ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫລວດ

ກອງປະຊຸມໃຫຍ່ ຄັ້ງທີ vi ຂອງອົງຄະນະພັກກົມໃຫຍ່ຕຳຫລວດ - Time fo an Adventure 43 - ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫລວດ
ກອງປະຊຸມໃຫຍ່ ຄັ້ງທີ vi ຂອງອົງຄະນະພັກກົມໃຫຍ່ຕຳຫລວດ - Untitled design - ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫລວດ

ກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ກົມໃຫຍ່ຕຳຫລວດ ກະຊວງປ້ອງກັນຄວາມສະຫງົບ(ປກສ) ໄດ້ຈັດຂຶ້ນໃນວັນທີ 23 ມິຖຸນາ 2020 ໂດຍການເຂົ້າຮ່ວມຂອງສະຫາຍ ພົທ ວິໄລ ຫລ້າຄໍາຟອງ ເລຂາທິການສູນກາງພັກ ລັດຖະມົນຕີກະຊວງ ປກສ, ມີ ພົຈວ ຄຳກິ່ງ ຜຸຍຫລ້າມະນີວົງ ເລຂາຄະນະພັກ ຫົວໜ້າກົມໃຫຍ່ຕຳຫລວດ, ມີຄະນະພັກກົມໃຫຍ່, ແຂກຮັບເຊີນ ແລະ ສະມາຊິກພັກເຂົ້າຮ່ວມ.

ສະຫາຍ ພົຈວ ຄຳກິ່ງ ຜຸຍຫລ້າມະນີວົງ ກ່າວວ່າ: ຕະຫລອດໄລຍະ 5 ປີຜ່ານມາ ຄະນະພັກກົມໃຫຍ່ຕໍາຫລວດ ໄດ້ເອົາໃຈໃສ່ຊີ້ນຳ-ນຳພາສະມາຊິກພັກ, ພະນັກງານ-ນັກຮົບ ເຊື່ອມຊຶມແນວທາງນະໂຍບາຍຂອງພັກ-ລະບຽບກົດໝາຍຂອງລັດ ແລະ ຄຳສັ່ງ, ຄຳແນະນຳຂອງຂັ້ນເທິງ ເພື່ອສະກັດກັ້ນປະກົດການຫຍໍ້ທໍ້ພາຍໃນພັກ, ນຳພາແຕ່ລະໜ່ວຍພັກຈັດຕັ້ງການຮ່ວມຊີວິດການເມືອງ ໂດຍຖືເອົາການຕຳນິສົ່ງຂ່າວຊ່ວຍເຫລືອ ເຊິ່ງກັນ ແລະ ກັນ ເຊິ່ງສາມາດສ້າງມະຫາຊົນກ້າວໜ້າເຂົ້າຮຽນສະໜັບສະໜູນ ແລະ ຮຽນລະບຽບພັກໄດ້ 10 ຊຸດ ມີ 630 ສະຫາຍ ຍິງ 250 ສະຫາຍ, ຂະຫຍາຍມະຫາຊົນກ້າວໜ້າເຂົ້າພັກສຳຮອງໄດ້ 642 ສະຫາຍ ຍິງ 275 ສະຫາຍ, ເລື່ອນສະມາຊິກພັກສຳຮອງຂຶ້ນສົມບູນ 620 ສະຫາຍ ຍິງ 145 ສະຫາຍ; ໄດ້ນຳພາບັນດາໜ່ວຍພັກເປີດບັ້ນດຳເນີນຊີວິດການເມືອງສ້າງກົມກອງເຂັ້ມແຂງ ໜ່ວຍພັກຮູ້ນຳພາຮອບດ້ານ. ໃນ 5 ປີຜ່ານມາມີໜ່ວຍພັກໄດ້ຮັບນາມມະຍົດໜ່ວຍພັກແຂງຮູ້ນຳພາຮອບດ້ານ ຈຳນວນ 34 ໜ່ວຍພັກ, ໜ່ວຍພັກແຂງ 37 ສະຫາຍ, ໜ່ວຍພັກກາງ 6 ໜ່ວຍ ແລະ ໃນປີ 2019 ໄດ້ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ 90% ໄດ້ 13 ໜ່ວຍພັກ, ສະມາຊິກພັກເຂັ້ມແຂງ 2.929 ສະຫາຍ ຍິງ 407 ສະຫາຍ, ສະມາຊິກພັກແຂງໄດ້  284 ສະຫາຍ ຍິງ 26 ສະຫາຍ, ກາງ 46 ສະຫາຍ ຍິງ 3 ສະຫາຍ.

