​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ

​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ - 5555 - ​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ
​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ - Untitled design - ​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ

ໂດຍ: ທິດ​ກໍ່າ

ວັນ​ທີ 18 ​ເດືອນ​ມິຖຸນາ 2020 ທີ່​ຜ່ານ​ມາ ​ເປັນ​ວັນ​ແພດ​ລາວ ຄົບຮອບ 55 ປີ​ເຕັມ (18/6/1965 – 18/6/2020) ​ເນື່ອງ​ໃນ​ວັນ​ສຳຄັນ​ດັ່ງກ່າວ ຂໍ​ຢ້ອນ​ຄືນ​ອວຍ​ໄຊ​ໃຫ້​ພອນ​ແກ່​ແພດ​ໝໍ​ລາວ​ທຸກ​ທ່ານ, ທຸກ​ສະຫາຍ ​ແລະ ທຸກ​ຄົນ​ຈົ່ງ​ມີ​ອາຍຸ​ໝັ້ນຂວັນ​ຍືນ​ເຂັ້ມ​ແຂງ ​ແລະ ຜ່ານ​ພົ້ນພາລະກິດ​ທີ່​ຊາດ ​ແລະ ປະຊາຊົນ​ມອບ​ໝາຍ​ໃຫ້.

ອາດ​ເວົ້າ​ໄດ້​ວ່າ, ພາລະກິດ​ຂອງ​ແພດ​ໝໍ​ລາວ​ເຮົາ​ນັບ​ແຕ່​ມື້ກຳ​ເນີ​ດຈົນ​ມາ​ຮອດ​ປັດຈຸບັນ ​ໄດ້​ຜ່ານ​ພົ້ນ​ໄລຍະ​ປະຫວັດສາດ​ດ້ວຍ​ຄວາມ​ທໍລະ​ຫົດ​ອົດທົນ ​ແລະ ຜ່ານ​ຜ່າ​ຄວາມ​ຫຍຸ້ງຍາກ​ນາໆ​ປະການ​ມາ​ຫລາຍ​ຕໍ່​ຫລາຍ​ຈົນ​ນັບ​ບໍ່​ຖ້ວນ. ຕະຫລອດ​ໄລຍະ 55 ປີ​ແຫ່ງ​ການ​ກຳ​ເນີ​ດ ​ແລະ ​ເຕີບ​ໃຫຍ່ ​ແພດ​ໝໍ​ລາວ​ເຮົາ​ໄດ້​ຜ່ານ​ຂະ​ບວນການ​ວິວັດ​ຂອງ​ຕົນ 3 ​ໄລຍະ​ຄື: ອັນ​ທີ​ໜຶ່ງ​ແມ່ນ​ໄລຍະ​ສົງຄາມ​ຕໍ່ສູ້​ກູ້​ຊາດ, ຕອນ​ນັ້ນພວກ​ເຮົາ​ຢູ່​ເຂດ​ປົດ​ປ່ອຍ, ອາ​ໄສ​ຖ້ຳຮູ​ພູ​ເຂົາ ​ແລະ ຕູບ​ຫຍ້າ​ເປັນ​ສະຖານ​ທີ່​ປິ່ນປົວ​ປະຊາຊົນ ​ແລະ ນັກຮົບ​ປະຕິວັດ​ທີ່​ຖືກ​ບາດ​ເຈັບ, ມີ​ຫລາຍ​ສະຫາຍ​ກໍລົ້ມຕາຍ, ​ເສຍສະຫລະ​ຊີວິດ​ໃນ​ເວລາ​ສູ້​ຮົບ ​ເພາະ​ເປັນ​ສ້ຽວ​ວິນາທີ​ທີ່​ດຸ​ເດືອດ​ຂ້ຽວຂາດ ​ເພື່ອ​ກູ້​ເອົາ​ຊີວິດ​ພະນັກງານ​ນັກຮົບ​ຜູ້​ຖືກ​ບາດ​ເຈັບ​ທີ່​ພວມ​ຕໍ່ສູ້​ປະຈັນບານ​ກັບ​ສັດຕູ​ຜູ້​ຮຸກ​ຮານ. ​ໄລຍະ​ທີ​ສອງ​ແມ່ນ​ໄລຍະ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ພາຍຫລັງ​ປະ​ເທດ​ຊາດ​ໄດ້​ຮັບ​ການ​ປົດ​ປ່ອຍ ປະກາດ​ເປັນ​ປະ​ເທດ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ. ​ໃນ​ນີ້​ມີ​ທັງ​ການ​ຮຳບາດ​ແຜ​ສົງຄາມ ​ແລະ ທັງ​ເຮັດ​ໜ້າ​ທີ່​ປົກ​ປັກ​ຮັກສາ​ປະ​ເທດ​ຊາດ ​ແພດ​ໝໍ​ເຮົາ​ກໍ​ໄດ້​ອຸທິດ​ສະຕິ​ປັນຍາ​ກຳລັງວັງຊາ​ເຮັດ​ທຸກ​ສິ່ງ​ທຸກ​ຢ່າງ ​ເພື່ອ​ໜ້າ​ທີ່​ຕາມ​ພາລະ​ບົດບາດ​ຄຽງ​ຄູ່​ກັບ​ບັນດາ​ຂະ​ແໜງ​ການ​ອື່ນໆ ຈົນ​ປະ​ເທດ​ຊາດ ກໍ​ຄື​ລະບອບ​ໃໝ່​ສັງຄົມ​ນິຍົມ​ໄດ້​ຍືນ​ຍົງ​ຄົງ​ຕົວ​ມາ​ຮອດ​ທຸກ​ວັນ​ນີ້. ອັນ​ທີ່​ໂດດ​ເດັ່ນ​ທີ່​ສຸດ​ວຽກ​ງານ​ສາທາລະນະ​ສຸກ​ໄດ້​ຮັບ​ການ​ປັບປຸງ ​ແລະ ຂະຫຍາຍຕົວ​ທາງ​ດ້ານ​ປະລິມານ ​ແລະ ຄຸນ​ນະພາ​ບ ນັບ​ແຕ່​ຂັ້ນສູນ​ກາງ​ລົງ​ຮອດ​ທ້ອງ​ຖິ່ນ. ສ່ວນ​ໄລຍະ​ທີ​ສາມ​ແມ່ນ​ນັບ​ແຕ່​ປະ​ເທດ​ຊາດ​ມີ​ການ​ປ່ຽນ​ແປງ​ໃໝ່​ ມາ​ຮອດ​ປັດຈຸບັນວົງ​ການ​ແພດ​ໝໍ​ລາວ​ຍິ່ງ​ໄດ້​ຮັບ​ການ​ພັດທະນາ​ໃຫ້​ກ້າວໜ້າ​ທັນ​ສະ​ໄໝ​ໄປ​ຄຽງ​ຄູ່​ກັບ​ການ​ຂະຫຍາຍຕົວ​ທາງ​ດ້ານ​ເສດຖະກິດ-ສັງຄົມ​ຂອງ​ປະ​ເທດ ກໍ​ຄື​ພາກພື້ນ ​ແລະ ​ໃນ​ໂລກ.

