ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ

ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ - 274 - ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ
ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ - Untitled design - ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ

ພິທີຖວາຍພຣະເພີງ (ຊາປະນະກິດ) ລະດັບຊາດ ພຣະສະຣີຣະສັງຂານ (ພຣະສົບ) ຂອງອົງພຣະຍອດແກ້ວມະຫາງອນ ດຳຣົງ ບຸນມະຫາເຖຣະເຈົ້າ ອະດີດປະທານສູນກາງອົງການພຸດທະສາສະໜາສໍາພັນແຫ່ງ ສປປ ລາວ, ອະດີດກຳມະການສູນກາງແນວລາວສ້າງຊາດ ໄດ້ຈັດຂຶ້ນໃນວັນທີ 26 ມິຖຸນານີ້ ທີ່ເດີ່ນພະທາດຫລວງວຽງຈັນ, ໂດຍມີ ທ່ານ ບຸນຍັງ ວໍລະຈິດ ປະທານປະທານ ແຫ່ງ ສປປ ລາວ, ພ້ອມດ້ວຍການນຳພັກ, ລັດ, ພຣະສົງ-ສາມະເນນ, ອຸປາສົກ-ອຸປາສິກາ ແລະ ພຸດທະສາສະນິກະຊົນລາວ ເຂົ້າຮ່ວມ.

ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ - XAY 0048 300x200 - ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ

ໃນໂອກາດນີ້, ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ໄດ້ກ່າວບົດສະດຸດີໃນພິທີຊາປະນະກິດສົບດັ່ງກ່າວ ໂດຍມີບາງຕອນໃຫ້ຮູ້ວ່າ: ອົງພຣະຍອດແກ້ວມະຫາງອນ ດໍາຣົງບຸນ ໄດ້ລະສັງຂານໃນວັນທີ 24 ມີນາ 2020 (ພຣະພຸດທະສັງກາດ 2562) ເວລາ 7:30 ໂມງ ລວມສິ ຣິອາຍຸໄດ້ 91 ປີ 91 ວັນ ແລະ ວັດສາຍຸການ 71 ພັນສາ.

ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ - XAY 0105 300x200 - ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ

ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ - Wave100S AD to Website 2020 0 - ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ

ອົງພຣະຍອດແກ້ວມະຫາງອນ ດໍາຣົງບຸນ ໄດ້ອຸທິດຕົນເຂົ້າບວດໃນບໍວອນພຸດທະສາສະໜາ ເມື່ອອາຍຸໄດ້ 13 ປີ ເຊິ່ງໄດ້ຕັ້ງໃຈຮໍ່າຮຽນແຕ່ລະຊັ້ນຈົນຈົບມະຫາ 8 ປະໂຫຍກ ແລະ ໄດ້ເຄື່ອນໄຫວຕາມໜ້າທີ່ຮັບຜິດຊອບທາງດ້ານການບໍລິຫານ, ການປົກຄອງສົງຈົນໄດ້ເຕີບໃຫຍ່ກາຍເປັນພະມະຫາເທຣະເຈົ້າອົງໜຶ່ງທີ່ມີຜົນງານ-ຄຸນງາມຄວາມດີຢ່າງຫລວງຫລາຍໃນການພັດທະນາອົງການພຸດທະສາສະໜາສຳພັນລາວ, ອົງພຣະຍອດແກ້ວມະຫາງອນ ດໍາຣົງບຸນ ໄດ້ຮັບການຍ້ອງຍໍສັນລະເສີນຈາກພັກ, ລັດຖະບານ ແລະ ຕ່າງປະເທດ ດ້ວຍຫລາຍຮູບການເຊັ່ນ: ໄດ້ຮັບຫລຽນກາແຮງງານ, ໃບຍ້ອງຍໍຈາກສູນກາງແນວລາວສ້າງຊາດ, ກະຊວງສຶກສາທິການ ແລະ ກິລາ, ຈາກບັນດາແຂວງ. ນອກນັ້ນ, ຍັງໄດ້ຮັບກິຕິຄຸນຊັ້ນອັກຄະມະຫາສັດທຳມະໂຊຕິກະທະຊະ ຈາກລັດຖະບານມຽນມາ, ໄດ້ຮັບການແຕ່ງຕັ້ງໃຫ້ເປັນທີ່ປຶກສາກິຕິມະສັກ ຂອງມະຫາວິທະຍາໄລພະພຸດທະສາສະໜາ ຂອງເມືອງເສີນເຈີ້ນ ແຂວງກວາງຕຸ້ງ ສປ ຈີນ, ໄດ້ຮັບປະລິນຍາດຸດສະດີບັນດິດກິດຕິມະສັກ ຈາກມະຫາວິທະຍາໄລມະຫາຈຸລາລົງກອນ ແຫ່ງປະເທດໄທ, ດຸດສະດີບັນດິດກິດຕິມະສັກ ຈາກມະຫາວິທະຍາໄລສິນລະທຳສາກົນ ແລະ ມະຫາວິທະຍາໄລໂພທິສາຕາແຫ່ງຟໍລິດາ ປະເທດອາເມລິກາ. ອົງພຣະຍອດແກ້ວມະຫາງອນ ດໍາຣົງບຸນ ຍັງເປັນພະສົງ ທີ່ມີທັດສະນະຫລັກໝັ້ນ, ມີຄວາມຊື່ສັດບໍລິສຸດ, ເຄັ່ງຄັດຕໍ່ຫລັກທໍາມະວິໄນ, ມີຄວາມເມດຕາກະລຸນາ, ມີຄວາມເສຍສະຫລະສູງ ເພື່ອພຸດທະສາສະໜາ ຖືຜົນປະໂຫຍດຂອງພຸດທະສາສະໜາ ແລະ ປະເທດຊາດສູງກວ່າຜົນປະໂຫຍດສ່ວນຕົວ, ຫ້າວຫັນໃນການປະຕິບັດໜ້າທີ່ສາສະນະກິດ ແລະ ປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ສະນັ້ນ, ພະອາຈານໃຫຍ່ຈຶ່ງໄດ້ຮັບຄວາມເຄົາລົບ-ນັບຖື, ຮັກແພງຈາກພະສົງ-ສາມະເນນ ແລະ ສາສະນິກະຊົນບັນດາເຜົ່າຢ່າງກວ້າງຂວາງ ທັງພາຍໃນ ແລະ ຕ່າງປະເທດ.

ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ - WhatsApp Image 2020 05 27 at 5 - ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ
ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ - WhatsApp Image 2020 05 27 at 5 - ງານຊາປະນະກິດສົບ ພຣະຍອດແກ້ວມະຫາງອນ ດໍາຣົງບຸນ ຈັດຂຶ້ນຢ່າງສົມກຽດ
error: Alert: ເນື້ອຫາຂ່າວມີລິຂະສິດ !!