ເຖິງເວລາ ‘ສິນຄ້າມື 2’ ຄອງຕະຫລາດ

ເຖິງເວລາ ‘ສິນຄ້າມື 2’ ຄອງຕະຫລາດ - 255 - ເຖິງເວລາ ‘ສິນຄ້າມື 2’ ຄອງຕະຫລາດ
ເຖິງເວລາ ‘ສິນຄ້າມື 2’ ຄອງຕະຫລາດ - Untitled design - ເຖິງເວລາ ‘ສິນຄ້າມື 2’ ຄອງຕະຫລາດ

     ວິ​ກິດ​ໂຄ​ວິດ-19 ກະທົບ​ຕໍ່​ເສດຖະກິດຮຸນ​ແຮງ​ຊໍ່າ​ໃດ ​ແຕ່​ສຳລັບ​ຕະຫລາດ​ສິນຄ້າ​ມື 2 ທີ່​ມີ​ມູນ​ຄ່າ​ປະມານ 2,8 ໝື່ນ​ລ້ານ​ໂດ​ລາ ພັດ​ຍັງ​ແຮງ​ບໍ່​ຢຸດ ຈາກ​ປີ​ກ່ອນ​ທີ່​ຕະຫລາດ​ນີ້​ມີ​ທິດ​ທາງ​ການ​ເຕີບ​ໃຫຍ່​ໄວ​ກວ່າ​ຕະຫລາດ​ຂາຍ​ສົ່ງ​ເຖິງ​ສອງ​ເທົ່າ ​ເຮັດ​ໃຫ້​ເຫັນ​ພາບ​ວ່າການ​ຂາຍ​ຕໍ່​ກຳລັງ​ມາ ​ແຕ່​ຄຳ​ຖາມ​ຄື​ໃຜ​ຊະນະ ​ໃຜ​ເສຍ.

​ໃນ​ຍຸກ​ການ​ແຜ່​ລະບາດ​ຂອງ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ​ໃຜໆ​ກໍ​ມີ​ລາຍ​ໄດ້​ຫລຸດ​ລົງ, ຈະ​ຊື້​ເຄື່ອງ​ຂອງ​ມາ​ໃຊ້​ຕ້ອງ​ຄຳ​ນຶງ​ເຖິງ​ຄວາມ​ປະຢັດ, ​ໂຄ​ວິດ-19 ພິກ​ໃບ​ໜ້າ​ອຸດສາຫະກຳ​ເສື້ອຜ້າ​​ໄປ​ຫລາຍ ທັງ​ຍັງ​ບັນ​ທອນ​ຍອດ​ຂາຍ ​ແຕ່​ຄາດ​ວ່າ​ຕະຫລາດ​ເສື້ອຜ້າ​ມື​ສອງ​ຈະ​ແຮງ​ບໍ່​ຢຸດ.

ລາຍ​ງານ​ປະຈຳ​ປີ​ຂອງ “​ເທຣັດອັບ”ເວັບ​ຂາຍ​ເສື້ອຜ້າ​ໃຊ້​ແລ້ວ​ອອນ​ລາຍ​ໃຫຍ່​ສຸດ​ຂອງ​ໂລກ ​ເຊິ່ງ​ເປັນ​ພັນທະ​ມິດ​ກັບ​ບໍລິສັດ​ວິ​ໄຈ “​ໂກລບອນ​ດາ​ຕາຣີ​ເທ​ລ” ປະ​ເມີນ​ວ່າ: ທຸກ​ມື້ນີ້​ຕະຫລາດ​ເສື້ອຜ້າ​ມື​ສອງ​ມີ​ມູນ​ຄ່າ​ປະມານ 2,8 ໝື່ນລ້ານ​ໂດ​ລາ ຄາດ​ວ່າ​ພາຍ​ໃນ 5 ປີ​ຕໍ່ໜ້າ ມູນ​ຄ່າ​ຈະ​ເພີ່ມ​ຂຶ້ນ​ເຖິງ 6,4 ໝື່ນ​ລ້ານ​ໂດ​ລາ.

