ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ

ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ - 21111 - ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ
ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ - Untitled design - ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ

ໂດຍ: ມຶກບໍ່ແຫ້ງ

ການ​ລະ​ບາດ​ຂອງ​ພະ​ຍາດໂຄ​ວິດ 19 ນັ້ນໄດ້​ປ່ຽນ​ແປງການ​ກິນ​ຢູ່ ຂອງ​ປະ​ຊາ​ຊົນ, ການທຳ​ມາ​ຫາ​ກິນ​ຍາກ, ເຂົ້າ​ຢາກໝາກ​ແພງແມ່ນ​ກຳ​ລັງ​ ເປັນ​ເລື່ອງ​ໜ້າ​ກັງ​ວົນ​ໃຈ.

ອົງ​ການ​ອາ​ຫານ​ໂລກໄດ້​ລາຍ​ງານ​ວ່າການ​ລະ​ບາດ​ຂອງ​ພະ​ຍາດ​ໂຄວິດ19 ເປັນ​ໄພ​ອັນ​ຕະ​ລາຍ​ຕໍ່​ຄວາ​ມ​ພະ​ຍາ​ຍາມ​ໃນ​ການ​ລຶບ​ລ້າງ​ໄພ​ອຶ​ດ​ຫິວ​ຢູ່ຫຼາຍ​ປະ​ເທດ​ໃນ​ໂລກແລະເຊື່ອ​ວ່າຍ້ອນ​ພະ​ຍາດ​ດັ່ງ​ກ່າວຈະ​ເຮັດ​ໃຫ້​ປະ​ຊາ​ກອນ​ໂລກພົບ​ພໍ້​ກັບ​ໄພ​ອຶດ​ຫິວ​ຕື່ມປະ​ມານ 130 ລ້ານ​ຄົນໂດຍ​ສະ​ເພາະຢູ່​ບັນ​ດາ​ປະ​ເທດທີ່​ມີ​ບັນ​ຫາດັ່ງ​ກ່າວ​ຢູ່​ແລ້ວ.

ເດັກ​ນ້ອຍ, ຜູ້​ເຖົ້າແລະຄົນເສຍ​ອົງ​ຄະອາດ​ເປັນ​ກຸ່ມ​ຄົນ​ທີ່​ສ່ຽງຫຼາຍຍ້ອນ​ເຂົາ​ເຈົ້າ​ເຫຼົ່າ​ນັ້ນສ່ວນຫຼາຍ​ແລ້ວຍັງ​ເພິ່ງ​ພາ​ຜູ້​ອື່ນ​ເປັນ​ຢູ້​ລ້ຽງ​ດູ, ເບິ່ງ​ແຍງ.

ອີງ​ຕາມ​ດັດ​ສະ​ນີໄພ​ອຶດ​ຫິວປີ 2019 ນັ້ນ ສ​ປ​ປ​ລາວຈັດ​ຢູ່​ໃນ​ລຳ​ດັບ​ທີ່ 87 ຈາກ 117 ປະ​ເທດເຊິ່ງ​ນັບວ່າເປັນ​ຕົວ​ເລກທີ່ ບໍ່​ເພິ່ງ​ປາ​ຖະ​ໜາພໍ​ເທົ່າ​ໃດແລະຍັງ​ເປັນສັນ​ຍານ​ເຕືອນ​ພວກ​ເຮົາ​ວ່າການ​ເພີ່ມ​ທະ​ວີຄວາມ​ພະ​ຍາ​ຍາມໃນ​ການ​ແກ້​ໄຂ​ບັນ​ຫາ​ດັ່ງ​ກ່າວນັ້ນແມ່ນ​ມີ​ຄວາມ​ຈຳ​ເປັນ​ຮີບ​ດ່ວນແລະເຖິງວ່າໄລ​ຍະ​ຜ່ານ​ມາລັດ​ຖະ​ບານລາວກໍ​ຄື​ສາ​ກົນທີ່​ໄດ້​ເຮັດ​ວຍກໃນ​ດ້ານນີ້ ​ຢ່າງຫຼວງຫຼາຍແຕ່​ຍັງ​ມີຫຼາ​ຍວ​ຽກ​ທີ່​ຈະ​ຕ້ອງ​ສືບ​ຕໍ່.

