ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ

ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ - 264 - ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ
ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ - Untitled design - ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ

ໃນວັນທີ 25 ມິຖຸນາ 2020 ນີ້, ຢູ່ສູນອາເມລິກາທາດດໍາ ນະຄອນຫລວງວຽງຈັນ, ທ່ານ ປີເຕີ ເຮມອນ ເອກອັກຄະລັດຖະທູດຜູ້ມີອໍານາດເຕັມແຫ່ງສະຫະລັດອາເມລິກາປະຈໍາລາວ ໄດ້ໃຫ້ສໍາພາດຕໍ່ສື່ມວນຊົນລາວໃນໂອກາດທີ່ມາດໍາລົງຕໍາແໜ່ງເປັນເອກອັກຄະລັດຖະທູດສະຫະລັດອາເມລິກາປະຈໍາລາວຄົນໃໝ່, ໂດຍທ່ານໄດ້ທູດຢືນຢັນວ່າ: ສະຫະລັດ ອາເມລິກາ ຈະສືບຕໍ່ໃຫ້ການຊ່ວຍເຫລືອ ສປປ ລາວ ເພື່ອບັນລຸການພັດທະນາ.

ທ່ານທູດສະຫະລັດອາເມລິກາ ກ່າວວ່າ: ຂ້າພະເຈົ້າ, ມີຄວາມຮູ້ສຶກຕື່ນເຕັ້ນ ແລະ ດີໃຈຫລາຍທີ່ໄດ້ກັບມາເຮັດວຽກຢູ່ ສປປ ລາວ ອີກຄັ້ງໜຶ່ງໃນຖານະເປັນເອກອັກຄະລັດຖະທູດອາເມລິກາປະຈໍາລາວ ເຊິ່ງຖືເປັນຫນ້າທີ່ອັນມີກຽດສູງສົ່ງສໍາລັບຂ້າພະເຈົ້າ. ສປປ ລາວ ເປັນປະເທດທີ່ມີທໍາມະຊາດສວຍງາມ ແລະ ມີວັດທະນະທໍາປະເພນີ ແລະ ຂະນົບທໍານຽມອັນດີງາມອີກດ້ວຍ. ພິເສດ ຂ້າພະເຈົ້າ ຂໍຖືໂອກາດນີ້, ສະແດງຄວາມຊົມເຊີຍຕໍ່ລັດຖະບານລາວທີ່ສາມາດຄວບຄຸມການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ COVID-19 ໄດ້ຢ່າງມີປະສິດທິຜົນ ແລະ ພາກພູມໃຈທີ່ເຫັນວ່າສະຫະລັດອາເມລິກາໄດ້ມີສ່ວນຮ່ວມໃນການປະກອບສ່ວນເຫລືອດ້ານທຶນຮອນ ແລະ ເຄື່ອງມືອຸປະກອນການແພດຕ່າງໆໃຫ້ແກ່ ສປປ ລາວ ໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດຮ້າຍແຮງນີ້ ແລະ ຫວັງວ່າພະຍາດນີ້ມັນຈະບໍ່ກັບມາແຜ່ລະບາດຢູ່ລາວອີກ.