ທ່ານ ​ເຈ​ມ ​ໄຣຮາດ ຜູ້​ຮ່ວມ​ສ້າງຕັ້ງ ​ແລະ ປະທານ​ຄະນະ​ເຈົ້າໜ້າ​ທີ່​ບໍລິຫານ (CEO) ​ເທຣັດອັບ ລະບຸ​ວ່າ: “ການ​ຂາຍ​ຕໍ່​ກຳລັງ​ມາ ຄຳ​ຖາມ​ຄື​ໃຜ​ຊະນະ​ໃຜ​ເສຍ”.

 ​ເຖິງ​ຢ່າງ​ໃດ​ກໍ​ຕາມ, ບັນຫາ​ເລື່ອງ​ຄວາມ​ສະອາດ​ໜ້າ​ເປັນ​ຫ່ວງ. ຜູ້​ຊ່ຽວຊານ​ເຕືອນ​ວ່າ: ຜູ້​ບໍລິ​ໂພ​ກອາດ​ລາ​ມື​ຈາກ​ການ​ຊື້ສິນຄ້າ​ໃຊ້​ແລ້ວ ​ເພາະ​ກັງວົນ​​ເລື່ອງ​ໂຄ​ວິດ-19 ​ແລະ ການ​ແຜ່​ເຊື້ອ, ບາງ​ຄົນ​ກັງວົນ​ວ່າ​ເຊື້ອອາດ​ຈະ​ຢູ່​ໃນ​ເສື້ອຜ້າ, ​ແຕ່​ທ່ານ ​ໄຣຮາດ ​ແຈ້ງວ່າ: ຈາກ​ຂໍ້​ມູນ​ທີ່​ມີ​ຍັງ​ບໍ່​ພົບ​ວ່າ​ລູກ​ຄ້າ​ຢ້ານ​ໂຄ​ວິດ​ແຕ່​ຢ່າງ​ໃດ, ທ່ານ​ໃຫ້​ເຫດຜົນ​ວ່າ: ຂ່າວສານ​ຕ່າງໆ​ນາໆ​ວ່າ​ດ້ວຍ​ການ​ຕິດ​ໄວຣັສ​ໄດ້​ໃຫ້ການ​ສຶກສາ​ແກ່​ຜູ້​ບໍລິ​ໂພ​ກ​ໄປ​ໃນ​ຕົວ​ວ່າ: ບໍ່​ມີ​ການ​ຕິດ​ຕໍ່​ຜ່ານ​ເສື້ອຜ້າ ຄື​ກັບ​ຕອນ​ເລີ່​ມລະບາດ​ທຸກ​ຄົນ​ຕ່າງ​ກັງວົນ ​ເລື່ອງ​ຊື້ອາ​ຫານ​ເມືອ​ບ້ານ ຕອນ​ນີ້​ຮູ້​ແລ້ວ​ວ່າ​ປອດ​ໄພ.

ເຖິງເວລາ ‘ສິນຄ້າມື 2’ ຄອງຕະຫລາດ - Wave100S AD to Website 2020 0 - ເຖິງເວລາ ‘ສິນຄ້າມື 2’ ຄອງຕະຫລາດ

“ຜູ້​ບໍລິ​ໂພ​ກສະຫລາດ​ໃນ​ເລື່ອງ​ສິນຄ້າ​ເຫລົ່າ​ນີ້” CEO ​ເທຣັດອັບ ກ່າວ​ແບບ​ເຊື່ອ​ໝັ້ນ. ບໍລິສັດ​ນີ້​ມີ​ສຳນັກງານ​ຢູ່​ຊານ​ຟຣານຊິ​ສ​ໂກ, ມີ​ເວັບ​ໄຊ ​ແລະ ຮ້ານ​ຄ້າ​ຂອງ​ຕົນ​ເອງ​ຈຳນວນ​ໜຶ່ງ, ​ເປີດ​ໃຫ້​ຜູ້​ບໍລິ​ໂພ​ກຊື້ຂາຍ​ສິນຄ້າ​ໃຊ້​ແລ້ວ ​ໂດຍ​ເອີ້ນ​ຕົນ​ເອງ​ວ່າ​ເປັນ “ຮ້ານ​ຄ້າ​ຍ່ອມ​ເຍົາ​ອອນ​ລາຍ​ໃຫຍ່​ສຸດ​ຂອງ​ໂລກ”. ຈາກ​ນັ້ນ ບໍລິສັດ​ກໍ​ຍິ່ງ​ຖືກຕິດຕາມ​ເມື່ອ​ໄດ້​ເປັນ​ພັນທະ​ມິດ​ກັບ​ຫ້າງ​ຂາຍຍ່ອຍ​ໃຫຍ່ ຄື​ເມ​ຊີ ວໍ​ມາດ ​ແລະ ​ແກ໊ບ ​ເຊິ່ງ​ເບິ່ງ​ຄື​ວ່າ​ໃຜໆ​ກໍ​ຢາກ​ໄດ້​ສ່ວນ​ແບ່ງ​ຈາກ​ພາຍ​ອັນ​ນີ້.