ເວົ້າ​ເລື່ອງ​ໂພ​ຊະ​ນາ​ການ​ຂອງ​ເດັກ​ນ້ອຍຍິ່ງ​ເປັນ​ບັນ​ຫາ ​ທີ່​ກັງ​ວົນ, ອີງ​ຕາມຕົວ​ຊີ້​ວັດ​ທາງ​ດ້ານ​ສັງ​ຄົມ (2017) ນັ້ນ​ສະ​ແດງ​ໃຫ້​ເຫັນ​ວ່າເດັກ​ນ້ອຍລາວມີ​ອັດ​ຕາເຕ້ຍ​ທີ່​ຍັງ​ສູງຫຼາຍແລະເດັກ​ນ້ອຍ​ອາ​ຍຸຕ່ຳ​ກວ່າ 2 ປີຈຳ​ນວນ 2/3 ຍັງ​ບໍ່​ສາ​ມາດ​ໄດ້​ຮັບສານ​ອາ​ຫານພຽງ​ພໍແລະຍິ່ງ​ການ​ປິດ​ບ້ານປິດ​ເມືອງຍ້ອນ​ການ​ລະ​ບາດ​ຂອງ​ພະ​ຍາດນັ້ນຍິ່ງ​ເຮັດ​ໃຫ້ ຫຍຸ້ງ​ຍາກ​ຂຶ້ນ​ໃນ​ການ​ຫາ​ອາ​ຫານ, ເຮັດ​ໃຫ້ ໄພ​ອຶດ​ຫິວມີ່​ທ່າ​ອ່ຽງ​ເພີ່ມ​ທະ​ວີ​ຂຶ້ນ.

ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ - Wave100S AD to Website 2020 0 - ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ

ຍ້ອນ​ການ​ລະ​ບາດ​ຂອງ​ພະ​ຍາດ​ໂຄວິດອົງ​ການ​ອາ​ຫານໂລກແລະອົງ​ການອາ​ຫານແລະການ​ກະ​ເສດໄດ້​ສຳຫຼ​ວດຜົນ​ກະ​ທົບຂອງ​ການ​ລະ​ບາດພະ​ຍາດໂຄວິດ 19 ຕໍ່ ການ​ຄ້ຳ​ປະ​ກັນ​ສະ​ບຽງ​ອາ​ຫານແລະວຽກ​ງານກະ​ສິ​ກຳໃນສ​ປ​ປ​ລາວເຊິ່ງ​ເຫັນ​ວ່າ 1/3 ຂອງ​ຜູ້​ໃຫ້ ສຳ​ພາດຕອບ​ວ່າເຂົາ​ເຈົ້າມີ​ຄວາມ​ຫຍຸ້ງ​ຍາກໃນ​ການ​ຊອກ​ຫາ​ອາ​ຫານທີ່​ມີ​ໂພ​ຊະ​ນາ​ການ​ດີ​ໄດ້ ຍ້ອນ​ວ່າການ​ເໜັງ​ຕີງ​ຂອງ​ລາ​ຄາອາ​ຫານ​ປະ​ເພດ​ຕ່າງໆ, ນອກນັ້ນຍັງ​ມີ​ຂໍ້​ຈຳ​ກັດໃນ​ການ​ຊອກ​ຫາ​ຕື່ມ​ອີກ.

ການ​ລະ​ບາດໂຄວິດເຮັດ​ໃຫ້​ພວກ​ເຮົາ​ຕ້ອງ​ພົບ​ພໍ້ ກັບ​ສິ່ງ​ທ້າ​ທາຍຕື່ມ​ອີກ​ໃນ​ການ​ລຶບ​ລ້າງໄພ​ອຶດ​ຫິວພາຍ​ໃນ​ປະ​ເທດແຕ່ ຢ່າງ​ໃດ​ກໍ​ຕາມຜູ້ຂຽນກໍ​ມີ​ຄວາມ​ເຊື່ອ​ໝັ້ນລັດ​ຖະ​ບານ​ເຮົາເຊິ່ງ​ຄິດ​ວ່າເພິ່ນ​ກໍ​ມີ​ແຜນຮອງ​ຮັບກັບ​ສິ່ງ​ດັ່ງ​ກ່າວ​ຢູ່​ແລ້ວ.

ສິ່ງ​ສຳ​ຄັນພວກ​ເຮົາ​ຕ້ອງ​ສຸມ​ໃສ່ ເອົາ​ໃຈ​ໃສ່ ຕໍ່​ບັນ​ດາ​ກຸ່ມ​ທີ່​ມີ​ຄວາມ​ສ່ຽງ​​ໂດຍ​ສະ​ເພາະເດັກ​ນ້ອຍທີ່​ເປັນໄວ​ກຳ​ລັງ​ເຕີບ​ໃຫຍ່, ຖ້າ​ພວກ​ເຮົາຢາກ​ເຫັນ​ເຂົາ​ເຈົ້າ​ເຕີບ​ໃຫຍ່ ດ້ວຍ​ຄຸນ​ນະ​ພາບທີ່​ດີມີ​ຄວາມ​ແຂງ​ແຮງກໍ​ຕ້ອງຮັບ​ປະ​ກັນໂພ​ຊະ​ນາ​ການ​ທີ່​ດີ​.

 

ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ - WhatsApp Image 2020 05 27 at 5 - ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ
ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ - WhatsApp Image 2020 05 27 at 5 - ໂຄວິດພາ​ຊີ​ວິດ​ອຶດ​ຫິວ​ເພີ່ມຂຶ້ນ
error: Alert: ເນື້ອຫາຂ່າວມີລິຂະສິດ !!