ຖ້າ​ຈະ​ເບິ່ງ​ໃນ​ດ້ານ​ຜົນງານ ​ແລະ ພັດທະນາ​ໃນ​ໄລຍະ​ອັນ​ໃກ້ໆ​ຂອງ​ແພດ​ໝໍ​ລາວ​ທີ່​ມີ​ຕໍ່​ຊາດ ​ແລະ ປະຊາຊົນ​ຢ່າງ​ໂດດ​ເດັ່ນ​ໃສ​ແຈ້ງ​ນັ້ນ ​ແມ່ນ​ໃນ​ຊ່ວງ​ພວກ​ເຮົາ​ພາກັນ​ເຮັດ​ສົງຄາມ​ຕ້ານ​ການ​ແຜ່​ລະບາດ​ຂອງ​ໂຄ​ວິດ-19 ​ແພດ​ໝໍ​ເຮົາ​ໄດ້​ປິ່ນປົວ​ຜູ້​ຕິດ​ເຊື້ອຈຳນວນ 19 ຄົນ​ໃຫ້​ຫາຍ​ດີ​ທັງ​ໝົດ ​ແລະ ກະ​ໂຕ​ແພດ​ໝໍ​ເອງ​ຜູ້​ທີ່​ປິ່ນປົວ​ໂດຍ​ກົງ​ກໍ​ບໍ່​ມີ​ໃຜ​ຕິດ​ເຊື້ອ ​ແລະ ຕາຍ​ຍ້ອນ​ໂຄ​ວິດ-19 ​ເໝືອນ​ດັ່ງ​ຢູ່​ປະ​ເທດ​ອື່ນ​ທີ່​ເຫັນ ​ແລະ ຊ່າ​ລື​ກັນ​ໃນ​ແຫ​ລ່ງຂ່າວ​ຜ່ານ​ມາ. ກ່ອນ​ໜ້ານັ້ນ ພາຍຫລັງ​ທີ່​ຮູ້​ວ່າ​ລາວ​ເຮົາ​ໄດ້​ມີ​ຜູ້​ຕິດ​ເຊື້ອ​ໂຄ​ວິດ-19 ​ແລ້ວ, ​ໃຜ​ກໍ​ເປັນ​ຫ່ວງ​ໃນ​ຊີວິດ​ອິນ​ຊີ​ຂອງ​ແພດ​ໝໍ ​ເພາະ​ຢ້ານ​ເຊື້ອພະຍາດ​ຕິດ​ຕໍ່​ໃສ່​ກັນ​ແບບ​ລາມ​ພະ​ລາມ​ຈົວ​ແລ້ວ​ຈະ​ຂະຫຍາຍ​ເປັນ​ບໍລິ​ເວນ​ກວ້າງ, ​ແຕ່​ສຸດ​ທ້າຍ​ມາ​ທັງ​ໝົດ​ກໍ​ມີ​ຄວາມ​ປອດ​ໄພ ທັງ​ຜູ້​ຕິດ​ເຊື້ອ, ທັງ​ຜູ້​ປິ່ນປົວ ອັນ​ເປັນ​ໄຊຊະນະ​ຄັ້ງຍິ່ງ​ໃຫຍ່​ໃນ​ປະຫວັດສາດ​ຂອງ​ຊາດ ກໍ​ຄື​ປະຊາຊົນ​ລາວ​ບັນດາ​ເຜົ່າ​ທຸກ​ທົ່ວ​ໜ້າ. ຈາກ​ຜົນງານ ​ແລະ ​ໄຊຊະນະ​ອັນ​ໃຫຍ່​ຫລວງ​ທີ່​ວົງ​ການ​ແພດ​ໝໍ​ເຮົາ​ເຮັດ​ໄດ້​ນັ້ນ ກໍ​ສົມຄວນ​ໄດ້​ມີ​ການ​ຍ້ອງຍໍ​ຊົມ​ເຊີຍ​ຂັ້ນກົມ​ກອງ ຫລື ຂັ້ນສູນ​ກາງ​ເປັນ​ລາຍ​ບຸກຄົນ ​ແລະ ລວມໝູ່​ຢ່າງ​ສົມ​ກຽດ.

