ຈາກໂຄວິດ 19 ສູ່ການຮັກສາລິ່ນຢູ່ ສປຈີນ.

ຈາກໂຄວິດ 19 ສູ່ການຮັກສາລິ່ນຢູ່ ສປຈີນ. - 555 2 - ຈາກໂຄວິດ 19 ສູ່ການຮັກສາລິ່ນຢູ່ ສປຈີນ.
ຈາກໂຄວິດ 19 ສູ່ການຮັກສາລິ່ນຢູ່ ສປຈີນ. - Untitled design - ຈາກໂຄວິດ 19 ສູ່ການຮັກສາລິ່ນຢູ່ ສປຈີນ.

ການໃຫ້ຄວາມສຳຄັນຕໍ່ການຮັກສາສັດປ່າໄດ້ເຂັ້ມຂຸ້ນຂຶ້ນເລື້ອຍໆ ເມື່ອບໍ່ດົນຜ່ານມາສປຈິນກໍໄດ້ປະກາດໃຫ້ ລິ່ນເປັນສັດຫວງຫ້າມຂັ້ນສູງສຸດ, ອັນນີ້ ກໍແມ່ນໜຶ່ງໃນຜົນພອຍຈາກການລະບາດຂອງພະຍາດໂຄວິດ 19.

ການລະບາດຂອງພະຍາດໂຄວິດ 19 ອາດສົ່ງຜົນເສຍມະຫາສານທາງດ້ານເສດຖະກິດແລະຊີວິດການເປັນຢູ່ຂອງຜູ້ຄົນແຕ່ອີກດ້ານໜຶ່ງການລະບາດຂອງພະຍາດດັ່ງກ່າວນັ້ນໄດ້ສົ່ງຜົນດີຕໍ່ວຽກງານອະນຸລັກໂດຍສະເພາະສັດປ່າທີ່ຫາຍາກແລະກຳລັງສູນພັນທັງຫຼາຍ.

ລິ່ນແມ່ນສັດທີ່ມີລາຄາແພງຍ້ອນຄວາມຕ້ອງການຂອງຕະຫຼາດໂດຍສະເພາະຢູ່ ສປຈີນທີ່ມີຄາມເຊື່ອວ່າເກັດຂອງລິ່ນນັ້ນສາມາດນຳໃຊ້ເປັນຢາພື້ນເມືອງຊັ້ນເລີດເຊິ່ງເຮັດໃຫ້ ຕະຫຼາດການຈຳໜ່າຍຄ້າຂາຍລິ່ນແມ່ນກວ້າງຂວາງແລະນຳມາເຊິ່ງການລ່າທີ່ເປັນໄພຂົ່ມຂູ່ຕໍ່ການສູນພັນຕໍ່ສັດດັ່ງກ່າວ.

ອາດເປັນເລື່ອງໂຊກດີຂອງລິ່ນທີ່ ພະຍາດໂຄວິດ 19 ໄດ້ລະບາດຂຶ້ນແລະເຊື່ອກັນວ່າເຊື້ອພະຍາດດັ່ງກ່າວແມ່ນມາຈາກສັດປ່າໂດຍສະເພາະເຈຍ ແລະນັກວິມະຍາສາດກໍເຊື່ອວ່າປະມານ 70% ຂອງພະຍາດລະບາດຢູ່ໂລກຂອງພວກເຮົາແມ່ນມາຈາກສັດປ່າດ້ວຍເຫດນັ້ນການຫຼຸດຜ່ອນການບໍລິໂພກ, ການຄ້າຂາຍສັດປ່າຈຶ່ງເປັນຂະບວນກວ້າງຂວາງທີ່ສຸດໃນໂລກໃນເວລານີ້.

ເມື່ອບໍ່ດົນຜ່ານມາໜັງສືພີມສຸຂະພາບຂອງຈີນໄດ້ລາຍງານເຖິງການປະກາດການລ່າລິ່ນເປັນເລື່ອງຜິດກົດໝາຍແລະໄດ້ ຈັດໃຫ້ ສັດປະເພດດັ່ງກ່າວເປັນປະເພດສັດຫວງຫ້າມຂັ້ນສູງສຸດ.

