ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ

ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ - 556 1 - ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ
ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ - Untitled design - ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ

ຂ່າວສານປະເທດຈີນ ໃຫ້ຮູ້ວ່າ ໃນກອງປະຊຸມທາງໄກ ກັບຄູ່ຮ່ວມຕຳແໜ່ງຂອງລັດເຊຍ, ອິນເດຍ, ລັດຖະມົນຕີການຕ່າງປະເທດຈີນ ທ່ານ ຫວັງຢີ້ (Wang Yi) ຮຽກຮ້ອງໃຫ້ສາມປະເທດ ສົ່ງສັນຍານທີ່ດີໃຫ້ແກ່ໂລກຮັບຮູ້ການຮ່ວມມືໂດຍຜ່ານການຕ້ານການແຜ່ລະບາດຂອງພະຍາດໂຄວິດ-19, ເພື່ອພັດທະນາເສດຖະກິດ ແລະ ຮັບປະກັນຄວາມຍຸຕິທຳຂອງໂລກ.

ໃນກອງປະຊຸມ, ທ່ານຫວັງຢີ້ ໃຫ້ຮູ້ວ່າ: ໂຄວິດ-19 ກຳລັງຄຸກຄາມມວນມະນຸດທີ່ບໍ່ເຄີຍມີມາກ່ອນ ພ້ອມດຽວກັນນັ້ນເສດຖະກິດທົ່ວໂລກກໍກຳລັງຕົກຢູ່ໃນສະຖານະການຖອຍຫຼັງທີ່ບໍ່ເຄີຍມີມາກ່ອນເຊັ່ນດຽວກັນ. ສ່ວນສະຖານະການຄວາມສະຫງົບຂອງໂລກກໍພົບກັບຫຼາຍສິ່ງທ້າທາຍທົດສອບໃໝ່.

ຕໍ່ໜ້າສະຖານະການດັ່ງກ່າວ, ຈີນ, ຣັດເຊຍ ແລະ ອິນເດຍ ຄວນສືບຕໍ່ໃຫ້ຄຳໝັ້ນສັນຍາຕໍ່ສາກົນ, ໃນນັ້ນສະຫະປະຊາຊາດເປັນເສົາຄໍ້າທີ່ສຳຄັນ ແລະ ຄວາມເປັນລະບຽບຮຽບຮ້ອຍຂອງສາກົນກໍຕ້ອງບົນພື້ນຖານກົດໝາຍສາກົນ, ເພີ່ມທະວີການຮ່ວມມືຫຼາຍຝ່າຍ ຍູ້ແຮງການຄຸ້ມຄອງໂລກໃຫ້ດີຂຶ້ນ. ທ່ານ ຫວັງຢີ້ ຮຽກຮ້ອງໃຫ້ສາມປະເທດເປີດອົກເປີດໃຈ ສາມັກຄີກັນ, ເຊື່ອໝັ້ນເຊິ່ງກັນແລະ ກັນເພື່ອການຮ່ວມມື, ສ້າງຄວາມເປັນເອກກະພາບ, ສ້າງແຜນການຮ່ວມມື ແລະ ສົ່ງສັນຍານທີ່ຕັ້ງໜ້າຕໍ່ໂລກ.

ທ່ານກ່າວຢໍ້າວ່າ: ສາມປະເທດຄວນເພີ່ມທະວີການແລກປ່ຽນ, ສົມທົບກັນພາຍໃຕ້ຂອບຂອງສະຫະປະຊາຊາດ, ຮ່ວມມືກັນຢ່າງມີປະສິດທິຜົນ ແລະ ຈິງໃຈ. ເສີມຂະຫຍາຍບົດບາດຂອງສະຫະປະຊາຊາດ ເພື່ອຮັບປະກັນໃຫ້ແກ່ສັນຕິພາບ ແລະ ການພັດທະນາລວມ ພິເສດແມ່ນການແກ້ໄຂບັນດາສິ່ງທ້າທາຍຂອງໂລກ.

ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ - Wave100S AD to Website 2020 0 - ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ

ກ່ອນໜ້ານັ້ນ, ກ່າວໄຂກອງປະຊຸມ, ລັດຖະມົນຕີການຕ່າງປະເທດລັດເຊຍ Sergey Lavrov ຢືນຢັນວ່າ: ຣັດເຊຍ, ອິນເດຍ ແລະ ຈີນສະໜັບສະໜູນການສ້າງສາຍພົວພັນລະຫວ່າງບັນດາປະເທດນຳກັນບົນພື້ນຖານກົດໝາຍສາກົນ ເພື່ອຮັບປະກັນຄວາມສະຫງົບ ແລະ ຄວາມວັດທະນາຖາວອນລວມທົ່ວໂລກ.

ລັດຖະມົນຕີການຕ່າງປະເທດຣັດເຊຍ ເຊື່ອໝັ້ນວ່າ ການເສີມຂະຫຍາຍຄວາມອາດສາມາດຂອງສາມປະເທດນັ້ນ ຈະສືບຕໍ່ສ້າງບົດບາດທີ່ໝັ້ນຄົງຖາວອນ ແລະ ສຳຄັນ ໃນບັນຫາຕ່າງໆຂອງໂລກ ແລະ ການສ້າງຕັ້ງບັນດາຫຼັກການຂອງຫຼາຍຝ່າຍ.

ຂ່າວ: ລູກເມືອງພວນ

ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ - WhatsApp Image 2020 05 27 at 5 - ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ
ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ - WhatsApp Image 2020 05 27 at 5 - ລັດຖະມົນຕີການຕ່າງປະເທດ ຈີນ ຮຽກຮ້ອງໃຫ້ມີການຮ່ວມມືລະຫວ່າງຈີນ-ຣັດເຊຍ-ອິນເດຍ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!