ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ

ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ - 271 - ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ
ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ - Untitled design - ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ

ວັນທີ 26 ມິຖຸນາຜ່ານມາ ທີ່ຫ້ອງປະຊຸມຄະນະປະຈໍາສະພາແຫ່ງຊາດ, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ໄດ້ເຂົ້າຮ່ວມກອງປະຊຸມພົບປະລະຫວ່າງຜູ້ນຳລັດຖະສະພາສະມາຊິກໄອປາ ແລະ ຜູ້ນຳອາຊຽນ (AIPA-ASEAN Leader’s Interface Meeting) ໃນໂອກາດກອງປະຊຸມສຸດຍອດອາຊຽນ ຄັ້ງທີ 36 (ກອງປະຊຸມທາງໄກຜ່ານລະບົບອອນລາຍ) ໂດຍມີທ່ານ ຫງຽນ ຊວນ ຟຸກ ນາຍົກລັດຖະມົນຕີແຫ່ງ ສສ ຫວຽດນາມ ໃນນາມປະທານອາຊຽນ ແລະ ປະທານກອງປະຊຸມຜູ້ນຳສຸດຍອດອາຊຽນ ຄັ້ງທີ 36 ເຂົ້າຮ່ວມ.

ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ - 1 300x200 - ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ

ກອງປະຊຸມພົບປະລະຫວ່າງຜູ້ນຳລັດຖະສະພາສະມາຊິກໄອປາ ແລະ ຜູ້ນຳອາຊຽນທາງໄກຜ່ານ ລະບົບອອນລາຍຄັ້ງນີ້, ທ່ານ ນາງ ຫງຽນ ທິ ກິມ ເງິນ ປະທານສະພາແຫ່ງຊາດ ສສ ຫວຽດນາມ ໃນນາມປະທານໄອປາ ໄດ້ກ່າວສະແດງຄວາມເປັນຫ່ວງເປັນ​ໄຍຢ່າງເລິກເຊິ່ງຕໍ່ຜົນກະທົບອັນໜັກໜ່ວງທີ່ເກີດຈາກພະຍາດລະບາດໂຄວິດ-19 ໃນບັນດາປະເທດອາຊຽນ ແລະ ເຊື່ອໝັ້ນເປັນຢ່າງຍິ່ງວ່າອາຊຽນຈະສາມາດແກ້ໄຂກັບການລະບາດຂອງພະຍາດ, ຟື້ນຟູເສດຖະກິດ-ສັງຄົມ ເພື່ອໃຫ້ອາຊຽນທີ່ເປັນສະມາຄົມສາມາດສືບຕໍ່ຕາມແຜນພັດທະນາແບບຍືນຍົງ ແລະ ບັນລຸວິໄສທັດອາຊຽນ 2025. ພວກເຮົາໃນຖານະຜູ້ນຳຂອງລັດຖະສະພາອາຊຽນ ຕີລາຄາສູງຕໍ່ຄຳຂວັນອາຊຽນໃນປີ 2020 ທີ່ວ່າ: “ອາຊຽນທີ່ໜຽວແໜ້ນ ແລະ ຕອບສະໜອງຕໍ່ສະພາບການ” ແລະ ກຽມພ້ອມທີ່ຈະປະຕິບັດວຽກງານຮ່ວມກັບອາຊຽນ ເພື່ອສ້າງໃຫ້ກາຍເປັນແຫຼ່ງພະລັງງານແຫ່ງປະຊາທິປະໄຕ, ຫຼາກຫຼາຍມິຕິ, ເອກະພາບ ແລະ ມີບັນດາປະເທດທີ່ເຕີບໃຫຍ່ຢ່າງວ່ອງໄວໃນອາຊີຕາເວັນອອກສຽງໃຕ້, ອາຊຽນມີບົດບາດທີ່ສຳຄັນຕໍ່ວິວັດທະນາການດ້ານໂຄງສ້າງຂອງພາກພື້ນ ແລະ ຂອງໂລກ.

