ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ!

ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ! - 999 5 - ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ!
ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ! - Untitled design - ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ!

ໂດຍ: ມຶກບໍ່ແຫ້ງ

ຄວາມໄຝ່ຝັນ ຂອງສປປລາວ ໃນຖານະທີ່ບໍ່ມີຊາຍແດນຕິດຈອດກັບທະເລ ທີ່ຈະເອື້ອອຳນວຍທາງການຄ້ານັ້ນ ກຳລັງຫັນ ເປັນປະເທດເຊື່ອມໂຍງ ດ້ວຍທ່າແຮງທີ່ມີ ຊາຍແດນເຊື່ອມຈອດກັບຫຼາຍປະເທດ.

ການເປັນປະເທດ ທີ່ບໍ່ມີຊາຍແດນຕິດຈອດກັບທະເລນັ້ນ ແມ່ນມີຄວາມຫຍຸ້ງຍາກໃນການຄ້າຫຼາຍສົມຄວນ ແຕ່ ສປປລາວບໍ່ໄດ້ໃຫ້ ສິ່ງດັ່ງກ່າວມາເປັນອຸປະສັກໃນການພັດທະນາປະເທດ ໂດຍຫັນ ຄວາມໄດ້ປຽບ ທີ່ວ່າ ສປປລາວ ຕັ້ງຢູ່ຈຸດ ໃຈກາງແຫຼມ ອິນດູຈີນ ທີ່ສາມາດ ເຊື່ອມຈອດກັບຫຼາຍປະເທດໃນພາກພື້ນໄດ້.

ການຫັນເປັນປະເທດ ເຊື່ອມຈອດ ກໍບໍ່ແມ່ນວ່າ ຈະເຮັດໄດ້ງ່າຍ, ຕ້ອງລົງທຶນມະຫາສານ ແລະ ໃຊ້ ເວລາ ໃນການກໍ່ສ້າງ ພື້ນຖານໂຄງລ່າງ ໃຫ້ທັນສະໄໝ ແລະ ກວມເອົາທົ່ວທຸກພາກຂອງປະເທດ. ແຕ່ປັດຈຸບັນ ສປປລາວແມ່ນຈັດ ໃນປະເທດທີ່ມີຍັງມີການພັດທະນາພື້ນຖານໂຄງລ່າງຫຼັງໝູ່ສົມຄວນ ໂດຍສະເພາະ ເສັ້ນທາງ ທີ່ເປັນປັດໄຈສຳຄັນ ໃນການຊຸກຍູ້ສົ່ງເສີມ ການເປັນປະເທດເຊື່ອມຈອດໃຫ້ໄດ້ຜົນ.

ການກໍ່ສ້າງທາງລົດໄຟ ລາວ-ຈີນ ແມ່ນໂຄງການໃຫຍ່ ທີ່ປະຊາຊົນລາວ ແລະ ສາກົນໃຫ້ຄວາມສົນໃຈ ໃນການພັດທະນາ ພື້ນຖານໂຄງລ່າງ ເພື່ອເດີນຕາມ ວິໄສທັດ ຂອງປະເທດ ເຊື່ອມຈອດ, ສ້າງຄວາມອາດສາມາດ ໃນການແຂ່ງຂັນ ທາງການຄ້າ ກະຕຸ້ນການຂະຫຍາຍຕົວຂອງເສດຖະກິດ.

ນອກນັ້ນ, ໂຄງການພັດທະນາ ພື້ນຖານໂຄງລ່າງອື່ນໆ ກໍໄດ້ເກີດຂຶ້ນຕາມກັນມາ, ບໍ່ວ່າ ຈະເປັນ ເສັ້ນທາງດ່ວນ ແຕ່ວນະຄອນຫຼວງ ວຽງຈັນ ຫາ ວັງວຽງ, ການສຳຫຼວດ ເສັ້ນທາງລົດໄຟ ລາວ-ຫວຽດນາມ, ການກໍ່ສ້າງ ເສັ້ນທາງ ດ່ວນແຕ່ ນະຄອນຫຼວງວຽງຈັນ ຫາພາກໃຕ້, ການສ້າງຂົວນໍ້າຂອງ ແຫ່ງຕ່າງໆ.

