‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ

‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ - 25000 - ‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ
‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ - Untitled design - ‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ

     “ປະທານາທິບໍດີ ທຣຳ” ຝືນມາດ​ຕະການ​ກັກ​ຕົວ 14 ວັນ​ໃນ “ນິວ​ເຈີ​ຊີ” ອ້າງ​ປະທານາທິບໍດີ​ອາ​ເມ​ລິ​ກາ ບໍ່​ແມ່ນ​ປະຊາຊົນ​ທົ່ວ​ໂລກ ​ແລະ ຜົນ​ກວດ​ໂຄ​ວິດ-19 ​ເປັນ​ລົບ.

ທ່ານ ຈັດ ​ເດຍ ​ໂຄສົກ​ທຳນຽບຂາວ ​ເປີດ​ເຜີຍ​ວ່າ: ປະທານາທິບໍດີ ​ໂດ​ນັລ ທຣຳ ຈະ​ບໍ່​ປ່ຽນ​ແປງ​ແຜນການ​ເດີນທາງ​ໄປ​ລັດ​ນິວ​ເຈີ​ຊີ​ໃນ​ທ້າຍ​ອາທິດ​ນີ້, ​ເຖິງ​ວ່າ​​ເຈົ້າຄອງ​ລັດ​ນິວ​ເຈີ​ຊີ​ມີ​ຄຳ​ສັ່ງ​ໃຫ້​ຜູ້​ທີ່​ເຄີຍ​ເດີນທາງ​ໄປ​ລັດ​ຕ່າງໆ ທີ່​ມີ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ​ໃນ​ລະດັບ​ສູ​ງຈະ​ຕ້ອງ​ກັກ​ຕົວ​ເປັນ​ເວລາ 14 ວັນ ​ເມື່ອ​ຍ່າງ​ເຂົ້າ​ໄປ​ລັດ​ນິວ​​ເຈີ​ຊີ.

“ປະທານາທິບໍດີ​ບໍ່​ແມ່ນ​ພົນລະ​ເມືອງ​ທົ່ວ​ໄປ” ທ່ານ ​ເດຍ ກ່າວ​ເມື່ອ​ນັກ​ຂ່າວ​ຖາມ​ວ່າ: ປະທານາທິບໍດີ ທຣຳ ຈະ​ປະຕິບັດ​ຕາມ​ຄຳ​ສັ່ງ​ກັກ​ຕົວ ຫລື ບໍ່ ຫລັງ​ຈາກ​ວັນ​ທີ 23 ມິຖຸນາ​ຜ່ານ​ມາ ທ່ານ​ເດີນທາງ​ໄປ​ລັດ​ແອຣິ​ໂຊ​ນາ ​ເຊິ່ງມີ​ອັດຕາ​ການ​ຕິດ​ເຊື້ອ​ໂຄ​ວິດ-19 ​ເພີ່ມ​ຂຶ້ນ.

ທ່ານ ​ເດຍ ກ່າວ​ອີກ​ວ່າ: ທຸກ​ຄົນ​ທີ່​ເຮັດ​ວຽກ​ໃກ້ຊິດ​ກັບ ປະທານາທິບໍດີ ທຣຳ ລວມທັງ​ພະນັກງານ, ​ແຂກ​ຂອງ​ປະທານາທິບໍດີ ​ແລະ ສື່​ມວນ​ຊົນ ຕ່າງຕ້ອງ​ເຂົ້າຮັບ​ການກວດ​ຫາ​ເຊື້ອ​ໂຄ​ວິດ-19 ​ແລະ ມີ​ຜົນ​ຢືນຢັນ​ອອກ​ມາ​ເປັນ​ລົບ.

‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ - Wave100S AD to Website 2020 0 - ‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ

​ໂຄສົກ​ທຳນຽບຂາວ ກ່າວ​ເນັ້ນວ່າ: ​ເມື່ອ​ຢູ່​ໃນ​ລັດ​ແອຣິ​ໂຊ​ນາ ທາງ​ທຳນຽບຂາວ​ໄດ້​ດຳ​ເນີນ​ການ​ຕາມ​ແຜນ​ຄວບ​ຄຸມ​ການລະບາດ​ຂອງ​ໂຄ​ວິດ-19 ຢ່າງ​ເຄັ່ງ​ຂັດ ​ເພື່ອ​ຮັບປະກັນ​ວ່າ: ປະທານາທິບໍດີ ທຣຳ ບໍ່​ໄດ້​ສຳຜັດ​ກັບ​ຜູ້​ທີ່​ສະ​ແດງ​ອາການ​ປ່ວຍ ຫລື ຜູ້​ທີ່​ບໍ່​ໄດ້​ເຂົ້າຮັບ​ການກວດ​ຫາ​ເຊື້ອ, ສ່ວນ​ຜູ້​ທີ່​ຈະ​ເດີນທາງ​ໄປ​ນຳ​ຄະນະ​ຂອງ​ປະທານາທິບໍດີ ທຣຳ ​ໃນ​ທ້າຍ​ອາທິດ​ນີ້ ຈະ​ຖືກ​ຕິດຕາມ​ກວດ​ສອບ​ອາການ​ຢ່າງ​ໃກ້ຊິດ ​ແລະ ຕ້ອງ​ເຂົ້າຮັບ​ການກວດ​ຫາ​ເຊື້ອ​ໂຄ​ວິດ-19 ນຳ​ອີກ. ດັ່ງນັ້ນ ຈຶ່ງ​ເກືອບ​ບໍ່​ມີ​ຄວາມ​ສ່ຽງ​ຕໍ່​ປະຊາຊົນ​ໃນ​ທ້ອງ​ຖິ່ນ.

ສຳລັບ​ມາດ​ຕະການ​ຄວບ​ຄຸມ​ການ​ແຜ່​ລະບາດ​ຂອງ​ໂຄ​ວິດ-19 ຂອງ​ລັດ​ນິວ​ເຈີ​ຊີ ລະບຸ​ວ່າ: ຜູ້​ທີ່​ເດີນທາງມາ​ຈາກ​ລັດ​ອື່ນໆ​ທີ່​ມີ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ຈຳນວນ​ຫລາຍ​ນັ້ນ ຈະ​ຕ້ອງ​ຖືກ​ກັກ​ຕົວ​ເປັນ​ເວລາ 2 ອາທິດ​ເມື່ອ​ເດີນທາງ​ເຂົ້າ​ໄປ​ໃນ​ລັດ​ນິວ​ເຈີ​ຊີ ​ແລະ ຜູ້​ທີ່​ບໍ່​ປະຕິບັດຕາມ​ຄຳ​ສັ່ງ​ຈະ​ຕ້ອງ​ເສຍ​ຄ່າ​ປັບ​ໄໝ​ນຳ​ອີກ.

‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ - WhatsApp Image 2020 05 27 at 5 - ‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ
‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ - WhatsApp Image 2020 05 27 at 5 - ‘ທຣຳ’ ຝືນມາດຕະການກັກຕົວ ‘ນິວເຈີຊີ’ ອ້າງ ປະທານາທິບໍດີອາເມລິກາ ບໍ່ແມ່ນຄົນທົ່ວໄປ
error: Alert: ເນື້ອຫາຂ່າວມີລິຂະສິດ !!