ລິ່ນແມ່ນສັດປ່າທີ່ມີລັກສະນະພິເສດຢູ່ບ່ອນວ່າມັນມີເກັດທີ່ອອກແບບມາເພື່ອປົກປ້ອງຈາກຜູ້ລ່າແລະເກັດມັນນີ້ ເອງທີ່ຊາວຈີນເຊື່ອວ່າເປັນຢາພື້ນເມືອງຊັ້ນເລີດແລະພ້ອມນັ້ນຊີ້ນຂອງລິ່ນກໍຍັງມີຄວາມແຊບຊ້ອຍຂອງຫຼາຍໆຄົນຕື່ມອີກ.

ຍ້ອນການລະບາດຂອງພະຍາດໂຄວິດ 19 ການບໍລິໂພດສັດປ່າໃນຈີນຈຶ່ງເປັນເລື່ອງທີ່ເຄັ່ງຄັດຂຶ້ນແຕ່ຍັງມີບາງຂໍ້ຍົກເວັ້ນໂດຍສະເພາະການຢາພື້ນເມືອງ.

ຈາກໂຄວິດ 19 ສູ່ການຮັກສາລິ່ນຢູ່ ສປຈີນ. - Wave100S AD to Website 2020 0 - ຈາກໂຄວິດ 19 ສູ່ການຮັກສາລິ່ນຢູ່ ສປຈີນ.

ການປະກາດດັ່ງກ່າວຂອງທາງການຈີນເຮັດໃຫ້ ກຸ່ມຜູ້ອະນຸລັກມີຄວາມຍິນດີຊົມເຊີຍຕໍ່ມາດຕະການໃໝ່ຂອງຈີນແລະເອີ້ນສິ່ງດັ່ງກ່າວວ່າ“ແມ່ນບາດກ້າວທີ່ສຳຄັນທີ່ສຸດ”ຕໍ່ວຽກງານອະນຸລັກ, ແລະກຸ່ມອະນຸລັກກໍຍັງເຊື່ອວ່າບາດກ້າວຕໍ່ໄປສປຈີນຈະປະກາດຂໍ້ຫ້າມຕ່າງໆ ຕໍ່ຜູ້ທີ່ມັກບໍລິໂພກສັດປ່າຕື່ມອີກ.

ສິ່ງດັ່ງກ່າວໄດ້ສະເທືອນຕໍ່ ຕະຫຼາດຈຳໜ່າຍສັດປ່າຂອງຈີນແລະເຮັດໃຫ້ການລ່າສັດປ່ານັບມື້ນັບໜ້ອຍລົງເຊິ່ງສອດຄ່ອງກັບແນວທາງຂອງອົງການສະຫະປະຊາຊາດທີ່ຖືເອົາຄຳຂັວນສິ່ງແວດລ້ອມປີນີ້ເນັ້ນໜັກໃສ່ ການຮັກສາຊີວະນາໆພັນໂລກ.

ການຊື້-ຂາຍ, ການລ່າແລະການບໍລິໂພກສັດປ່າຢູ່ ສປປລາວຍັງແຜ່ຫຼາຍໃນປັດຈຸບັນເຊິ່ງເຖິງເວລາແລ້ວທີ່ຈະຕ້ອງຫັນປ່ຽນການບໍລິໂພກສັດປ່າໄປສູ່ການອະນຸລັກຢ່າງສົມບູນ. ຜູ້ຂຽນໄດ້ຍິນຢູ່ກອງປະຊຸມໜຶ່ງຂອງພາກສ່ວນທີ່ກ່ຽວຂ້ອງເພິ່ນກຳລັງສຸມໃສ່ ໃນການປາບປາມການຄ້າ-ຂາຍສັດປ່າໃນສປປລາວຢ່າງເຂັ້ມຂຸ້ນທີ່ສຸດແລະເຊື່ອວ່າມາດຕະການທີ່ເຄັ່ງຄັດຊັດເຈນຈະອອກມາໄວໆຕື່ມອີກ.

 

ຈາກໂຄວິດ 19 ສູ່ການຮັກສາລິ່ນຢູ່ ສປຈີນ. - WhatsApp Image 2020 05 27 at 5 - ຈາກໂຄວິດ 19 ສູ່ການຮັກສາລິ່ນຢູ່ ສປຈີນ.
ຈາກໂຄວິດ 19 ສູ່ການຮັກສາລິ່ນຢູ່ ສປຈີນ. - WhatsApp Image 2020 05 27 at 5 - ຈາກໂຄວິດ 19 ສູ່ການຮັກສາລິ່ນຢູ່ ສປຈີນ.
error: Alert: ເນື້ອຫາຂ່າວມີລິຂະສິດ !!