ຕາມ​ລາຍ​ງານ​ດັ່ງກ່າວ, ພາຍ​ໃນ​ປີ 2029 ສິນຄ້າ​ມື​ສອງ​ຈະ​ຄອງ​ພື້ນທີ່ 17% ຂອງ​ຕູ້​ເສື້ອຜ້າ ​ເພີ່ມ​ຂຶ້ນຈາກ 3% ​ໃນ​ປີ 2009 ​ເປັນ​ຮອງ​ຈາກ​ການ​ຊື້ສິນຄ້າ​ຈາກ​ຮ້ານ​ເອົາ​ເລັດ​ຫລຸດ​ລາຄາ​ຄື ທີ​ເຈ​ແມັກ ທີ່​ຄອງ​ພື້ນທີ່ 19%, ສ່ວນ​ສິນຄ້າ​ຈາກ​ຮ້ານ​ສັບພະ​ສິນຄ້າ​ຈະ​ຄອງ​ພື້ນທີ່​ຕູ້​ເສື້ອຜ້າ 7% ຫລຸດ​ລົງ​ຈາກ 22% ​ໃນ​ປີ 2009 ​ແລະ ​ໃນ​ໄລຍະ​ທີ່​ອັດຕາ​ການ​ວ່າງ​ວຽກ​ຢູ່​ອາ​ເມ​ລິ​ກາ​ເພີ່ມ​ສູງ​ຂຶ້ນທ່າມກາງ​ການ​ແຜ່​ລະບາດ ຈຶ່ງ​ເປັນ​ໄປ​ໄດ້​ວ່າ​ຜູ້​ບໍລິ​ໂພ​ກທີ່​ຊື້ສິນຄ້າ​ພາຍ​ໃຕ້​ງົບປະມານ​ຈຳກັດ​ມີ​ຈຳນວນ​ຫລາຍ​ຂຶ້ນ.

ດ້ວຍ​ເຫດ​ນີ້ ​ເທຣັດອັບ ​ແລະ ​ໂກລບອນ​ດາ​ຕາ ຄາດ​ຄະ​ເນ​ວ່າ: ຕະຫລາດ​ສິນຄ້າ​ມື​ສອງ, ທຸລະ​ກິດ​ແຟຊັນ​ຂອງ​ອາ​ເມ​ຊອນ ​ແລະ ຮ້ານ​ຂາຍຍ່ອຍ​ຫລຸດ​ລາຄາ ​ເປັນ​ທຸລະ​ກິດ​ເສື້ອຜ້າ​ພຽງ 3 ພາກສ່ວນ​ເທົ່າ​ນັ້ນທີ່​ຈະ​ໄດ້​ລູກ​ຄ້າ​ໃໝ່​ໃນ​ປີ​ນີ້.

ເຖິງເວລາ ‘ສິນຄ້າມື 2’ ຄອງຕະຫລາດ - WhatsApp Image 2020 05 27 at 5 - ເຖິງເວລາ ‘ສິນຄ້າມື 2’ ຄອງຕະຫລາດ
ເຖິງເວລາ ‘ສິນຄ້າມື 2’ ຄອງຕະຫລາດ - WhatsApp Image 2020 05 27 at 5 - ເຖິງເວລາ ‘ສິນຄ້າມື 2’ ຄອງຕະຫລາດ
error: Alert: ເນື້ອຫາຂ່າວມີລິຂະສິດ !!