ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ

ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ - 259 - ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ
ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ - Untitled design - ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ

ໃນວັນທີ 25 ມິຖຸນາ ນີ້, ທ່ານ ລຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ລາຍງານຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ 8 ທີ່ພວມດໍາເນີນຢູ່ໃນປັດຈຸບັນນີ້ວ່າ: ປັດຈຸບັນ ກະຊວງໄດ້ມີທິດທາງ ແລະ ແຜນການລະອຽດແລ້ວໃນການກະຕຸກຊຸກຍູ້ ແລະສົ່ງເສີມການຜະລິດສະບຽບອາຫານໃນເງື່ອນໄຂສະພາບການລະບາດຂອງພະຍາດໂຄວິດ-19 ໄດ້ ແກ່ຍາວ ແລະ ໄພພິບັດທໍາມະຊາດຄຸກຄາມ ໂດຍແນໃສ່ຮັບປະກັນມີສະບຽງອາຫານໃຫ້ພຽງພໍ  ແລະ ສາມາດສົ່ງອອກໃຫ້ຫລາຂຶ້ນ.

ທ່ານລັດຖະມົນຕີ ແຈ້ງວ່າ: ໃນແຜນການປີນີ້, ຂະແຫນງກະສິກຳ ແລະ ປ່າໄມ້ ໄດ້ຮ່ວມກັບບັນດາອົງການປົກຄອງທ້ອງຖິ່ນໃນທົ່ວປະເທດສູ້ຊົນຈັດຕັ້ະຕິບັດຕົວເລກຄາດໝາຍຕາມມະຕິສະພາແຫ່ງຊາດ ສະໄໝທີ 8 ຮັບຮອງແລ້ວນັ້ນໃຫ້ເປັນຂະບວນຟົດຟື້ນ, ດ້ວຍການເຂົ້າຮ່ວມຂອງຊາວກະສິກອນ, ຜູ້ປະກອບການພາຍໃນ ແລະ ນັກລົງທຶນຕ່າງປະເທດ ເຮັດໃຫ້ຕະຫລາດຈຳໜ່າຍສິນຄ້າມີບັນຍາກາດຟົດຟື້ນມາແຕ່ໃນຕົ້ນປີ, ແຕ່ຫນ້າເສຍດາຍທີ່ປະເທດເຮົາໄດ້ປະສົບກັບການລະບາດຂອງພະຍາດ ແລະ ໄພແຫ້ງແລ້ວແກ່ຍາວມາຫລາຍ ເຮັດໃຫ້ຄວາມອາດສາມາດໃນການຈັດຕັ້ງປະຕິບັດຕົວເລກຄາດໝາຍໃນຫລາຍດ້ານບໍ່ບັນລຸຕາມແຜນທີ່ວາງໄວ້, ຈັງຫວະການຂະຫຍາຍຕົວຂອງຂະແຫນງກະສິກຳກໍສາມາດ ບັນລຸໄດ້ພຽງ 2,3% ຫລຸດແຜນການ 0,4%, ຂະນະທີ່ ການຜະລິດສິນຄ້າເພື່ອສົ່ງອອກ ມາຮອດປັດຈຸບັນນີ້, ກະຊວງກະສິກຳ ແລະ ປ່າໄມ້ ໄດ້ເຈລະຈາດ້ານເຕັກນິກການເປີດຕະຫລາດປະເພດພືດຜັກ, ໝາກໄມ້ ແລະ ງົວ ໄດ້ຈຳນວນໜຶ່ງແລ້ວຄື: ສປ ຈີນ, ສສ ຫຽດນາມ, ໄທ ແລະ ສະຫະພາບເອີຣົບ ຊຶ່ງໃນນີ້ສິນຄ້າ 80% ແມ່ນສົ່ງອອກໄປ ສປ ຈີນ.

ສຳລັບປະເທດໄທ, ໄດ້ສຳເລັດການເຈລາຈາດ້ານເຕັກນິກເປີດຕະຫລາດສຳເລັດແລ້ວ 2 ປະເພດພືດ, ສສ ຫວຽດນາມມີ 3 ປະເພດພຶດ, ສະເພາະຕະຫລາດເອີຣົບແມ່ນເຂົາເຈົ້າເປີດຮັບເອົາທຸກປະເພດສິນຄ້າ ແຕ່ຍ້ອນເງື່ອນໄຂການເຂົ້າເຖິງຕະຫລາດອີຢູ ແມ່ນມີຄວາມເຂັ້ມງວດ, ມາຮອດປັດຈຸບັນນີ້, ມີພຽງ 2 ບໍລິສັດເທົ່ານັ້ນທີ່ສາມາດປະຕິບັດມາດຕະຖານສຸຂະນາໄມພືດຜັກຈາກ ສປປ ລາວ ໄປຍັງອີຢູໄດ້. ສ່ວນ ສປ ຈີນ ຊຶ່ງເປັນຕະຫລາ ໃຫຍ່ຂອງປະເທດເຮົາເຮົາກໍໄດ້ຮັບໂກຕາສົ່ງອອກເຂົ້າ ຈຳນວນ 50 ພັນໂຕນຕໍ່ປີ, ຊີ້ນງົວ 5 ແສນໂຕນຕໍ່ປີ. ນອກນີ້, ກະຊວງກະສິກຳ ແລະ ປ່າໄມ ໄດ້ປະສານກັບອົງການບໍລິຫານພາສີ ສປ ຈີນ ພວມດຳເນີນຮ່າງຂໍ້ກຳນົດເງື່ອນໄຂການສົ່ງອອກພືດ ແລະ ຜະລິດຕະພັນພືດຈຳນວນ 3 ປະເພດຄື: ໃບຢາສູບແຫ້ງ, ໝາກນອດ ແລະ ຕະກຸນໝາກກ້ຽງ (ໝາກພຸກ, ໝາກກ້ຽງ ແລະ ໝາກນາວ) ແລະ ໄດ້ກຽມເອກກະສານບົດເຕັກນິນເປີດຕະຫລາດຕື່ມອີກຈໍານວນ 5 ປະເພດເຊັ່ນ: ໝາກຖົ່ວລຽນ, ໝາກລຳໃຍ, ໝາກມີ້, ໝາກໝັງກອນ, ໝາກເດືອຍດັ່ງນີ້ເປັນຕົ້ນ.

ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ - Wave100S AD to Website 2020 0 - ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ
ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ - WhatsApp Image 2020 05 27 at 5 - ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ
ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ - WhatsApp Image 2020 05 27 at 5 - ລາວກຽມເປີດຕະຫລາດສົ່ງອອກ ສິນຄ້າກະສິກຳຫລາຍປະເພດ
error: Alert: ເນື້ອຫາຂ່າວມີລິຂະສິດ !!