ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ

ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ - 261 - ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ
ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ - Untitled design - ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ

ລາຍ​ງານ​ຈາກ​ເຈົ້າໜ້າ​ທີ່ສຳນັກງານ​ບໍລິຫານ​ແກ້​ໄຂ​ໄພພິບັດ ​ໃນ​ລັດ​ພິຫານ ວັນ​ທີ 25 ມິຖຸນາ 2020 ​ເປີດ​ເຜີຍ​ວ່າ: ມີ​ຜູ້​ເສຍ​ຊີວິດ​ແລ້ວ 83 ຄົນ​ຈາກ​ເຫດ​ຟ້າຜ່າ ​ແລະ ​ໄດ້​ຮັບ​ບາດ​ເຈັບ​ເຂົ້າຮັບ​ການ​ປິ່ນປົວ​ຢູ່​ໂຮງໝໍ​ອີກ 20 ຄົນ, ສ່ວນ​ຢູ່​ລັດ​ອຸ​ຕໍ​ປະ​ເທດ ທີ່ຢູ່​ຕິດ​ກັນ​ເສຍ​ຊີວິດ​ຢ່າງ​ໜ້ອຍ 20 ຄົນ. ນອກຈາກ​ນີ້ ພາຍຸ​ຝົນ​ຟ້າ​ຄະນອງ ​ແລະ ຝົນຕົກ​ໜັກ​ໃນ​ລະດູ​ມໍ​ລະ​ສຸມ​ຢູ່​ອິນ​ເດຍ ຍັງ​ສ້າງ​ຄວາມ​ເສຍ​ຫາຍ​ແກ່​ເຮືອນ​ຊານ ​ແລະ ຕົ້ນ​ໄມ້​ໃຫຍ່​ເປັນ​ບໍລິ​ເວນ​ກວ້າງ.

ນາຍົກລັດຖະມົນຕີ ນາ​ເຣນທຣາ ​ໂມ​ດີ ຂອງ​ອິນ​ເດຍ ອອກ​ຖະ​ແຫລ​ງການສະ​ແດງ​ຄວາມ​ເສຍ​ໃຈ​ຕໍ່​ຄອບຄົວ​ຂອງ​ຜູ້​ເສຍ​ຊີວິດ ພ້ອມ​ສັ່ງ​ໃຫ້​ໜ່ວຍ​ງານ​ທີ່​ກ່ຽວຂ້ອງ​​ໃຫ້ການ​ຊ່ວຍ​ເຫລືອ​ປະຊາຊົນ​ທີ່ປະສົບ​ໄພ​ຢ່າງ​ຮີບ​ດ່ວນ.

ທ່ານ ລັກຂະ​ມີ​ວາ ​ໄຣ ລັດຖະມົນຕີ​ກະຊວງ​ບໍລິຫານ​ແກ້​ໄຂ​ໄພພິບັດ​ລັດ​ພິຫານ ​ເປີດ​ເຜີຍ​ວ່າ: ຖື​ເປັນ​ການ​ເສຍ​ຊີວິດ​ຈາກ​ຟ້າຜ່າ​ໃນ​ເຂດ​ລັດ​ຈຳນວນ​ຫລາຍ​ທີ່​ສຸດ​ຄັ້ງໜຶ່ງ​ໃນ​ໄລຍະ​ເວລາ​ຫລາຍ​ປີ ​ໂດຍ​ກວ່າ​ເຄິ່ງໜຶ່ງ​ຂອງ​ຜູ້​ເສຍ​ຊີວິດ​ຢູ່​ທາງ​ຕອນ​ເໜືອ​ ​ແລະ ຕາ​ເວັນ​ອອກ​ຂອງ​ລັດ, ສ່ວນ​ຢູ່​ລັດ​ອຸ​ຕໍ​ປະ​ເທດ​ຜູ້​ເສຍ​ຊີວິດ​ເກືອບ​ທັງ​ໝົດ​ເປັນ​ປະຊາຊົນ​ໃນ​ພື້ນທີ່​ດິ​ໂອ​ເຣຍ ​ໃກ້​ເຂດ​ແດນ​ເນ​ປານ.

ຂໍ້​ມູນ​ສຳນັກງານ​ສະຖິຕິ​ອາ​ຊະ​ຍາກ​ອນ​ແຫ່ງ​ຊາດ​ອິນ​ເດຍ ຫລື NCRB ລະບຸ​ວ່າ: ມີ​ປະຊາຊົນ​ເສຍ​ຊີວິດ​ຈາກ​ຟ້າ​ຝ່າ​ທົ່ວ​ອິນ​ເດຍຫລາຍ​ກວ່າ 2.800 ຄົນ ​ໃນ​ປີ 2019 ​ແລະ ​ເສຍ​ຊີວິດ​ຢ່າງ​ໜ້ອຍ​ປີ​ລະ 2.000 ຄົນ ນັບ​ແຕ່​ປີ 2005 ​ແລະ ໜຶ່ງ​ໃນ​ສາ​ເຫດ​ຂອງ​ການ​ເສຍ​ຊີວິດ​ຈາກ​ຟ້າ​ຝ່າ​ຢູ່​ອິນ​ເດຍ​ເປັນ​ຈຳນວນ​ຫລາຍ ​ເນື່ອງ​ຈາກ​ປະຊາຊົນ​ສ່ວນ​ຫລາຍ​ເຮັດ​ວຽກ​ກາງ​ແຈ້ງ​ໃນ​ຂະນະ​ເກີດ​ພາຍຸ​ຝົນ​ຟ້າ​ຄະນອງ. ​ໂດຍ​ໃນ​ປີ 2019 ສຳນັກງານ​ອຸຕຸນິຍົມ​ວິທະຍາ ລັດ​ອາ​ນທໍ​ປະ​ເທດ ທາງ​ພາກ​ໃຕ້​ເບື້ອງຕາ​ເວັນ​ອອກ ບັນທຶກ​ສັນຍານ​ການ​ເກີດ​ຟ້າ​ຝ່າ​ສູງ​ເປັນ​ສະຖິຕິ​ເຖິງ 36.749 ຄັ້ງ ​ໃນ​ໄລຍະ​ເວລາ​ພຽງ 13 ຊົ່ວ​ໂມງ.

ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ - Wave100S AD to Website 2020 0 - ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ
ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ - WhatsApp Image 2020 05 27 at 5 - ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ
ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ - WhatsApp Image 2020 05 27 at 5 - ຟ້າຜ່າຢູ່ອິນເດຍ ມີຜູ້ເສຍຊີວິດ 100 ກວ່າຄົນ
error: Alert: ເນື້ອຫາຂ່າວມີລິຂະສິດ !!