ທ່ານທູດ ປີເຕີ ເຮມອນ ກ່າວວ່າ: ຕະຫລອດຫລາຍປີຜ່ານມາ, ຂ້າພະເຈົ້າຮັບຮູ້ເຖິງການຮ່ວມມືລະຫວ່າງ ສປປ ລາວ ແລະ ສະຫະລັດ ອາເມລິກາ ທີ່ມີຄວາມຄືບໜ້າດີໃນຫລາຍດ້ານ ເປັນຕົ້ນການຮ່ວມມືໃນວຽກງານສາທາລະນະສຸກ, ການສຶກສາ, ວຽກງານຕ້ານການຄ້າມະນຸດ, ການແກ້ໄຂບັນຫາລະເບີດຕົກຄ້າງແຕ່ປາງສົງຄາມ, ການຊ່ວຍເຫລືອປັບປຸງສະພາບແວດລ້ອມການລົງທຶນຢູ່ລາວ, ວຽກງານຕ້ານການຄ້າມະນຸດ, ຕ້ານການຄ້າຂາຍສັດປ່າ, ການແກ້ໄຂບັນຫາການປູກຝິ່ນ, ຕ້ານບັນຫາຢາເສບຕິດ, ຕ້ານການກໍ່ອາຊະຍາກໍາອື່ນໆ, ສະໜັບສະຫນູນການບັງຄັບໃຊ້ກົດໝາຍ ແລະ ການຊ່ວຍເຫລືອໃນດ້ານອື່ນໆອີກ ຊຶ່ງສະຫະລັດອາເມລິກາຍັງຈະສືບຕໍ່ໃຫ້ການຊ່ວຍເຫລືອລາວໃນວຽກງານດັ່ງກ່າວໃນຕໍ່ໜ້າ ເພື່ອຊ່ວຍໃຫ້ສາມາດບັນລຸເປົ້າໝາຍການພັດທະນາຂອງປະເທດ. ສະເພາະການຊ່ວຍເຫລືອເກັບກູ້ລະເບີດບໍ່ທັນແຕກ ກໍແມ່ນວຽກງານໜຶ່ງທີ່ລັດຖະບານອາເມລິກາຖືເປັນບູລິມະສິດສໍາຄັນ ໂດຍສະເພາະພາຍຫລັງ

ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ - Wave100S AD to Website 2020 0 - ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ

ອະດີດປະທານາທິບໍດີສະຫະລັດອາເມລິກາ ທ່ານ ບາຣັກ ໂອບາມາ ໄດ້ມາຢ້ຽມຢາມ ສປປ ລາວໃນປີ 2016 ກໍໄດ້ປະກາດເພີ່ມເງິນຊ່ວຍເຫລືອວຽກງງານດັ່ງກ່າວໃນຈໍານວນ 90 ລ້ານໂດລາສະຫະລັດ ໃນໄລຍະ 3 ປີ ແລະ ໃນໄລຍະລັດຖະບານຂອງປະທານາທິບໍດີ ໂດນັລ ທຣໍາ ແມ່ນໄດ້ອະນຸມັດເງິນຊ່ວຍ ເຫລືອໃນວຽກງານດັ່ງກ່າວແລ້ວ 35 ລ້ານໂດລາສະຫະລັດ ເຊິ່ງການຊ່ວຍເຫລືອດັ່ງກ່າວກໍໄດ້ຮັບການຈັດສັນເຂົ້າໃນໜ້າວຽກຕ່າງໆ ເປັນຕົ້ນການຝຶກອົບຮົມໃຫ້ພະນັກງານເກັບກູ້ລະເບີດ, ວຽກງານການສໍາຫລວດລະດັບຊາດ, ວຽກງານຫລຸດຜ່ອນຄວາມສ່ຽງ, ຊ່ວຍເຫລືອຜູ້ໄດ້ຮັບຜົນກະທົບ ແລະ ວຽກງານອື່ນໆ ຢ່າງມີປະສິດທິຜົນ ເພື່ອແນໃສ່ໃຫ້ບັນລຸເປົ້າໝາຍບໍ່ໃຫ້ລະເບີດບໍ່ທັນແຕກເປັນອຸປະສັກຕໍ່ການພັດທະນາຂອງລາວໃນປີ 2030 ກໍຄືຮັບປະກັນໃຫ້ການດໍາລົງຊີວິດ, ການເຮັດການຜະລິດ ແລະ ການທໍາມາຫາກິນຂອງປະຊາຊົນລາວມີຄວາມປອດໄພດີ. ຂ້າພະເຈົ້າ ເຊື່ອໝັ້ນວ່າສາຍພົວພັນລະຫວ່າງ ສປປ ລາວ ແລະ ອາເມລິກາ ຈະນັບມື້ໄດ້ຮັບການເສີມຂະຫຍາຍໃຫ້ແໜ້ນແຟ້ນຍິ່ງຂຶ້ນ.

ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ - WhatsApp Image 2020 05 27 at 5 - ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ
ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ - WhatsApp Image 2020 05 27 at 5 - ອາເມລິກາຢືນຢັນຈະສືບຕໍ່ໃຫ້ການຊ່ວຍ ເຫລືອລາວເພື່ອການພັດທະນາ
error: Alert: ເນື້ອຫາຂ່າວມີລິຂະສິດ !!