ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້

ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້ - 240 - ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້
ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້ - Untitled design - ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້

     ຜູ້ນຳ​ສິງກະ​ໂປ​ປະກາດ​ຍຸບ​ສະພາ​ໃນ​ວັນ​ທີ 23 ມິຖຸນາ​ນີ້ ​ໃນ​ຂະນະ​ທີ່​ປ​ະ​ເທດ​ກຳລັງ​ຫາ​ທາງ​ຟື້ນຕົວ​ຈາກ​ການລະບາດ​ຂອງ​ໂຄ​ວິດ-19, ສ່ວນ​ຄະນະ​ກຳມະການ​ການ​ເລືອກຕັ້ງ ​ເຜີຍ ກຽມ​ຈັດ​ເລືອກ​ຕັ້ງວັນ​ທີ 10 ກໍລະກົດ​ນີ້.

     ນາຍົກລັດຖະມົນຕີ ລີ ຊຽນ ລຸງ ຖະ​ແຫລ​ງຕໍ່​ປະຊາຊົນ​ທົ່ວ​ປະ​ເທດ​ວ່າ: ທ່ານ​ໄດ້​ປຶກສາ​ຫາລື​ກັບ​ປະທານາທິບໍດີ​ສິງກະ​ໂປ ​ເພື່ອ​ຍຸບ​ສະພາ ​ແລະ ຈັດການ​ເລືອກ​ຕັ້ງທົ່ວ​ໄປ​ໃໝ່ ​ໂດຍ​ຈະ​ປະກາດ​ກຳນົດ​ວັນ​ເລືອກ​ຕັ້ງ​ໃນ​ພາຍຫລັງ, ​ແຕ່​ຄາດ​ວ່າ​ອາດ​ຈະ​ຈັດ​ໄດ້​ພາຍ​ໃນ​ເດືອນ​ກໍລະກົດ​ນີ້.

ນາຍົກລັດຖະມົນຕີ ລີ ຊຽນ ລຸງ ຍໍຍ້ອງ​ການ​ຮັບ​ມື​ພະຍາດ​ໂຄ​ວິດ-19 ຂອງ​ພາກ​ລັດ ​ໂດຍ​ກ່າວ​ວ່າ: ສິງກະ​ໂປ​ຕອບ​ສະໜອງ​ການ​ແຜ່​ລະບາດ​ໄດ້​ຢ່າງ​ເດັດຂາດ ​ແລະ ປັດຈຸບັນ ປະ​ເທດ​ເລີ່​ມກັບ​ມາ​ມີ​ສະຖຽນ​ລະ​ພາບ​ແລ້ວ.

“ການ​ເລືອກ​ຕັ້ງທົ່ວ​ໄປ​ຄັ້ງນີ້​ຈະ​ບໍ່​ຄື​ຄັ້ງອື່ນໆທີ່​ເຮົາ​ເຄີຍ​ເຫັນ ​ເພາະ​ບັນຍາກາດ​ອັນ​ເຄັ່ງຂຶມ​ຂອງ​ສະຖານະ​ການ​ພະຍາດ​ລະບາດ ​ແລະ ສາລະພັດ​ບັນຫາ​ຮຸນ​ແຮງ​ທີ່​​ໂຫມ​ເຂົ້າ​ໃສ່​ປະ​ເທດ”.

     ຂະນະ​ທີ່ຄະນະ​ກຳມະການ​ການ​ເລືອກ​ຕັ້ງສິງກະ​ໂປຖະ​ແຫລ​ງ​ໃນ​ເວລາ​ຕໍ່​ມາ​ວ່າ: ຄຳ​ຮ້ອງ​ຂອງ​ນາຍົກລັດຖະມົນຕີ​ໄດ້​ຮັບ​ຄວາມ​ເຫັນ​ພ້ອມ​ຈາກ​ປະທານາທິບໍດີ​ຮຽບຮ້ອຍ​ແລ້ວ ​ໂດຍ​ກຳນົດ​ວັນ​ຮັບ​ສະໝັກ​ເລືອກ​ຕັ້ງຄື​ວັນ​ທີ 30 ມິຖຸນາ ​ແລະ ກຳນົດ​ວັນ​ລົງ​ຄະ​ແນນ​ເລືອກ​ຕັ້ງຄື​ວັນ​ທີ 10 ກໍລະກົດ​ນີ້.

ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້ - Wave100S AD to Website 2020 0 - ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້

      ​ໃນ​ໄລຍະ​ທຳ​ອິດ​ທີ່​ໂຄ​ວິດ​ລະບາດ ສູນ​ກາງ​ທາງ​ການ​ເງິນ​ແຫ່ງ​ນີ້​ໄດ້​ຮັບ​ຄຳ​ຍ້ອງຍໍ​ວ່າ​ສາມາດຄວບ​ຄຸມ​ໄວຣັສ​ໄດ້​ດີ​ດ້ວຍ​ລະບົບ​ກວດ​ເຊື້ອ ​ແລະ ຕິດ​ຕາມ​ກຸ່ມ​ສ່ຽງ​ຢ່າງ​ເຂັ້ມງວດ, ​​ແຕ່​ຕໍ່​ມາ​​ເກີດ​ການລະບາດ​ໃຫຍ່​ຢູ່​ເຂດ​ຫໍ​ພັກ​ແຮງ​ງານ​ຕ່າງປະ​ເທດ​ທີ່ຢູ່​ກັນ​ໜາ​ແໜ້ນ ຈົນ​ເຮັດ​ໃຫ້​ຈຳນວນ​ຜູ້​ຕິດ​ເຊື້ອຢູ່​ສິງກະ​ໂປ​ເພີ່ມ​ຂຶ້ນຢ່າງ​ວ່ອງ​ໄວ.

      ມາ​ຮອດ​ວັນ​ທີ 23 ມິຖຸນາ ສິງກະ​ໂປ​ມີ​ຜູ້​ຕິດ​ເຊື້ອສະ​ສົມ​ຫລາຍ​ກວ່າ 42.000 ຄົນ ສ່ວນ​ຫລາຍ​ເປັນ​ແຮງງານ​ຕ່າງປະ​ເທດ ​ແລະ ຜູ້​ເສຍ​ຊີວິດ​ທັງ​ໝົດ 26 ຄົນ.

​ເຖິງ​ຢ່າງ​ໃດ​ກໍ​ຕາມ, ຫລັງ​ຈາກ​ການລະບາດ​ເລີ່​ມຫລຸດ​ລົງ ​ແລະ ທາງ​ການ​ທະຍອຍ​ຫລຸດຜ່ອນ​ມາດ​ຕະການ​​ເຂັ້ມງວດ​ທາງ​ສັງຄົມ, ພັກ​ກິດ​ປະຊາຊົນ (PAP) ທີ່​ປົກຄອງ​ສິງກະ​ໂປ​ມາ​ຫລາຍ​ກວ່າ 60 ປີ ຈຶ່ງ​ຕັດສິນ​ໃຈ​ເດີນ​ໜ້າ​ສູ່​ການ​ເລືອກ​ຕັ້ງທົ່ວ​ໄປ ​ເຊິ່ງຕາມ​ກຳນົດ​ເກົ່າ​ຕ້ອງ​ຈັດ​ຂຶ້ນພາຍ​ໃນ​ເດືອນ​ເມສາ​ປີໜ້າ.

ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້ - WhatsApp Image 2020 05 27 at 5 - ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້
ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້ - WhatsApp Image 2020 05 27 at 5 - ສິງກະໂປ ປະກາດ ‘ຍຸບສະພາ’ ເລືອກຕັ້ງໃໝ່ 10 ກໍລະກົດນີ້
error: Alert: ເນື້ອຫາຂ່າວມີລິຂະສິດ !!