ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ

ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ - 244 - ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ
ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ - Untitled design - ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ

ໃນຕອນເຊົ້າວັນທີ 24 ມິຖຸນາ 2020 ນີ້, ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ໄດ້ນໍາພາຄະນະເຂົ້າຮ່ວມກອງປະຊຸມແບບທາງໄກລັດຖະມົນຕີຕ່າງປະເທດອາຊຽນ ແບບບໍ່ເປັນທາງການ, ກອງປະຊຸມສະພາປະຊາຄົມການເມືອງ-ຄວາມໝັ້ນຄົງອາຊຽນ ຄັ້ງທີ 21 ແລະ ກອງປະຊຸມສະພາປະສານງານອາຊຽນ ຄັ້ງທີ 26 ພາຍໃຕ້ການເປັນປະທານຂອງລັດຖະມົນຕີຕ່າງປະເທດ ແຫ່ງ ສສ ຫວຽດນາມ ໃນຖານະປະທານໝູນວຽນອາຊຽນ ປີ 2020 ໂດຍມີບັນດາລັດຖະມົນຕີຕ່າງປະເທດອາຊຽນ ແລະ ເລຂາທິການໃຫຍ່ອາຊຽນ ພ້ອມຄະນະເຂົ້າຮ່ວມ.

ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ - 20696   1972232   KETH4540 300x200 - ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ

ໃນກອງປະຊຸມ ລັດຖະມົນຕີຕ່າງປະເທດອາຊຽນແບບບໍ່ເປັນທາງການ ໄດ້ແລກປ່ຽນຄວາມຄິດເຫັນກ່ຽວກັບສະພາບການພົ້ນເດັ່ນໃນພາກພື້ນ ແລະ ສາກົນ ໂດຍສະເພາະຄວາມພະຍາຍາມ ແລະ ມາດຕະການໃນການຮັບມື ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໂດຍຜ່ານການຮ່ວມມືທັງໃນຂອບອາຊຽນ ແລະ ລະຫວ່າງ ອາຊຽນ ກັບຄູ່ເຈລະຈາ ແລະ ຄູ່ຮ່ວມມືພາຍນອກອື່ນໆ ໂດຍສະເພາະການສະໜັບສະໜູນກອງທຶນສຸກເສີນອາຊຽນ ເພື່ອຮັບມື ແລະ ແກ້ໄຂພະຍາດໂຄວິດ-19 ແລະ ຄັງແຮສຸກເສີນພາກພື້ນອາຊຽນດ້ານຢາປົວພະຍາດ ແລະ ອຸປະກອນການແພດ. ນອກນີ້, ກອງປະຊຸມຍັງໄດ້ພິຈາລະນາຂໍ້ສະເໜີຂອງປະເທດຕ່າງໆ ເພື່ອເຂົ້າເປັນພາຄີສົນທິສັນຍາໄມຕິຈິດ ແລະ ການຮ່ວມມືໃນອາຊີ ຕາເວັນອອກສ່ຽງໃຕ້ (ທີເອຊີ) ລວມທັງຂໍ້ສະເໜີເພື່ອເຂົ້າເປັນຄູ່ຮ່ວມມືທາງການຂອງອາຊຽນ, ເຊິ່ງສະແດງອອກເຖິງບົດບາດນໍາພາ ແລະ ການປະກອບສ່ວນສຳຄັນຂອງອາຊຽນ ໃນການປົກປັກຮັກສາສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນພາກພື້ກ ກໍຄື ໃນໂລກ.

ສ່ວນກອງປະຊຸມສະພາປະຊາຄົມການເມືອງ-ຄວາມໝັ້ນຄົງອາຊຽນ ຄັ້ງທີ 21 ແມ່ນໄດ້ຕີລາຄາສູງຄວາມຄືບໜ້າການຈັດ ຕັ້ງປະຕິບັດບັນດາກິດຈະກໍາພາຍໃຕ້ແຜນແມ່ບົດປະຊາຄົມການເມືອງ-ຄວາມໝັ້ນຄົງອາຊຽນ 2025 ໂດຍສະເພາະແມ່ນການສົ່ງເສີມ ແລະ ປົກປັກຮັກສາສັນຕິພາບ ແລະ ສະຖຽນລະພາບໃນພາກພື້ນອາຊຽນ. ກອງປະຊຸມໄດ້ຊຸກຍູ້ໃຫ້ບັນດາຂະແໜງການພາຍໃຕ້ເສົາຄໍ້າປະຊາຄົມການເມືອງ-ຄວາມໝັ້ນຄົງ, ສືບຕໍ່ເພີ່ມທະວີຂອດປະສານງານ ແລະ ຮ່ວມເຮັດວຽກນຳກັນຢ່າງໃກ້ຊິດ ເພື່ອຈັດຕັ້ງປະຕິບັດກິດຈະກຳທີ່ຍັງຄົງຄ້າງໃຫ້ສຳເລັດຕາມຄາດໝາຍ. ພິເສດ, ກອງປະຊຸມຄັ້ງນີ້ ໄດ້ຮັບຊາບຮ່າງບົດລາຍງານເບື້ອງຕົ້ນ ເພື່ອດໍາເນີນການທົບທວນກາງສະໄໝ ການຈັດຕັ້ງປະຕິບັດແຜນແມ່ບົດປະຊາຄົມການເມືອງ-ຄວາມໝັ້ນຄົງອາຊຽນ 2025 ແລະ ໄດ້ມອບໝາຍໃຫ້ພາກສ່ວນກ່ຽວຂ້ອງ ສືບຕໍ່ດຳເນີນການທົບທວນກາງສະໄໝດັ່ງກ່າວ ໃຫ້ສຳເລັດຕາມແຜນການ.

ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ - Wave100S AD to Website 2020 0 - ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ

ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ - 20696   2130816   KETH4549 300x200 - ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ

ກອງປະຊຸມສະພາປະສານງານອາຊຽນ ຄັ້ງທີ 26, ໄດ້ຮັບຊາບຄວາມຄືບໜ້າ ແລະ ຕີລາຄາສູງຕໍ່ຄວາມພະຍາຍາມຂອງອາຊຽນ ໃນການສືບຕໍ່ສ້າງປະຊາຄົມອາຊຽນ ພາຍໃຕ້ການເປັນປະທານອາຊຽນຂອງ ສສ ຫວຽດນາມ ປີ 2020. ກອງປະຊຸມຄັ້ງນີ້ ໄດ້ສຸມໃສ່ກະກຽມທັງທາງດ້ານເນື້ອໃນ, ພະລາທິ ການ ແລະ ພິທີການໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 36 ແບບທາງໄກ ເຊິ່ງຈະຈັດຂຶ້ນໃນວັນທີ 26 ມິຖຸນາ 2020. ພ້ອມນີ້, ກອງປະຊຸມຍັງໄດ້ຮັບຮອງເອົາເອກະສານ ແລະ ບົດລາຍງານຕ່າງໆ ເປັນຕົ້ນບົດລາຍງານຂອງເລຂາທິການໃຫຍ່ອາຊຽນກ່ຽວກັບການຈັດຕັ້ງປະຕິບັດວຽກງານອາຊຽນ; ບົດລາຍງານຂອງມູນນິທິອາຊຽນ; ບົດລາຍງານຂອງຄະນະກໍາມະການຜູ້ຕາງໜ້າຖາວອນ ປະຈໍາອາຊຽນ(ຊີພີອາ); ບົດລາຍງານຄະນະສະເພາະກິດ ຂໍ້ລິເລີ່ມເພື່ອການເຊື່ອມໂຍງອາຊຽນ (ໄອເອໄອ) ແລະ ບົດລາຍງານຂອງຄະນະກໍາມະການປະສານງານ ການເຊື່ອມຈອດອາຊຽນ (ເອຊີຊີຊີ), ເຊິ່ງບົດລາຍງານທັງໝົດນີ້ ຈະນຳສະເໜີຕໍ່ກອງປະຊຸມສຸດຍອດຜູ້ນຳອາຊຽນ ຄັ້ງທີ 36 ຮັບຊາບ. ພິເສດ, ກອງປະຊຸມຄັ້ງນີ້ ຍັງໄດ້ຮັບຊາບຄວາມຄືບໜ້າໃນການຈັດຕັ້ງຜັນຂະຫຍາຍຜົນກອງປະຊຸມສຸດຍອດທາງໄກ ສະໄໝພິເສດຂອງຜູ້ນໍາອາຊຽນ  ແລະ ກອງປະຊຸມສຸດຍອດທາງໄກ ສະໄໝພິເສດຂອງຜູ້ນໍາອາຊຽນບວກສາມກ່ຽວກັບການແຜ່ລະບາດຂອງພະຍາດ ໂຄວິດ-19 ຄັ້ງວັນທີ 14 ເມສາ 2020 ຜ່ານມາ ໂດຍສະເພາະຄວາມຄືບໜ້າໃນການສ້າງຕັ້ງກອງທຶນສຸກເສີນ ແລະ ຄັງແຮສຸກເສີນອຸປະກອນການແພດ/ຢາປົວພະຍາດ ເພື່ອຕ້ານ, ຮັບມື ແລະ ແກ້ໄຂການລະບາດຂອງພະຍາດໂຄວິດ-19, ແລະ ການຈະຮ່າງແຜນຟື້ນຟູເສດຖະກິດຮອບດ້ານ ຫລັງໂຄວິດ-19. ສຸດທ້າຍ, ກອງປະຊຸມ ໄດ້ເຫັນດີຮັບຮອງເອົາທ່ານ Robert Matheus Michael Tene ຈາກອິນໂດເນເຊຍ ເປັນຮອງເລຂາທິການໃຫຍ່ອາຊຽນ ຮັບຜິດຊອບວຽກເສົາຄໍ້າປະຊາຄົມການ ເມືອງ-ຄວາມໝັ້ນຄົງອາຊຽນ ໃນສົກປີ 2021-2024 ປ່ຽນແທນຮອງເລຂາທິການໃຫຍ່ອາຊຽນເສົາຄ້ຳດັ່ງກ່າວຄົນປະຈຸບັນ ຈາກ ສສ ຫວຽດນາມ ຕາມຮອບວຽນ.

ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ - WhatsApp Image 2020 05 27 at 5 - ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ
ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ - WhatsApp Image 2020 05 27 at 5 - ລາວ ເຂົ້າຮ່ວມກອງປະຊຸມທາງໄກລັດຖະມົນຕີ ຕ່າງປະເທດອາຊຽນ ແບບບໍ່ເປັນທາງການ
error: Alert: ເນື້ອຫາຂ່າວມີລິຂະສິດ !!