​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ - Wave100S AD to Website 2020 0 - ​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ

​ແນວ​ໃດ​ກໍ​ຕາມ, ອີງ​ໃສ່​ສະພາບ​ການ​ປ່ຽນ​ແປງ​ຂອງ​ໂລກ​ທີ່​ນັບ​ມື້ກ້າວໜ້າ​ທັນ​ສະ​ໄໝ ​ໂດຍ​ສະ​ເພາະ​ແມ່ນ​ທາງ​ດ້ານ​ເຕັກນິກ​ວິທະຍາສາດ​ການ​ແພດ​ກໍ​ຍິ່ງ​ຈະ​ນັບ​ມື້ຂະຫຍາຍຕົວ ​ແລະ ທັນ​ສະ​ໄໝ​ຢ່າງ​ບໍ່​ຢຸດ​ຢັ້ງ ພາລະກິດ​ຂອງ​ແພດ​ໝໍ​ລາວ​ເຮົາ​ຕ້ອງ​ໄດ້​ບຸກທະລຸ​ຕາມ​ແນວທາງ​ນະ​ໂຍບາຍ​ຂອງ​ພັກ ​ແລະ ລັດຖະບານ​ວາງ​ອອກ​ໃຫ້​ເປັນ​ອັນ​ທັນ​ສະ​ໄໝ​ໄປ​ເລື້ອຍໆ. ການ​ພັດທະນາ​ວົງ​ການ​ແພດ​ເຮົາ​ຕ້ອງ​ໄດ້​ຄວບ​ຄູ່​ກັນ​ສາມ​ປັດ​ໄຈ​ໃຫຍ່​ໆ​ຄື: ພື້ນຖານ​ໂຄງ​ລ່າງ​ໃຫ້​ແກ່​ວຽກ​ງານ​ສາທາລະນະ​ສຸກ, ພື້ນຖານ​ດ້ານ​ເຕັກນິກ​ວິທະຍາສາດ​ເຕັກ​ໂນ​ໂລ​ຊີ ​ແລະ ສ້າງ​ບຸກຄະລາ​ກອນ​ແພດ​ໝໍ​ໃຫ້​ນັບ​ມື້ທັນ​ສະ​ໄໝ​ຂຶ້ນ​ເລື້ອຍໆ ​ເພາະ​ໃນ​ອະນາຄົດ ຫລື​ວ່າ​ຕໍ່ໜ້າ​ຍາວ​ນານ ສະພາບ​ການ​ປ່ຽນ​ແປງ​ຂອງ​ໂລກ ກໍ​ຄື​ການ​ພັດທະນາ​ບ້ານ​ເມືອງ​ເຮົາ​ກໍ​ຍິ່ງ​ຈະ​ກວ້າງຂວາງ ​ແລະ ຂະຫຍາຍຕົວ​ໄປ​ເລື້ອຍໆ, ​ໃນ​ນີ້​ກໍ​ຈະ​ມີ​ທາງ​ບວກ ​ແລະ ທາງ​ລົບ, ມີ​ອັນ​ຫຍໍ້​ທໍ້ ​ແລະ ຕັ້ງໜ້າ. ອັນ​ສຳຄັນ​ທີ່​ສຸດ ​ເຮົາ​ກໍ​ຍັງ​ບໍ່​ຮູ້​ວ່າ​ຈະ​ມີ​ພະຍາດ​ບາດ​ເຍົາ​ອັນ​ໃດ​ຈະ​ມາ​ເຜົາ​ຜານ​ຊີວິດ​ອິນ​ຊີ​ຂອງ​ມະນຸດ​ເຮົາ​ອີກ. ​ເພາະສະນັ້ນ ​ເຮົາ​ຕ້ອງ​ມີ​ການ​ກຽມພ້ອມ​ຮັບ​ມື​ໃຫ້​ສັກສິດ ​ແລະ ທັນ​ການ​ຢູ່​ສະ​ເໝີ ​ເພາະ​ໂຣກ​ໄພ​ໄຂ້​ເຈັບ​ສາລະພັດ​ຢ່າງ​ມັນ​ບໍ່​ໄດ້ຍ່າງ​ເປັນ​ຕົນ​ເປັນ​ໂຕ​ມາ​ຄື​ຄົນ ​ແລະ ມັນ​ຍັງ​ໄຮ້​ກິ່ນ​ໄຮ້​ສຽງ​ອີກ​ດ້ວຍ.

​ເຖິງ​ຢ່າງ​ໃດ​ກໍ​ດີ, ດ້ວຍ​ການ​ຜ່ານ​ຜ່າ​ປະສົບ​ປະການ​ຈາກ​ສາມ​ໄລຍະ​ປະຕິວັດ​ສາດ​ຂອງ​ແພດ​ໝໍ​ລາວ ສົມທົບ​ກັບ​ການ​ປ່ຽໜ​ແປງ​ຂອງ​ໂລກ ​ແລະ ພາກພື້ນ​ໄປ​ແຕ່​ລະ​ໄລຍະ ນັບ​ທັງ​ມີ​ການ​ພັດທະນາ​ບັນດາ​ພື້ນຖານ​ໂຄງ​ລ່າງ, ​ເຕັກນິກ​ວິທະຍາສາດ ​ແລະ ບຸກຄະລາ​ກອນ​ ວົງ​ການ​ແພດ​ໝໍ​ລາວຕ້ອງ​ມີ​ການ​ພັດທະນາ​ທີ່​ກ້າວ​ໄກ​ຢ່າງ​ແນ່ນອນ.

​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ - WhatsApp Image 2020 05 27 at 5 - ​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ
​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ - WhatsApp Image 2020 05 27 at 5 - ​ແພດ​ໝໍ​ລາວ​ຕ້ອງ​ກ້າວ​ໄປ​ໃຫ້​ທັນ​ຍຸກ​ທັນ​ສະ​ໄໝ
error: Alert: ເນື້ອຫາຂ່າວມີລິຂະສິດ !!