່ນຈະຈັດຂຶ້ນໃນທຸກໆປີ, ປີລະ 3 ຄັ້ງຄື: ງານວາງສະແດງຜະລິດຕະພັນເຟີນີເຈີໄມ້ລາວ, ງານວາງສະແດງສິນຄ້າເຟີນີເຈີວຽງຈັນ ແລະ ງານວາງສະແດງເຄື່ອງເຮືອນລາວ.

- lattana 1 - ງານວາງສະແດງເຄື່ອງເຮືອນລາວຄັ້ງທີ 2 ຈະຈັດຂຶ້ນຕົ້ນເດືອນ ກໍລະກົດນີ້ທີ່ນະຄອນຫລວງວຽງຈັນ

 

error: Content is protected !!