ນະຄອນຫລວງຈະເລັ່ງສ້ອມແປງເສັ້ນທາງເປ່ເພໃນຕົວເມືອງ

- advert banner 728 90 728x90 - ນະຄອນຫລວງຈະເລັ່ງສ້ອມແປງເສັ້ນທາງເປ່ເພໃນຕົວເມືອງ

   ຫົວໜ້າພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນໃຫ້ຮູ້ເມື່ອບໍ່ດົນນີ້ວ່າ: ປັດຈຸບັນ, ພວມຂຶ້ນແຜນປັບປຸງສ້ອມແປງເສັ້ນທາງທີ່ຊຸດ ໂຊມເປ່ເພໃນຕົວເມືອງນັບທັງທາງປູຢາງ ແລະ ທາງດິນແດງ​ທີ່ເປັນ​ບວກ, ​ເປັນ​ຂຸມ, ເພື່ອຮັບປະກັນໃຫ້ການສັນຈອນໄປມາມີຄວາມສະດວກ, ສະອາດຈົບງາມ ແລະ ປັດຈຸບັນ ຍັງໄດ້ຮັບງົບປະມານຈາກກອງທຶນບູລະນະທາງຫລວງເພື່ອປະຕິບັດໂຄງການແກ້ໄຂການສັນຈອນແອອັດ ແລະ ຫລຸດຜ່ອນອຸປະຕິເຫດໃນຕົວເມືອງ, ໂດຍຈະຕິດຕັ້ງຮາວກັ້ນທາງຍ່າງ ແລະ ອຸປະກອນດ້ານຄວາມປອດໄພຕາມທາງໂຄ້ງ, ທາງແຍກ ແລະ ຈຸດຕ່າງໆ, ຊຶ່ງປັດຈຸບັນພວມຢູ່ໃນຂັ້ນຕອນການແຈ້ງເຊີນໃຫ້ບັນດາບໍລິສັດຕ່າງໆເຂົ້າມາປະມູນໂຄງການດັ່ງກ່າວ.

ຫົວໜ້າພະແນກດັ່ງກ່າວ ໃຫ້ຮູ້ວ່າ: ​ປີຜ່ານມາ, ໄດ້​ສ້ອມ​ແປງ​ທາງ​ປູຢາງ​ໃນ​ນະຄອນຫລວງ​ວຽງ​ຈັນ​ທັງ​ໝົດ 14 ​ເສັ້ນຄື: ​ເສັ້ນທາງ​ທົ່ງ​ສ້າງນາງ-​ໂຮງ​ກາ​ຍະ​ສິນ-ວັດ​ດົງ​ປ່າ​ແຫລບ, ທາງ P3 ຈຸດ 4 ​ແຍກ​ໄຟ​ແດງ​ໂພນ​ຕ້ອງ-ປ້ຳນ້ຳມັນ ປຕທ, ​ເສັ້ນທາງ 4 ​ແຍກ​ສະພານ​ທອງ-ຊາຍ​ແດນ​ເມືອງ​ໄຊ​ເສດ​ຖາ, ​ເສັ້ນທາງ​ແຕ່​ໂຮງຮຽນ​ອີ​ເລັກ​ໂຕຣ-ຕະຫລາດ​ສວນ​ມອນ-ວັດ​ອາມ​ອນ, ​ເສັ້ນທາງ​ແຕ່​ສະພັງ​ໝໍ້-4 ​ແຍກ​ດົງ​ປາຍ​ນາ-​ໂຮງໝໍ 103, ​ເສັ້ນທາງ​ລຽບ​ສະໜາມ​ບິນ, ​ເສັ້ນທາງ​ໂຮງ​ແຮມ​ນະຄອນ​ສັກ-​ເສັ້ນທາງ P3, ​ເສັ້ນທາງ 3 ​ແຍກ​ໂຮງຮຽນ​ກ້າວໜ້າ-ວັດ​ສີສະ​ຫວາດ-3ແຍກລັດ​ວິ​ສາ​ຫະກິດ​ລາວ​ໂທລະ​ຄົມ, ​ເສັ້ນທາງ​ຊອຍ​ຕະຫລາດ​ເຊົ້າ, ​ເສັ້ນທາງ​ຮ່ອມບ້ານ​ໂພນ​ພະ​ເນົາ, ​ເສັ້ນທາງ 3 ​ແຍກ​ຫໍ​ພັກ​ຊີ​ເກ​ມ-3 ​ແຍກ​ນາ​ທົ່ມ-ສີ​ແຍກ​ຄະນະ​ປ່າ​ໄມ້, ​ເສັ້ນທາງ​ດົງ​ໂດກ-ສີ​ເກີດ, ​ເສັ້ນທາງ​ແຕ່ 450-ສະໜາມກິລາ​ຫລັກ16-ຖະໜົນ 13 ​ໃຕ້ ​ແລະ ​ເສັ້ນທາງ​ບູລີ​ຈັນ.

- 1 1 - ນະຄອນຫລວງຈະເລັ່ງສ້ອມແປງເສັ້ນທາງເປ່ເພໃນຕົວເມືອງ
- lattana 1 - ນະຄອນຫລວງຈະເລັ່ງສ້ອມແປງເສັ້ນທາງເປ່ເພໃນຕົວເມືອງ
error: Content is protected !!