ໂອກາດນີ້, ທ່ານ ປະທານໄອປາ ຍັງໄດ້ຮຽກຮ້ອງມາຍັງບັນດາຜູ້ນຳລັດຖະສະພາສະມາຊິກໄອປາ ກ່ຽວກັບບັນຫາສຳຄັນດັ່ງນີ້: ດ້ານການເມືອງ ແລະ ຄວາມໝັ້ນຄົງ, ໄອປາ ສືບຕໍ່ເພີ່ມທະວີການຮ່ວມມື, ຮັບປະກັນຄວາມໂປ່ງໃສ, ເປີດກວ້າງ ແລະ ບົນຫຼັກການພື້ນຖານກົດໝາຍ ເພື່ອຢັ້ງຢືນຄືນຄວາມເປັນແກນກາງຂອງອາຊຽນ. ສະມາຊິກໄອປາ ຮັບຮູ້ເຖິງຄວາມສຳຄັນຂອງຄວາມສະຫງົບ, ສະຖຽນລະພາບ, ປອດໄພ ແລະ ເສລີພາບການເດີນເຮືອ ແລະ ການບິນຜ່ານດ່ານຟ້າໃນທະເລຈີນໃຕ້ ລວມທັງສົ່ງເສີມການສ້າງຄວາມໝັ້ນໃຈ, ມາດຕະການປ້ອງກັນ ແລະ ຍິ່ງໄປກວ່ານັ້ນແມ່ນການສ້າງຄວາມໄວ້ເນື້ອເຊື່ອໃຈ ແລະ ຄວາມໝັ້ນໃຈລະຫວ່າງກັນ. ພວກເຮົາຢັ້ງຢືນຕໍ່ຄວາມຈຳເປັນໃນການຢັບຢັ້ງຕົນເອງປະຕິບັດກິດຈະກຳໃດໆທີ່ຈະເປັນການສ້າງຄວາມຫຍຸ້ງຍາກສັບສົນ, ຫຼີກລ່ຽງການໃຊ້ກຳລັງທີ່ຈະເຮັດໃຫ້ສະຖານະການຫຍຸ້ງຍາກຕື່ມ ແລະ ແກ້ໄຂຂໍ້ຂັດແຍ່ງໂດຍສັນຕິວິທີຕາມກົດໝາຍສາກົນ ກໍຄືສົນທິສັນຍາຂອງອົງການ ສປຊ ກ່ຽວກັບກົດໝາຍທາງທະເລ ປີ 1982 (UNCLOS). ໃນຂະນະດຽວກັນ, ພວກເຮົາຮຽກຮ້ອງໃຫ້ມີການຮ່ວມມືຢ່າງໜັກແໜ້ນ, ຍົກລະດັບການເປັນຄູ່ຮ່ວມຂອງ ໄອປາ-ອາຊຽນ ໃນການເຊື່ອມໂຍງພາກພື້ນ ແລະ ຍົກສູງຂີດຄວາມສາມາດຂອງບັນດາປະເທດສະມາຊິກອາຊຽນໃນການໂຕ້ຕອບຕໍ່ບັນຫາຄວາມໝັ້ນຄົງຮູບແບບໃໝ່.

ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ - Wave100S AD to Website 2020 0 - ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ

ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ - 2 300x166 - ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ

ດ້ານເສດຖະກິດ,  ເພື່ອສ້າງປະຊາຄົມເສດຖະກິດອາຊຽນແບບກວມລວມ ແລະ ເຂັ້ມແຂງ, ລັດຖະສະພາສະມາຊິກໄອປາມີຄວາມຮັບຜິດຊອບໃນການສົ່ງເສີມການໃຫ້ສັດຕະຍາບັນແກ່ບັນດາຂໍ້ຕົກ ລົງໃນພາກພື້ນເພື່ອສົ່ງເສີມການຮ່ວມມືໃນຮູບແບບນະໂຍບາຍເພື່ອການພັດທະນາເສດຖະກິດແບບໝູນ ວຽນ, ພະລັງງານທົດແທນ, ນະວັດຕະກຳໃໝ່ ແລະ ການປັບໂຕຢ່າງຫ້າວຫັນຕໍ່ການປະຕິຮູບອຸດສາຫະກຳ 4.0; ໃຫ້ບູລິມະສິດແກ່ຄວາມພະຍາມໃນການບັນລຸການເຈລະຈາ ແລະ ຊຸກຍູ້ໃຫ້ແຜນຄູ່ຮ່ວມມືເສດຖະກິດແບບຮອບດ້ານໃນພາກພື້ນ (RCEP) ໃຫ້ບັນລຸຕາມແຜນການ; ສົ່ງເສີມການພັດທະນາແບບຍືນຍົງໃນລຸ່ມພາກພື້ນຕິດພັນກັບການພັດທະນາຢ່າງເທົ່າທຽມ ແລະ ຍືນຍົງຂອງປະຊາຄົມອາຊຽນ; ສືບຕໍ່ຂະຫຍາຍເຄືອຄ່າຍການເມືອງອາຊຽນທີ່ຊານສະຫຼາດ ແລະ ນະໂຍບາຍຕໍ່ການຈັດການຂີ້ເຫຍື້ອປລາສະຕິກຂອງອາຊຽນ. ໃນມໍ່ໆນີ້, ອາຊຽນຕ້ອງໄດ້ສຸມໃສ່ທຶນຮອນເພື່ອເພີ່ມທະວີການຟຶ້ນຟູເສດຖະກິດອາຊຽນ ພາຍຫຼັງການແຜ່ລະບາດຂອງໂຄວິດ-19, ມຸ້ງໝັ້ນໃນການເປີດຕະຫຼາດເພື່ອການຄ້າ ແລະ ການລົງທຶນ, ເຊື່ອມໂຍງຕ່ອງໂສ້ເສດຖະກິດ, ຮັບປະກັນສະບຽງອາຫານ, ປ້ອງກັນພາວະເສດຖະກິດທົດຖອຍ ແລະ ສະໜັບສະໜູນປະຊາຊົນ ແລະ ຫົວໜ່ວຍທຸລະກິດທີ່ໄດ້ຮັບຜົນກະທົບຈາກໂຄວິດ-19. ຮີບຮ້ອນເລັ່ງຄວາມຕ້ອງການໃນການສົ່ງເສີມອຸດສາຫະກຳທີ່ຂັບເຄື່ອນດ້ວຍຄວາມຮູ້ ແລະ ເສດຖະກິດດິຈິຕອນ, ແລະ ການພັດທະນາເຫຼົ່ານີ້ຈະສາມາດຮັບປະກັນໄດ້ວ່າ ເສດຖະກິດໂລກ ແລະ ພາກພື້ນຈະສາມາດ ຜ່ານຜ່າເຫດການຈາກພະຍາດລະບາດນີ້ໄປໄດ້. ໄອປາສະໜັບສະໜູນບັນດາຄວາມພະຍາຍາມທີ່ກ່າວມາ ນີ້ ແລະ ສືບຕໍ່ຊຸກຍູ້ການໃຫ້ສັດຕະຍາບັນແກ່ຂອບວຽກບູລິມະສິດເພື່ອເສີມຂະຫຍາຍການເຊື່ອມໂຍງ ເສດຖະກິດອາຊຽນ ໂດຍຖືເປັນວຽກງານທີ່ສຳຄັນຂອງໄອປາໃນຂະບວນການສ້າງປະຊາຄົມເສດຖະກິດອາຊຽນ.