ນອກເໜືອຈາກການກໍ່ສ້າງພື້ນຖານໂຄງລ່າງແລ້ວ ພວກເຮົາຍັງຈະຕ້ອງປັບປຸງ ຄວາມອາດສາມາດໃນກາຮອງຮັບ ໃນເບື້ອງຂອດການບໍລິການຕື່ມອີກ. ຕໍ່ກັບບັນຫານີ້ ທະນາຄານໂລກ ໄດ້ໃຫ້ຂໍ້ສັງເເກດ ບາງອັນດັ່ງນີ້:

ຕ້ອງປັບປຸງ ນະໂຍບາຍທີ່ເຂັ້ມແຂງ ໃນການເອື້ອອຳນວຍ ທາງການຄ້າ, ເຮັດໃຫ້ມີຄວາມງ່າຍດາຍຂຶ້ນ ໃນການເຮັດທຸລະກິດ, ເພີ່ມປະສິດທິພາບ ໃນວຽກງານ ໂລຈິສຕິກ (logistic).

ພ້ອມນັ້ນ ຂະແໜງການທ່ອງທ່ຽວ ຈະໄດ້ຮັບການຂະຫຍາຍຕົວ ຈາກການເພີ່ມຂຶ້ນຂອງ ຜູ້ໂດຍສານຈາກຕ່າງປະເທດ, ເພາະສະນັ້ນ ພວກເຮົາ ຄວນປັບປຸງ ຂະບວນການ ອະນຸຍາດ ຜູ້ຄົນເຂົ້າເມືອງ ເພື່ອປ້ອງກັນ ບໍ່ໃຫ້ມີຄວາມຊັກຊ້າ, ສະໜອງການຂົນສົ່ງສາທາລະນະ ທີ່ມີປະສິດທິພາບ ແລະ ລາຄາສົມເຫດສົມຜົນ ແລະ ທັງປັບປຸງແຫຼ່ງທ່ອງທ່ຽວ ແລະ ການບໍລິການມີ່ກ່ຽວຂ້ອງໃຫ້ດີຂຶ້ນ.

ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ! - Wave100S AD to Website 2020 0 - ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ!

ປັບປຸງຂອດນະໂຍບາຍ ໃນການເອື້ອກຳນວຍແກ່ ພາກສ່ວນເອກະຊົນ ໃນການລົງທຶນໃສ່ ການບໍລິການ ທີ່ປີ່ນນອ້ອມ ເຊິ່ງສາມາດຊ່ວຍພັກດັນ ໃຫ້ການບໍລິການ ຄ່ອງຕົວ ແລະ ວ່ອງໄວຍິ່ງຂຶ້ນ.

ການແຈ້ງພາສີ ຕ່າງໆ ກໍຄວນພັດທະນາເປັນລະບົບ ເອເລັກໂທຣນິກ ທີ່ສາມາດເຮັດໃຫ້ ຂະບວນການວ່ອງໄວຂຶ້ນ, ພວກເຮົາກໍສາມາດ ຮອງຮັບ ການບໍລິການຈຳນວນຫຼາຍ, ສ້າງມູນຄ່າທາງການຄ້າເພີ່ມຂຶ້ນ ແລະ ກະການຂະຫຍາຍຕົວເສດຖະກິດໄວຂຶ້ນ ທັງສ້າງຄວາມເຊື່ອໝັ້ນແກ່ນັກລົງທຶນ ກໍຄືຜູ້ທີ່ຈະເຂົ້າມາທ່ຽວ ສປປລາວ ຫຼາຍຂຶ້ນ.

ການກໍ່ສ້າງ ພຽງທາງລົດໄຟ ຫຼື ເສັ້ນທາງ ນັ້ນອາດບໍ່ພຽງພໍ ຕໍ່ການເປັນປະເທດທີ່ເຊື່ອມຈອດ, ມັນຮຽກຮ້ອງໃຫ້ ສ້າງຄວາມອາດສາມາດ ໃນການບໍລິການ ທີ່ວ່ອງໄວ, ມີປະສິດທິພາບ, ສາມາດ ສ້າງ ແລະ ບັງຄັບໃຊ້ ນະໂຍບາຍ ແລະ ກົດລະບຽບຕ່າງໆ ທີ່ເອື້ອອຳນວຍເປັນຢ່າງດີ ຕື່ມອີກ.

 

 

 

ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ! - WhatsApp Image 2020 05 27 at 5 - ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ!
ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ! - WhatsApp Image 2020 05 27 at 5 - ຈາກບໍ່ມີທາງອອກສູ່ທະເລ ສູ່ປະເທດເຊື່ອມຈອດ!
error: Alert: ເນື້ອຫາຂ່າວມີລິຂະສິດ !!