ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ

ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ - Time fo an Adventure 41 - ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ
ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ - AGL banner - ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ

ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດພະຍາດໂຄວິດ-19 ກໍຄື ໜ່ວຍງານງົບປະມານ ແລະ ພາລາທິການ ຢືນຢັນວ່າ: ໄດ້ໝູນໃຊ້ ເງິນ ແລະ ເຄື່ອງຊ່ວຍເຫລືອຕ່າງໆ ຕ້ານໂຄວິດ-19 ທີ່ໄດ້ຮັບຈາກພາກລັດ ແລະ ເອກະຊົນ ທັງພາຍໃນ ແລະ ຕ່າງ ປະເທດ ຢ່າງຖືກຕ້ອງ ແລະ ໂປ່ງໃສ ເປັນຕົ້ນ ການຈັດຕັ້ງປະຕິບັດງົບປະມານບ້ວງເງິນແຮສຸກເສີນຂອງລັດຖະບານ(ບ້ວງ 30 ຕື້ກີບ).
ສັງລວມຮອດວັນທີ 31 ພຶດສະພາ 2020 ລັດຖະບານ ໄດ້ອະນຸມັດເງິນແຮສຸກເສີນ ຄັ້ງທີ 1 ຈຳນວນ 10 ຕື້ກີບ ເພື່ອຈັດຊື້ອຸປະກອນການແພດຕ່າງໆ ຮັບໃຊ້ເຂົ້າໃນວຽກງານສາທາລະນະສຸກ ແລະ ອະນຸມັດເງິນແຮສຸກເສີນຄັ້ງທີ 2 ຈຳນວນ 20 ຕື້ກີບ ໃນນັ້ນ, ມອບໃຫ້ ນະຄອນຫລວງ ແລະ ບັນດາແຂວງໃນທົ່ວປະເທດ ຈຳນວນ 15,9 ຕື້ກີບ, ໃຫ້ກະຊວງປ້ອງກັນຄວາມສະຫງົບ 500 ລ້ານກີບ, ຊ່ວຍໜູນ ໃຫ້ນັກສຶກສາລາວຢູ່ເມືອງອູຮັນ ສປ ຈີນ 154 ລ້ານກີບ ແລະ ໃຫ້ຊ່ຽວຊານແພດຈີນ ໄປເຄື່ອນໄຫວວຽກຢູ່ທ້ອງຖິ່ນ 10 ລ້ານກີບ.
ສ່ວນເງິນ ທີ່ໄດ້ຈາກການຊ່ວຍເຫລືອຂອງອົງການຈັດຕັ້ງລັດ ແລະ ພາກສ່ວນຕ່າງໆຂອງສັງຄົມ ໄດ້ທັງໝົດ 11.971.340.998 ກີບ, ສະກຸນເງິນອາເມລິກາ 497.892 ໂດລາສະຫະລັດ ແລະ ສະກຸນເງິນໄທ 4.581.500 ບາດ. ສຳລັບ ການຮັບ-ຈ່າຍເຄື່ອງຊ່ວຍເຫລືອ ແລະ ອຸປະກອນການແພດ ຈາກລັດຖະບານ, ອົງການຈັດຕັ້ງສາກົນ ແລະ ສັງຄົມ ຕ່າງໆ ລວມທັງໝົດ 116 ຄັ້ງ ຈາກ 99 ພາກສ່ວນ ລວມມູນຄ່າເປັນເງິນກີບ 38,9 ຕື້ກີບ, 4,5 ລ້ານໂດລາສະຫະລັດ ແລະ 8 ລ້ານບາດ.
ສຳລັບເຄື່ອງວັດຖຸ ແລະ ອຸປະກອນການແພດ ຕ່າງໆ ທີ່ໄດ້ຈາກບ້ວງລັດຖະບານ ຈັດຊື້ ແລະ ຮັບ ຈາກການຊ່ວຍເຫລືອຂອງສັງຄົມ, ຄະນະສະເພາະກິດ ໄດ້ມີການເບີກຈ່າຍ ແລະ ແຈກຢາຍ ໃຫ້ບັນດາໂຮງໝໍສູນກາງ, ໂຮງໝໍປິ່ນປົວໂຄວິດ-19 ແລະ ພາກສ່ວນອື່ນໆ ໃນຂອບເຂດທົ່ວປະເທດ. ນອກນັ້ນ ຍັງໄດ້ແຈກຢາຍເຄື່ອງອຸປະໂພກ-ບໍລິໂພກ ເປັນຕົ້ນ ເຂົ້າສານ, ປາກະປ໋ອງ, ສະບູ, ຜ້າອັດປາກ-ດັງ ແລະ ອື່ນໆ ໃຫ້ບັນດາສູນກັກກັນຊົ່ວຄາວ ໃນຂອບເຂດທົ່ວປະເທດ ຕື່ມອີກ. ຢ່າງໃດກໍຕາມ ການຄຸ້ມຄອງວັດຖຸ, ອຸປະກອນການແພດ, ເຄື່ອງຮັບໃຊ້ ທີ່ໄດ້ຈັດຊື້ບ້ວງເງິນແຮສຸກເສີນ ແລະ ການຊ່ວຍເຫລືອ ແມ່ນລວມສູນໃນລະບົບສາງຂອງສູນພາລະທິການການແພດ, ສາມາດຄຸ້ມຄອງຕິດຕາມການ ຮັບ-ຈ່າຍ, ແຍກ ແຕ່ລະວັດຖຸອຸປະກອນ ແລະ ສະຫລຸບລາຍງານຕາມລາຍ ການທີ່ເກີດຂຶ້ນ ໃນແຕ່ລະໄລຍະ.

ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ - lattana banner - ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ
ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ -    AD conten website - ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ
ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ - lattana banner 1 - ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ
ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ - Wave100S AD to Website 2020 0 - ຄະນະສະເພາະກິດ ນຳໃຊ້ເຄື່ອງຊ່ວຍເຫລືອ  ຕ້ານໂຄວິດ-19 ຢ່າງຖືກຕ້ອງ-ໂປ່ງໃສ
error: Alert: ເນື້ອຫາຂ່າວມີລິຂະສິດ !!