ດ້ານວຽກງານວິຊາສະເພາະ ໄດ້ຊີ້ນຳ-ນຳພາສະມາຊິກພັກ, ພະນັກງານ-ນັກຮົບສຸມໃສ່ຈັດຕັ້ງປະຕິບັດວຽກວຽກວິຊາສະເພາະ ເປັນຕົ້ນແມ່ນ ໄດ້ແກ້ໄຂບັນຫາຢາເສບຕິດໃນ 5 ປີຜ່ານມາ ໄດ້ແກ້ໄຂຄະດີໄດ້ 12.960 ເລື່ອງ, ຍັງສືບຕໍ່ດຳເນີນ 1.833 ເລື່ອງ, ຢຶດຂອງກາງປະເພດຢາບ້າ 2.619 ກິໂລ, ຢາໄອ໌ 7.237,85 ກິໂລ, ເຮໂລອິນ 856,38 ກິໂລ, ຝິ່ນ 440,70 ກິໂລ, ກັນຊາ 9.672,35 ກິໂລ, ອາວຸດເສິກຈຳນວນໜຶ່ງ, ລົດໃຫຍ່ 466 ຄັນ, ລົດຈັກ 1.878 ຄັນ, ດິນພ້ອມສິ່ງປຸກສ້າງ 311 ຕອນ, ສິ່ງປຸກສ້າງ 117 ຫລັງ, ນອກນັ້ນຍັງມີຊັບສິນເງິນ-ຄຳອີກຈຳນວນໜຶ່ງ.

ກອງປະຊຸມໃຫຍ່ ຄັ້ງທີ vi ຂອງອົງຄະນະພັກກົມໃຫຍ່ຕຳຫລວດ - Wave100S AD to Website 2020 0 - ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫລວດ

ທິດທາງແຜນການໃນຕໍ່ໜ້າ ຈະສືບຕໍ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກ ງານ-ນັກຮົບ ເພື່ອສະກັດກັ້ນປະກົດການຫຍໍ້ທໍ້ພາຍໃນພັກ, ສົ່ງເສີມບົດບາດການນໍາພາ ແລະ ເປັນແກນນໍາ ໂດຍສຸມໃສ່ການໂຄສະນາຂະຫຍາຍພັກຢ່າງໜ້ອຍໃຫ້ໄດ້ປີລະ 100 ສະຫາຍ, ເພີ່ມທະວີການແກ້ໄຂແບບແຜນການນໍາພາໃຫ້ມີຄວາມເປັນເອກະພາບ ເພື່ອຊຸກຍູ້ສ້າງໜ່ວຍພັກປອດໃສເຂັ້ມແຂງ ໜັກແໜ້ນໃຫ້ໄດ້ຕາມເປົ້າໝາຍທີ່ກໍານົດໄວ້.

ໃນກອງປະຊຸມ ຍັງໄດ້ປ່ອນບັດເລືອກເອົາຄະນະພັກກົມໃຫຍ່ຕໍາຫລວດຊຸດໃໝ່ ເຊິ່ງມີຜູ້ລົງສະໝັກ 17 ສະຫາຍ ເລືອກເອົາ 15 ສະຫາຍ; ໃນນີ້ໄດ້ເປັນເອກະພາບເລືອກເອົາ ພົຈວ ຄໍາກິ່ງ ຜຸຍຫລ້າມະນີວົງ ເປັນເລຂາ.

ກອງປະຊຸມໃຫຍ່ ຄັ້ງທີ vi ຂອງອົງຄະນະພັກກົມໃຫຍ່ຕຳຫລວດ - WhatsApp Image 2020 05 27 at 5 - ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫລວດ
ກອງປະຊຸມໃຫຍ່ ຄັ້ງທີ vi ຂອງອົງຄະນະພັກກົມໃຫຍ່ຕຳຫລວດ - WhatsApp Image 2020 05 27 at 5 - ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ຕຳຫລວດ
error: Alert: ເນື້ອຫາຂ່າວມີລິຂະສິດ !!