ດ້ານວັດທະນະທຳ ແລະ ສັງຄົມ, ໄອປາ ຊຸກຍູ້ໃຫ້ມີການເພີ່ມທະວີບົດບາດຂອງແມ່ຍິງ ແລະ ປັບປຸງແຜນງານສຳລັບເດັກນ້ອຍ ແລະ ຜູ້ສູງອາຍຸໃນການຈັດຕັ້ງປະຕິບັດບັນດານະໂຍບາຍຂອງການ ພັດທະນາເສດຖະກິດ-ສັງຄົມ. ໄອປາຍິນດີຕໍ່ຄວາມພະຍາຍາມຂອງອາຊຽນໃນປີ 2020 ເພື່ອສົ່ງເສີມສິດສະເໝີພາບຍິງ-ຊາຍ ແລະ ການສ້າງຄວາມເຂັ້ມແຂງໃຫ້ແກ່ແມ່ຍິງ, ພ້ອມທັງຊົມເຊີຍຕໍ່ຂໍ້ລິເລິ່ມຂອງການເປັນປະທານອາຊຽນ 2020 ເພື່ອຈັດກອງປະຊຸມສະໄໝພິເສດຄັ້ງທໍາອິດຂອງຜູ້ນຳເພດຍິງອາຊຽນວ່າດ້ວຍການສ້າງຄວາມເຂັ້ມແຂງໃຫ້ແກ່ແມ່ຍິງ ເຊິ່ງຈະຈັດຂຶ້ນພາຍໃຕ້ຂອບກອງປະຊຸມສຸດຍອດອາຊຽນ ຄັ້ງທີ 36. ລັດຖະສະພາສະມາຊິກໄອປາຍົກສູງພາລະບົດບາດໃນການຮ່ວມມືກັບບັນດາລັດຖະບານຂອງປະເທດສະມາຊິກອາຊຽນໃນການຈັດຕັ້ງປະຕິບັດຕາມຄວາມໝັ້ນໝາຍ ເພື່ອຮັດແໜ້ນການຮ່ວມມືໃນຂອບເຂດທີ່ສຳຄັນເຊັ່ນ: ຊັບພະຍາກອນມະນຸດທີ່ມີຄຸນນະພາບ, ການພັດທະນາແບບຍືນຍົງ ແລະ ນະໂຍບາຍການຈັດການບັນຫາຂີ້ເຫຍື້ອປລາສະຕິກໃນອາຊຽນ. ໃນມໍ່ໆນີ້, ຄວາມຮີບດ່ວນແມ່ນການວາງນະໂຍບາຍກ່ຽວກັບການສຶກສາ, ການວ່າງງານ ແລະ ການປັບປຸງລະບົບສາທາລະນະສຸກ ກວມເອົາການເຂົ້າເຖິງວັກຊີນ ແລະ ສິ່ງສຳຄັນອື່ນໆໃຫ້ແກ່ກຸ່ມຄົນທີ່ມີຄວາມສ່ຽງ ແລະ ພິການທີ່ຖືກຜົນກະທົບຢ່າງໜັກຈາກບັນຫາໂຄວິດ-19. ນອກນັ້ນ ພວກເຮົາສະໜັບສະໜູນຕໍ່ການມີສ່ວນຮ່ວມຂອງສະມາຊິກລັດຖະສະພາໜຸ່ມໃນໄອປາ ເພື່ອກ້າວໄປສູ່ການສ້າງຕັ້ງເວທີ ສສຊ ໜຸ່ມຂອງໄອປາ ເພື່ອເຊື່ອມໂຍງກັບເວທີຊາວໜຸ່ມອາຊຽນ. ໄອປາຮຽກຮ້ອງໃຫ້ບັນດາປະເທດສະມາຊິກອາຊຽນເໜັ້ນໜັກຄືນເນື້ອໃນຈິດໃຈແຫ່ງມິດຕະພາບ, ການຮ່ວມມື, ຄວາມຮັບຜິດຊອບ ແລະ ການເຄົາລົບຕໍ່ຄວາມຫຼາກຫຼາຍໃນອາຊຽນ, ພ້ອມກັບຂະຫຍາຍການແລກປ່ຽນ ແລະ ການສະໜັບສະໜູນເພື່ອການພັດທະນາການທ່ອງທ່ຽວແບບຍືນຍົງ.

ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ - WhatsApp Image 2020 05 27 at 5 - ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ
ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ - WhatsApp Image 2020 05 27 at 5 - ກອງປະຊຸມທາງໄກລະຫວ່າງຜູ້ນຳໄອປາ-ອາຊຽນ
error: Alert: ເນື້ອຫາຂ່າວມີລິຂະສິດ !!